Rôm 10:2 - Kálara Zyɛ̌m Edwán é mpʉ̌n

² Me ekʉ boʼlo, tiibe e be ó, mpaŋ gwɨma yɔɔ, yé ó, bé bul du Zyɛm. Bé agʉa yɛɛ mpaŋ zi bé lé ejala le edu ɨ.

Kálar Nzyɛ̌m : Ejwán é Sáá

² Mě lɛ́ɛ́ bɨ́n ɨ́ páʼ wɔ́ɔ́ ó, mpǎŋ gwɨ́má yɔ́ɔ́, yé ó, bé nkʉ̂ buú dû Nzyɛ̌m. Bé agʉ́a yɨ́ɛ mpaŋ nzɨ́ bé jálá le edû nyɨ́.

Rôm 10:2 ပူးပေါင်းရင်းမြစ်များ

Mɨlʉmlʉ 21:20

Jɔʼ bé a sil joʼlo sa nye a dɨ lɛɛ be e, bé ntɔʼ gumlo Zyɛm. Bɛɛ ze lɛɛ e Pol ó: «Mɨɔ wih, gɨ bee mpʉ oYʉden otɔɔyin otɔɔyin mu si jyɛʼ taa buʼo yɔɔ boo Yesʉs-Krɨst ɨ. Mɨleme, myé ó be é ntɨɨɨŋ ó, bé duʼo motie mo Moyiz.

Filipi 3:6

Me a si bul laŋle tíile bʉr o Mbɛr-Zyɛm. É nko paʼ motie, me a si kœʼ mbɨambɨa ebò e cyen, alɨŋa ba.

Filipi 1:9

Mɨnjwɨʼla me lé ejwɨʼla é l'efu lɨn ɨ, myé ó: kpɛl yin, yé bwaʼa bwaʼa. Kpɛl yin, yé gwɨa é l'ocyoo le pɨʼ.

Rôm 10:3

É mpʉ bé a be ó si jeʼe mbi Zyɛm lé edwe bʉr mokebe e, bé a kʉ ka saa ó, njɨ bé biʼe mokebe é lɔb ocɨcyel wɔɔ, benɔ lé efil bé bʉr o tɨʼ si e Zyɛm ó, nye nkʉʼ dwe be mokebe edwɛna.

Galásia 1:14

É bʉr o mya wam, me ó b'a bul du buʼo oYʉden. Leme, wé a be ó me é ntɨɨɨŋ ó, me duʼo mɨnjwɨr bɨmpam bih byé a liʼe bɨh e mye e.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

2 Korɛnt 4:6

Ebe, Zyɛm a lɛɛ ó: «Myɛn, wé pana, duho é l'edurʉ tʉŋlʉ.» Waa a lwib no e, a sa nteme ó, myɛn pana é mɨleme ga mina tʉŋlʉ. Myɛn waa ó lé esa ó, bɨna beŋɨ ga moncɛnba mo Zyɛm lé ebee Krɨst nye mʉr tɨ.

Mɨlʉmlʉ 22:3

«Me ó Yʉden. Me a byɛl ó, Tarsʉs é lal Silisia. Me a ka ze lele mʉrʉm ó wâ. Me a be ó mwa sikʉlʉ mo Gamalyɛl. Nye ó b'a dwe me sikʉlʉ é mpʉ bɨna lé ejala le edu motie bɨmpam ga bina, byé a liʼe e. Leme wam, wé ó me é ntɨɨɨŋ ó, me dwiibɨ Zyɛm, jwɨʼ gwar e gwar mpʉ bɨn ndɨ nɨ, ze pyal é muh é dobo lɨ.

2 Korɛnt 8:3

Me mu ó mboʼla wɔɔ tɨ. Me elɛɛ bɨn ó nɛɛ: bé a si laŋle egba, du mpʉ nkul mobi wɔɔ, nye a be e. Bé a si kʉ gba, laa bim nkul mobi wɔɔ, nye a be e. Bé bʉr o tɨ, bé a tiʼe é mɨleme ó,

Mɨlʉmlʉ 21:28

lé ebʉŋɔ bɨtim. Bé ó: «Mbɛngɛɛ! Bɨn bwa b'Ɨzraɛl ɔɔ! Paʼ ze bee ga mʉr lé edwe bʉr sikʉlʉ é gumo yiyɛh, yaa ndɨ elwimla e kul bʉr ga yina, bé e motie ga mɨna ndwe e Mpah Zyɛm nwa ɔɔ! Banana, nyi bana niŋle nteme bʉr o bɨkul bɨfih é jahla bii mo Zyɛm tʉŋlʉ ɔɔ! Nyi lœʼ gumo yé a be e l'ekɛn ɨ, é mih mo Zyɛm ɔɔ!»

Galásia 4:15

É jɔʼ yaa, me ekʉ gʉa mbɨmbɨa ó, nkʉ bɨn bé a be ó be, be e nkul epɛʼ mih mɨn, dwe me ma nɛʼɛ, mpa bɨn bé a be ó si sa me syɛɛla yaa! No ó, ebe yé bɨn ndɨ aka kpɛl me é bananaʼ ɛ?

Kolosi 4:13

Me ekʉ boʼlo é lʉ we ó, nye elaŋle nʉa tuu é l'efu lɨn e bʉr o Laodisea, ndwe e baa o Ierapoli.

Mɨlʉmlʉ 22:22

Ntuntuma bʉr yé a be tɨʼ ɨ, kʉ ze joʼlo Pol é puuu, to pyal é vula lwib. No ó bé a taare ebɨn motwii kʉ. Bé ó: «Jʉʼo mʉr nwa. Nye ajala le eka tiʼe é si nwa!»

Yʉanes 16:2

Bɨn bé ócyelɔ é pɨŋ, aka mɛʼlɔ é mompah mɨnjwɨʼla. Ewala, lé ópyal nteme, jɔʼ bʉr, bé ójʉ bɨn ɨ, bé ókʉ toŋlo ó, bé esa Zyɛm mɨmpaŋ bɨsyɛɛla é zi ejwɨɨ e bʉr laa.

Rôm 10:1

Obɨɔ ga bam aa! Gwɨma leme wam, wé ó oYʉden nkʉʼ bi tiʼ molu mo mpoʼ mɨmɛh. Yé nteme ó ndɨ mɨnjwɨʼla myam.