Rôm 10:19 - Kálara Zyɛ̌m Edwán é mpʉ̌n

¹⁹ No ó, me ebâʼle dî ó: «Zê bwa b'Ɨzraɛl, bé a baagʉa sa bé a joʼo e?» Ndɨ, bé a be yɛɛ ó, si kʉ gʉa ye. Moyiz a bɛa lɛɛ ó: «Zyɛm, nye elɛɛ ó: “Me ósa bɨn é mbi ndɨ ó, bɨn saʼ egu e bʉr o bɨkul bɨfih. Me ógba empime é mɨleme min, cwɨɨ é zi bʉr o ndɨ é lal mɨmiʼ ɨ.”»

Kálar Nzyɛ̌m : Ejwán é Sáá

¹⁹ Nó ó, me lɨ́ ebáʼǎ dî ó: «Nzê oYúden, bé á bé agwá gʉ́a ɛ̌?» Eee, bé á be yɨ́ɛ ó, sí kʉ́ jóʼo. Moyɨ̂z á boo lɛ́ɛ ó: Nzyɛ̌m lɛ́ɛ́ ó: Me ósâ bɨ́n mbi dí ó, bɨ̌n sâʼ egú e bʉr o bíkúl bíswîh. Me ókóblo bɨ́n ebúʼ e nzɨ̌ bʉr o dí ɨ́ sí bígʉʼlʉgʉ́, dí elúʼo pɨ̂ʼ bá.

Rôm 10:19 ပူးပေါင်းရင်းမြစ်များ

Rôm 11:11

No ó, me ebâʼle dî nuu tia ó: «Zê oYʉden, bé a kʉ twe ó, cyecye ɛ?» Hɨʼɨ, yé abe ba no! Zyɛm a si dwe bʉr o byʉʉ bɨkul bɨfih tiʼ molu mo mpoʼ mɨmɛh é lɔb motie oYʉden, bé a ntaa ɛ. Nye a sa no ó, é l'efu le egba oYʉden egu é mɨleme.

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

1 Pyɛr 2:10

Molu pihe, bɨn bé a baabe kul bʉr ye. No ó, banana, bɨn mu ó kul bʉr ndɨ yaa mo Zyɛm ɨ! Molu pihe, abe e mʉr a jwɨʼ bɨn nkoo. No ó, banana, Zyɛm nye mʉr tɨ, nyi kʉ jwɨʼ bɨn nkoo!

1 Korɛnt 1:12

Me ejoʼo ó, mʉr nyiwɛh é l'esama lɨn, nye mu lwib ó, we mbi. Nwaʼ, nye ó: «Me ó mʉr mo Pol.» Nuu, nye ó: «Me ó mʉr mo Apolos.» Nuu, nye ó: «Mɛm, me ó waa mo Sefas.» Nuu nteme, nye ó: «Me ó waa mo Krɨst.»

1 Korɛnt 15:50

Obɨɔ ga bam aa! Me ekʉ lɛɛ e bɨn ó, ntʉʼ mamʉr bɨpuno le motié ndɨ e nkul eniŋlɔ é jwɨ̀ʼa mo Zyɛm. Sa lé edwè, debe, bo e, yé abe e nkul ebi nkɔb é sa lé edi njʉmdia e njʉmdia ɛ.

1 Korɛnt 12:2

Bɨn bé egʉa ó, é jɔʼ bɨn bé a be mɨnjeʼe-Zyɛm ɨ, bɨn bé a be ó lé edwiibɨ bɨbaŋabaŋa bɨdweʼle, bibyɛh njɨ bɨgʉ́ʼ e bɨgʉ́ʼ! É til jɔʼ yaa, bɨsa bɨ ozyɛm baa, bé a yɨm bɨn ó, bɨn saʼ syɛɛla yiyɛh bé a kpɛl ɨ.

1 Korɛnt 11:22

Zê bɨn bé abe e mɨmbɛr, bɨgumo bɨn bé óde mode le enyʉl monwoʼ mɨn ɨ? Ntʉʼ pyeh bɨn lé esa Mbɛr-Zyɛm nwaʼ ɛ? Zê bɨn bé lé ekpɛl gba bʉr o ndɨ abe e mode e, fwon é nyʉl ɛ? Yé me ndɨ e nkul elɛɛ bɨn ɨ? Zê me óseʼle bɨn tɨ? Abe e sɔʼɔ! Me aŋa seʼle ba bɨn.

1 Korɛnt 10:19

Yé me be lé egwɨm lɛɛ ɛ? Me alɛɛ ó tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, nye a be ó si dweŋɔ nuu zyɛm é l'ocyecye. Me alɛɛ ó, bɨbaŋabaŋa bɨdweʼle ndɨ mɨkpɛʼa ɛ, byé ó ozyɛm.

1 Korɛnt 7:29

Obɨɔ ga bam aa! Me egwɨm lɛɛ tɨʼ ó, yi liʼ ba ma jɔʼ. Taare é jɔʼ yi, yé ekʉ ka liʼ mɨmbɛa mɨ bʉr ó njɨ myé tiʼa mpʉ sa lɛɛ ó, myé ó bɨzihle.

Rôm 10:18

No ó, me edî ó nɛɛ: «Zê oYʉden bɛɛ, bé a baajoʼo lɔɔ waa ɛ?» Ndɨ, bé a be ó si kʉ gʉa joʼo we! Yé ó njɨ, mpʉ bé a tile é Kalara Zyɛm ɨ. Yé ó tila ó: «Bʉr, bé a be ó si to le esa tuno waa gumo yiyɛh; motwii mɔɔ si jwɨ̂ʼ é si nwaʼ nyiwɛh, to pyal é modumo mo si mɨmɛh.»

Rôm 3:26

No ó, banana, nyi ka lɛʼle bʉr ó, nye mʉr tɨ, nye ó cɨcyel mʉr. Nye nteme, nye ó waa lé edwe bʉr o ndɨ ejyɛʼ taa buʼo yɔɔ boo Yesʉs ɨ, mokebe e.