Rôm 11:1 - Kálara Zyɛ̌m Edwán é mpʉ̌n

¹ Ebe no, me edî ó nɛɛ: é mpʉ yé ndɨ no e, zê yé lé elɛʼle ó, Zyɛm a si myah kul bʉr ye ɛ? Hɨʼɨ, yé abe ba no! Me mʉr tɨ, me ó mpɛh Ɨzraɛl. Me a byɛl ó, é l'eveh mo Benjamin. Me ó mʉr mpoŋbʉr mo Abraham.

Kálar Nzyɛ̌m : Ejwán é Sáá

¹ Nó ó mé dí edî ó nɛ́ɛ: ɨ́ mpʉ yé dí nó yɨ́, nzê Nzyɛ̌m á si myah bʉr bé ɛ́? Heʼé, yé abá be nó. Mɛm mʉr tɨ̂, me ó mʉr Ɨ́zraɛ̂l. Me á byɛ̂l ó, lɨ́ onzweh mé Benjamin. Me ó, ɨ́ mpóʼo mé Abraham.

Rôm 11:1 ပူးပေါင်းရင်းမြစ်များ

2 Korɛnt 11:22

Zê bé ó bɨmpɛh bɨ Ebrœ ɛ? Me nteme, me ó ye! Zê bé ó bɨmpɛh bɨ Ɨzraɛl ɛ? Me nteme, me ó ye! Zê bé ó mpoŋbʉr mo Abraham ɛ? Me nteme, me ó mʉr tɨ!

Filipi 3:5

Me ó mbyɛla mʉr Ɨzraɛl, é l'eveh mo Benjamin. Me ó mpɛh Ebrœ. Me a saŋɔ mpʉn ó, pie molu mwom, me osi byɛl. Me a si ni é nkɔm oFarizyɛŋ, lé esa zyee lé edu motie mo Moyiz.

Mɨlʉmlʉ 26:4

«OYʉden bɨbɛh, bé egʉa mpʉ tiʼ yam, yé a be-be, taare é l'osoho wam, ze pyal é muh é dobo lɨʼ ɨ. Bé egʉa nteme ó, mpʉ me a gbabla é gumo kul bʉr yam, yé a be e, ntɔʼ ka lele mʉrʉm ɨ Yerʉsalɛm ɨ.

Mɨlʉmlʉ 22:3

«Me ó Yʉden. Me a byɛl ó, Tarsʉs é lal Silisia. Me a ka ze lele mʉrʉm ó wâ. Me a be ó mwa sikʉlʉ mo Gamalyɛl. Nye ó b'a dwe me sikʉlʉ é mpʉ bɨna lé ejala le edu motie bɨmpam ga bina, byé a liʼe e. Leme wam, wé ó me é ntɨɨɨŋ ó, me dwiibɨ Zyɛm, jwɨʼ gwar e gwar mpʉ bɨn ndɨ nɨ, ze pyal é muh é dobo lɨ.

Rôm 9:3

Wé ekpaa me ó, lé ebee obɨɔ bam, bʉr o bɨh e boo nɔɔ bé a byɛl ɨ, bé mu é bɨkɔ́ɔlʉ tʉŋlʉ. Nkʉ Zyɛm be ó be, mɛʼle nɛʼɛ, mpa mɨ fuo ka lɛɛ ó, nye pɛʼɛ be bɨkɔ́ɔlʉ byɔɔ byaa, nye dihba káale yɛɛ me, dam be ó, bɨh e Krɨst, bé ófuo bɔʼa mpa.

Rôm 3:4

Hɨʼɨ, yé abe ba no. Dam be ó, bʉr bɨbɛh, bé ó mɨmpʉmpʉl, Zyɛm nyɛɛ, nye ekʉ ka lɛɛ ó njɨ ocyecye: «É l'efu ó, go nkʉʼ dweŋɔ mokebe é jɔʼ bʉr lé ejoʼo mokan mo e. ǃBé si jwɨʼla saa epur go é mpah mɨlɔb nɛʼɛ, gwɔɔ, go óbi mokebe.»

Lʉkas 20:16

Mɛm, me ebee ó, nye óze jʉ osyɛl o mosa baa bɨbɛh, ze cyel bʉʉ bʉr ofih é peme yaa.» É jɔʼ bʉr, bé a joʼo no e, bé ó: «Tɨtoʼo, yʉʉ sɔʼɔ, yé ákwoʼ syɛɛ ba no!»

Rôm 11:11

No ó, me ebâʼle dî nuu tia ó: «Zê oYʉden, bé a kʉ twe ó, cyecye ɛ?» Hɨʼɨ, yé abe ba no! Zyɛm a si dwe bʉr o byʉʉ bɨkul bɨfih tiʼ molu mo mpoʼ mɨmɛh é lɔb motie oYʉden, bé a ntaa ɛ. Nye a sa no ó, é l'efu le egba oYʉden egu é mɨleme.