Rôm 12:1 - Kálara Zyɛ̌m Edwán é mpʉ̌n

¹ No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

Kálar Nzyɛ̌m : Ejwán é Sáá

¹ Nó, bɨ́ɔɔ́ bâm ɛ̌, me lɨ́ ejɨʼla e bɨ̌n ɨ́ nkoó Nzyɛ̌m á jɨ̂ʼ gá mɨná nyɨ́, ó bɨ̌n tímlaa nye menyʉ́l mɨ́n ntinɨ̂ e ntinɨ̂, ebě, menyʉ́l mɨ́n, mé ɨ́ jala le esûʼla ó, mikublakúbla míndwéá mi dí ti ɨ́ míh mé Nzyɛ̌m mí. Nye óbee bícwiʼ bín byaá mbɨ̂mbɨá. Yé ntémé ó dí mpǎŋ ndwéá kûm dí ejala e misísǐm mín wɨ́.

Rôm 12:1 ပူးပေါင်းရင်းမြစ်များ

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

Rôm 6:13

Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Rôm 6:19

Me elwib ó, é mpʉ bʉr lé ebɛa sa-sa ɛ. Me esa no ó, ebe ecyɛʼ bɨn ndɨ e le é mɨsisim ɨ. Bɨn bé a be é jɔʼ mya ó, si kʉ lomo bɨfum bɨ nyʉl win, ó bɨn diʼe é dia olʉa. É cye yaa ó bɨn bé a be ó molʉa lé elama fwon lé edu njɨ bɨjyɛʼ bin ɨ. Bɨn bé a be nteme ó, ontɔɔ o motie mo Zyɛm. Efuʼla e tɨʼ, lé a jaa be ó njɨ entaa motie mo Zyɛm! Banana, loma ga bɨfum bɨ nyʉl win ó, byé sea Zyɛm syɛɛ ndɨ é l'ocɨcyel ɨ. Efuʼla e tɨʼ, lé ó, bɨn bé ódi mɨsaŋ mɨ bʉr é mih me.

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Rôm 6:16

Bɨn bé egʉa mbɨmbɨa ó, ǃbɨn si sea e mʉr, sa nye mojoʼo mpʉ molʉa nɛʼɛ, bɨn bɨ lihba molʉa é nko paʼ mo njwɨɨ bɨn lé esa mojoʼo e. ǃBɨn si sa syem nɛʼɛ, lɛɛ ó, bɨn bɨ daʼre efie é monyʉl mɨn. ǃBɨn si mɛʼle ó, bɨn sa ó Zyɛm mojoʼo nɛʼɛ, lɛɛ ó, bɨn bé ónʉŋɔ ó, mpʉ ocɨcyel o bʉr.

2 Korɛnt 4:16

Ebe no, bɨh bé adimle nkul é monyʉl. Bɨh mu ó lé ekʉ bo é nko paʼ nyʉl lé enyin kʉl ɨ, sa gwar, sa ndɨ é nyʉl waa tʉŋlʉ ɨ, yé eto le edwanba moho wiwɛh,

1 Tesalonika 4:1

Ebe no, obɨɔ ga bam aa! Sa me lé eka tile bɨn é l'epihe e, yé ó nɛɛ: bɨh bé a si tɨe bɨn mpʉ bɨn lé ejala le ekœʼ ebò e cyen Zyɛm lé ekpɛl ó, bʉr kœʼœ œ. Bɨn nteme mu ó lé esa no. Dam be no, bɨh bé ejwɨʼla e bɨn, le etɨe bɨn é die mo Da Yesʉs ó, bɨn toʼ le esa no é buobuo.

2 Korɛnt 5:20

Ebe no ó bɨh ndɨ mɨlʉmlʉ mo Krɨst ɨ. É jɔʼ bɨh lé ejebe bɨn ɨ, yé ó mpʉ sa lɛɛ ó, Zyɛm nye mʉr tɨʼ ó ndɨ ejebe bɨn. Ebe no ó bɨh lé ejwɨʼla e bɨn é zyɛŋa wih boo Krɨst ó, mɛʼla ga ó, bɨn diʼe baa Zyɛm a de mpʉn e be e!

Éfɛsɔs 5:10

Saŋa ga ó, bɨn dweʼa sa Da Yesʉs lé ebee mbɨmbɨa ɛ.

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

1 Pyɛr 2:20

ǃBɨn si sa syem, bɨn ntɔʼ dihbe ebiʼe nɛʼɛ, ebe yé bɨn lé enkɛɛ monyʉl ó, bʉr seʼla bɨn ɨ? To kœb ó, bɨn bé ósʉŋɔ mocyɛʼ mo mpom mo Zyɛm é jɔʼ bɨn bé ócwɨa e bʉr, bɨn ntɔʼ sia e bɨntɨʼa le bihbe e.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

2 Korɛnt 6:1

No ó, mpʉ bɨh lé esea e Zyɛm syɛɛ gwar yaa ɛ, no nteme ó bɨh lé ejwɨʼla e bɨn ó, é mpʉ Zyɛm mu si lɛʼle bɨn ncwɨncwɨa no e, abi ga ncwɨncwɨa waa mbɛh,

Rôm 15:30

No ó, obɨɔ ga bam aa! Sa me lé edî e bɨn é die mo Tî ga wina Yesʉs-Krɨst, le é kpɛl Mbɨambɨa Sisim lé egba é mɨleme ga mina, yé ó bɨn kœbɨ me é dɔm lɨ, lé ejwɨʼla e Zyɛm é l'efu lam.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

1 Timotɛ 2:3

Zyɛm, Tiʼbʉr ga wina, nye ebee syɛɛla yaa mbɨmbɨa.

1 Tesalonika 5:12

Obɨɔ ga bam aa! Bɨh bé ejwɨʼla e bɨn ó, bɨn dwaaba baa lé esea lelelele syɛɛ é l'esama lɨn ɨ. Bé ó baa Da Yesʉs a cyel ó, bé kœʼœ e bɨn, le ebal bɨn ɨ.

Lʉkas 7:47

Ebe no, me elɛɛ go ó nɛɛ: é mpʉ nye ndɨ si lɛʼle mpwaʼ kpɛl no e, yé elɛʼle ó, Zyɛm, nyi pɛʼ nye bɨbaa bibyɛh nye a niʼe é lɔb mɨsyem mye e. Myé nteme, myé a be ó é bul buo! No ó, é jɔʼ Zyɛm lé epɛʼ bɨbaa bɨ ebebe ba bim ɨ, mʉr pɛʼɔ bɨbaa byaa ɛ, nye ókpɛl Zyɛm ó ba bim.»

Ebrœ̂ 13:22

Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!

1 Timotɛ 5:4

ǃƗ guu kuho, wé be e bwan, nkʉ onta nɛʼɛ, bwan be baa, bé ejala le etaare jwɨʼ lé esa syɛɛ-Zyɛm ó, é mbɛr bʉr wɔɔ tʉŋlʉ, le ebaʼle nyɔŋ wɔɔ, nkʉ nyɔŋ mpam wɔɔ. Bé nkʉʼ jɛna e l'osɔŋ le onyɔŋ ndwe e bɨmpam byɔɔ mpɔla é l'efu e bɨsyɛɛla bɛɛ, bé a pa sa be e, ebe, sa yaa, yé é mbɨa é mih mo Zyɛm.

1 Tesalonika 4:10

Obɨɔ ga bam aa! É mbi waa ó bɨn lé ekpɛl obuʼla ndɨ é lal Masedwan wiwɛh ɛ. Sa gwar, bɨh bé etɨe bɨn ó nɛɛ: toʼ ga dolo lé ekpɛla paʼra win.

Rôm 9:23

Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.

2 Korɛnt 4:1

É mpʉ yé ndɨ ó, Zyɛm, nyi jwɨʼ bɨh nkoo lé etimle bɨh syɛɛ yiʼ ɨ, bɨh bé adimle nkul é monyʉl.

2 Korɛnt 10:1

No ó, me mʉr tɨ, Pol, me ejwɨʼla e bɨn é zyɛŋa wih boo Krɨst, a fil nyʉl we si ɨ, le mʉr ndɨ é tala njwɨr ɨ—Mɛm, mʉr bɨn lé elɛɛ ó: «Nye efil nyʉl we si é jɔʼ bɨna ga e boo nɔɔ ndɨ gumo gwar ɨ», waa bɨn lé elɛɛ nteme ó: «Nye é bul sa yɛɛ monyan e bɨna ga é jɔʼ bɨna ga e boo nɔɔ mu é ncɛra» ɛ.

Filemɔŋ 1:9

Dam be no, me alwib e go é mbi waa, ebe, me ekpɛl go. Me ejwɨʼla e go ó, jwɨʼla. Me ó lé elwib e go, mɛm Pol, ndɨ tamamʉr e go e. Me ó bananaʼ é mbʉʼ ó, é lɔb buʼo lé etiibe e Yesʉs-Krɨst ɨ.

Filemɔŋ 1:10

Me ejwɨʼla e go ó, é lɔb mo mwan wam Onezimos. Ngbaa me mu wâʼ é mbʉʼ, mɨ bya nye é zi elɛɛ nye Mbɨambɨa Lɔɔ.