Rôm 10:8 - Kálara Zyɛ̌m Edwán é mpʉ̌n

⁸ Yé ó tila é Kalara Zyɛm ó: «Lɔɔ Zyɛm, wé ó kunokuno e go. Wé ó é nʉm go ndwe e leme go tʉŋlʉ.» Mɨlɔb mɨmpwar myaa, myé ó myaa bɨh lé eto le etuno, myaa bʉr bé lé ejala le ebuʼla ɛ.

Kálar Nzyɛ̌m : Ejwán é Sáá

⁸ Mekaná mé Nzyɛ̌m mɨ́ɛ lɛ́ɛ́ ó: Lɔ́ɔ́ mé Nzyɛ̌m, wé ó bǎʼ e go. Wé ó, ɨ́ num gô tʉ́ŋlʉ̌. Wé ó dí ɨ́ lémé gô tʉ́ŋlʉ̌ wɨ́. Lɔ́ɔ́ ngwár e ngwár waá, wé ó waá bɨ́h dí etúno ó, bʉr bûʼlaa wé wɨ̂.

Rôm 10:8 ပူးပေါင်းရင်းမြစ်များ

1 Timotɛ 4:6

ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.

1 Pyɛr 1:25

Lwib mo Da yɛɛ ó njʉmdia e njʉmdia.» To kœb ó, lwib yaa, yé ó Mbɨambɨa Lɔɔ bé a lɛɛ bɨn ɨ!

Galásia 3:2

Me ódî bɨn tia ngwar nwa: Zê Zyɛm a ntɨh bɨn Sisim we ó, ebe mbi bɨn lé edu motie wi ɛ? Zê nye a ntɨh bɨna ga wa ó, ebe buʼo bɨn bé a bi lé ejoʼo Mbɨambɨa Lɔɔ bé a lɛɛ bɨn wi ɛ?

Galásia 3:5

Ebe no, é jɔʼ Zyɛm lé entɨh bɨn Sisim we, le esa mosima paʼra win ɨ, zê nye lé esa no ó, ebe mbi bɨn lé edu motie wi ɛ? Zê yé a be ó, ebe, bɨn bé a si buʼla Mbɨambɨa Lɔɔ bɨn bé a joʼo e?

Rôm 10:17

No ó, gʉŋa ga ó, é jɔʼ mʉr lé ejyɛʼ taa buʼo ye boo Krɨst ɨ, buʼo ye, yé eduho ó, é njoʼa nye a taare joʼo lɔɔ waa ɛ. Njoʼa we waa, wé eduho ó, é l'ekan bé lé elɛɛ nye, tiibe e Krɨst ɨ.

Mɨlʉmlʉ 10:43

Nye ó mʉr lɔb we ndɨ tila é l'okalara be ogwiha o mɨlɔb bɨbɛh ɛ. Bé a lɛɛ-lɛɛ ó, mʉr nyiwɛh ójyɛʼ taa buʼo ye boo nye e, Zyɛm ópɛʼ bɨbaa nye lé eniʼe é lɔb mɨsyem mye e. Nye ósa no ó, ebe die mo Yesʉs.»

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

Mɨlʉmlʉ 16:31

Bé ntɔʼ bɨha e nye ó: «Jyɛʼɛ taa buʼo yo boo Da Yesʉs, go nkʉʼ bi tiʼ molu mo mpoʼ mɨmɛh, bɨn e mbɛr bʉr go wiwɛh!»

Éfɛsɔs 5:26

Nye a sa no ó, wé nkʉʼ di waa mo Zyɛm, nye osi pubo we e modibe ndwe e lɔɔ we.