Rôm 11:12 - Kálara Zyɛ̌m Edwán é mpʉ̌n

¹² É jɔʼ bwa b'Ɨzraɛl, bé a ntaa motie mo Zyɛm ɨ, nye ntɔʼ ze liŋ syem waa okum e l'ogbaa é l'efu e bɨkul bɨfih. Zyɛm pa taare kaale bʉr o ndɨ abe oYʉden ɨ, okum we é jɔʼ oYʉden, bé a sa nye pyeh e, a dwɛʼra e ncwɨncwɨa nye ólɛʼle bɨna ga e boo nɔɔ, é jɔʼ oYʉden baa bɨbɛh, bé óbula ze nye ye e! Nye ólɛʼle bɨna ga e boo nɔɔ ncwɨncwɨa laŋle!

Kálar Nzyɛ̌m : Ejwán é Sáá

¹² Jɔʼ bʉ̂r o b'Ɨ́zraɛ̂l, bé á gbah metié yɨ́, Nzyɛ̌m ntɔ̂ʼ nzě liŋ ébébe laá okúm le ogbaa lɨ́ esú é bʉ̂r ó sí bɨ́bɛ̂h. Nzyɛ̌m pǎ nyɛɛ́ kaale bʉ̂r o bíkúl bíbyɛ̂h okúm wé ɨ́ jɔʼ óYúden, bé á sâ nye ebɨ̌h yɨ́, á dwɛʼra e mpam nyé ólɛ̂ʼle mɨ́ná gá le onɔ́ɔ́ nyɨ́, ɨ́ jɔʼ óYúden baá bɨ́bɛ̂h ngá báʼǎ nze kwá nyé yɨ́! Nye ólɛ̂ʼle mɨ́ná gá le onɔ́ɔ́ mpam ɨ́ ntʉʉʉ́.

Rôm 11:12 ပူးပေါင်းရင်းမြစ်များ

Rôm 11:25

Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Rôm 11:15

ebe, Zyɛm a pɨm oYʉden ó, lé ede mpʉn e bʉr o si nwaʼ nyiwɛh, é mbi ndɨ ó, nye nkʉʼ bula nʉa be pie tɨ. Yé ónwɨɨla ó e pɛ̀ha foo.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Rôm 9:23

Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.

Rôm 11:33

A ndwe e l'okum mo Zyɛm ee! Ocyoo we e ngwɨa we, byé abe e l'odumo. Zé ndɨ e nkul egʉa mɨtiʼa mɨ leme we ɛ? Zé ndɨ e nkul egʉa bɨsyɛɛla nye lé esa ɛ?

Mɨlʉmlʉ 3:21

Banana, nye ejala le edi é jobo kʉ, é di di di, to pyal é jɔʼ Zyɛm óbâʼle cyel bɨsa bibyɛh é bɨcye byɔɔ, mpʉ nye a bɛa kɛʼ, duho mya, é zi mɨsaŋ mɨ ogwiha o mɨlɔb mye e.