Rôm 10:9 - Kálara Zyɛ̌m Edwán é mpʉ̌n

⁹ Yé ó tila é Kalara Zyɛm ó: go óbi tiʼ molu mo mpoʼ mɨmɛh nkʉ go ólɛɛ é nʉm go ó: «Yesʉs ó ndɨ Njwɨɨ» le ebuʼla é leme go tʉŋlʉ ó, Zyɛm a si pɛ̀h nye é foo,

Kálar Nzyɛ̌m : Ejwán é Sáá

⁹ Mekaná mé Nzyɛ̌m, mé lɛ́ɛ́ ó: gó ólɛ́ɛ ɨ́ num gô go mʉr tɨ̂ʼ ó, «Yésʉs ó dí Njwɨ́ɨ!» le ebúʼla tʉ́ŋlʉ̌ lémé gô ó, Nzyɛ̌m á si pɛh nye lɨ́ odwe nó, nye ódwe gó twǐʼ njʉ̌m dǐ.

Rôm 10:9 ပူးပေါင်းရင်းမြစ်များ

Lʉkas 12:8

«Ebe no, me elɛɛ bɨn ó nɛɛ: ǃɨ mʉr si kuro bɨr, gban me é mih mo bʉr nɛʼɛ, mɛm nteme Mwan mo Mʉr, me ógban nye é mih beengles mo Zyɛm.

Mɨlʉmlʉ 16:31

Bé ntɔʼ bɨha e nye ó: «Jyɛʼɛ taa buʼo yo boo Da Yesʉs, go nkʉʼ bi tiʼ molu mo mpoʼ mɨmɛh, bɨn e mbɛr bʉr go wiwɛh!»

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

Rôm 8:34

Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Rôm 14:11

ebe, yé ó tila é Kalara Zyɛm ó: «Da, nye ekáale ó: “Neme me ndɨ kublakubla, me ókʉ bana sa ó, mʉr nyiwɛh kurɨ moboo si é mih mam. Mʉr nyiwɛh gumlo me, mɛm, mʉr ndɨ Zyɛm ɨ.”»

1 Korɛnt 12:3

No ó, me mu ó lé eze tɨe bɨn é nko paʼ waa: mʉr ndɨ elwib é zi Sisim mo Zyɛm ɨ, nye abe e nkul elɛɛ ó: «Yesʉs, nye e bɨkɔ́ɔlʉ!» Ndwe nteme, ǃɨ Mbɨambɨa Sisim be l'abe é mʉr tʉŋlʉ nɛʼɛ, kʉ gʉa ó, mʉr waa, nye abe e nkul elɛɛ ó: «Yesʉs ó ndɨ Tî!»

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

Yʉanes 9:22

Tina, yé ó, obyɛl be, bé a lwib no ó, ebe, bé a be ó lé ekpɛɛ oYʉden, ebe, oYʉden baa, bé a be ó si di twii paʼra wɔɔ ó, ǃɨ mʉr si kʉ lɛɛ ó, Yesʉs, nye ó Lœma mulo mo Zyɛm nɛʼɛ, nye ócyelɔ é pɨŋ, aka to é mpah mɨnjwɨʼla wɔɔ.

Mɨlʉmlʉ 8:36

É mpʉ bé a to-to zi e zi ɨ, bé ze pyal é dibe. Myaʼ mʉr waa ntɔʼ lɛɛ e nye ó: «Paʼ bee modibe ma. Yé ndɨ e nkul eka kamle me lé enʉa ndubo ɛ?» [

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

Mɨlʉmlʉ 2:32

Pyɛr ze ko tɨʼ ó: «Mʉr Zyɛm a pɛ̀h é foo nɨ, ó ndɨ Yesʉs. No ó, bɨh bɨbɛh, bé ó oboʼla o lɔb we waa.

Rôm 4:24

Mé a tilɔ nteme ó, é l'efu ga lɨna, bʉr o b'a jyɛʼ ga taa buʼo yina boo Zyɛm ɨ. Zyɛm, mʉr a pɛ̀h Tî ga wina Yesʉs é foo e, ónʉa bɨna ga ó, mpʉ ocɨcyel o bʉr.

Rôm 10:10

ebe, leme go, wé ó fum go jyɛʼɛ taa buʼo yo boo Zyɛm ɨ, nye ntɔʼ dwe go mokebe é mih me. No ó, ǃgo si mɛʼle ocyecye, lé elɛɛ ó: «Yesʉs ó ndɨ Njwɨɨ» nɛʼɛ, go óbi tiʼ molu mo mpoʼ mɨmɛh.

Rôm 14:9

Ebe, Lœma mulo mo Zyɛm nye mʉr tɨʼ a si dwè, ze pàh, ó nye diʼe Tî wina é l'efu e mɨkubla le odwè e.

1 Yʉanes 4:15

Yé be ó, mʉr, nyi lɛɛ ó: «Yesʉs, nye ó Mwan mo Zyɛm» nɛʼɛ, lɛɛ ó, Zyɛm, nye etiʼe é mʉr waa; mʉr waa, nye nteme ódi é zyɛŋa wɔɔ boo Zyɛm.