Rôm 11:16 - Kálara Zyɛ̌m Edwán é mpʉ̌n

¹⁶ Mɨtom mʉr óto pɛʼ é peme ye e, myé edweŋɔ Zyɛm, myé ntɔʼ liŋa sa ndɨ ti ɨ. Mode mɨmɛh lé eliʼ é peme yaa ɛ, mé mu nteme ó, sa ndɨ ti ɨ. ǃBé si dwe Zyɛm mɨkaale mɨ lɨ nɛʼɛ, lɛɛ ó, mɨlɔɔ lé eduho é kubo lɨ yaa ɛ, myé ó ti, ebe, myé ejoʼo nteme ó e Zyɛm.

Kálar Nzyɛ̌m : Ejwán é Sáá

¹⁶ Péh dœʼ mû sí twámɔɔ, dweŋɔɔ̌ Nzyɛ̌m yɨ́, yé mû ó sá dí ti yɨ́. Mede mɨ́mɛ̂h me dí tɨ̂ʼ má, mé mû ntémé ó, sá dí ti yɨ́. Bé sí dwě Nzyɛ̌m mikaalé mí lɨ́ nó, go ó, milɔ́ɔ mi dí eduho ɨ́ kuó lɨ́ yaá mí, myé gúmó ntémé ó e Nzyɛ̌m.

Rôm 11:16 ပူးပေါင်းရင်းမြစ်များ

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Rôm 11:17

Mpoŋbʉr Ɨzraɛl, nye ó mpʉ lɨ olivye, yé a be-be e mɨlɔɔ myé a jala le esyɛh ɨ. Bé ze nʉa myʉʉ mɨlɔɔ mɨ lɨ olivye yé a pah é diʼ ɨ, ntɔʼ nɛr mye tɨʼ é kubo lɨ yaa. Jwɨʼ gwar e gwar yaa ó bɨn bé a nɛrɔ é kul oYʉden ɨ! Bɨn mu ó é zyɛŋa win boo nɔɔ lé egwɨm dira win nyɔm é mokana lé eduho é mɨkaale e.

Mɨngwiha 14:4

Bɨha ó b'a be mɨloʼo myé a baalœʼ monyʉl mɔɔ é zi bɨduo e. Bé a baʼle monyʉl mɔɔ ó, mɨndu, lé esa-sa sɔʼɔ njɨ du Ma Ntœme gumo yiyɛh nye a to-to e. Bé ó baa Zyɛm a kʉr ɨ. Bɛɛ ó ndɨ mpʉ tom wé a pɛʼɔ é si nwa, waa wé a dweŋɔ Zyɛm bé e Ma Ntœme e.

1 Korɛnt 7:14

No ó ndɨ elɛʼle ó, mʉrʉm ndɨ abe mbuʼla ɛ, nye ó ndɨ waa mo Zyɛm ebe zyɛŋa wɔɔ boo myɛl. Jwɨʼ gwar e gwar yaa nteme, mʉma ndɨ abuʼla ɛ, nye nteme nye ó waa mo Zyɛm é zyɛŋa wɔɔ boo njʉm ndɨ mbuʼla ɛ. Nkʉ yé be ó be, abe no nɛʼɛ, mpa bwan bɨn, bé ó sa ndɨ elœʼ mʉr é mih mo Zyɛm ɨ. To kœb ó, bwan bɨn nteme, bé ó baa mo Zyɛm.

Rôm 8:23

Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.