Rôm 10:18 - Kálara Zyɛ̌m Edwán é mpʉ̌n

¹⁸ No ó, me edî ó nɛɛ: «Zê oYʉden bɛɛ, bé a baajoʼo lɔɔ waa ɛ?» Ndɨ, bé a be ó si kʉ gʉa joʼo we! Yé ó njɨ, mpʉ bé a tile é Kalara Zyɛm ɨ. Yé ó tila ó: «Bʉr, bé a be ó si to le esa tuno waa gumo yiyɛh; motwii mɔɔ si jwɨ̂ʼ é si nwaʼ nyiwɛh, to pyal é modumo mo si mɨmɛh.»

Kálar Nzyɛ̌m : Ejwán é Sáá

¹⁸ Nó ó, mě dí ó nɛ́ɛ: «Nzê oYúden bɨ́ɛ, bé á bé ajóʼǒ lɔ́ɔ waá ɛ́?» Eee, bé á si gwa kʉ jóʼo wê. Yé ó mpʉ bé á cɛma ɨ́ Mekaná mé Nzyɛ̌m yɨ́. Yê cɛmá ó: Bʉr, bé á be ɨ́ tô le etúnǒ gúmó yɨ́yɛ̂h, mecwíí mɔ́ɔ́ jwɨ̂ʼ ɨ́ sí yɨ́yɛ̂h, tó pyâl ɨ́ medumo mé sí mɨ́mɛ̂h.

Rôm 10:18 ပူးပေါင်းရင်းမြစ်များ

Rôm 1:8

Sa efoʼ, me edwe Zyɛm Sɔŋ wam ekiba é zyɛŋa wih boo Yesʉs-Krɨst é lɔb win, ebe, é si nwaʼ nyiwɛh, bʉr bé ejoʼo mɨlɔɔ min, mpʉ bɨn lé ejyɛʼ taa buʼo yin boo Yesʉs-Krɨst ɨ.

Mataos 24:14

Ebe no, Mbɨambɨa Lɔɔ lé etiibe e jwɨ̀ʼa mo Da ɛ, wé ólɛɔ gumo yiyɛh é si nwa, lé esa ó, bʉr o ndɨ abe oYʉden ɨ, bé joʼa bʉr lé eboʼlo lɔɔ waa. Pie tɨʼ ó esie e mbi jɔʼ yi, lé óka bɔma ɛ.»

1 Tesalonika 1:8

Lɔɔ lé etiibe e Da Yesʉs ɨ, bɨn ó b'a sa ó, wé myɛma, lé eto jaabe! É bɨgumo bibyɛh, bʉr, bé mu ó lé ejoʼo mpʉ bɨn lé ejyɛʼ taa buʼo yin boo Zyɛm ɨ. Lɔɔ waa, wé a baafiʼ é lal Masedwan, nkʉ é lal Akayi. Wé elaa naa. Bɨh bé aka bâʼle nʉa tuu mbɛh lé elɛɛ bʉr yʉʉ sɔʼɔ é lʉ win.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

Markus 16:15

No ó nye a lɛɛ e be ó: «Toʼ ga é si nwaʼ nyiwɛh, lé eto le elɛɛ mɨcyea bɨsa bibyɛh Mbɨambɨa Lɔɔ.

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Mataos 26:13

Me elɛɛ bɨn cyecye ó nɛɛ: fum yiyɛh é si nwaʼ nyiwɛh bé ólɛɛ Mbɨambɨa Lɔɔ wiʼ ɨ, syɛɛla mʉma nwaʼ sa ɛ, yé ótaŋlɔ nteme. Bʉr, bé ótoŋlo nye tɨ.»

Mataos 4:8

Njwɨɨ moleme ntɔʼ bâʼle ze nʉa nye, to e nye é nʉa ecwɨʼ lé a be é bul jaa kʉ ɨ. Nye ze lɛʼle nye mɨlal mɨ si nwaʼ mimyɛh, le okum e l'ogbaa o mɨlal myaa.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

Markus 16:20

No ó ompʉn be, bé a to le elɛɛ Mbɨambɨa Lɔɔ é gumo yiyɛh ɛ. Pie lɔɔ bé a lɛɛ ɛ, Da Yesʉs a ntɨh-ntɨh bɨdweʼle bɨ nkul we ó, byaa lé eboʼlo ó, lɔɔ wɔɔ, wé a kʉ be ó cyecye e.]

Mɨlʉmlʉ 26:20

Me a kʉ ka taare ó njɨ e tuno Mbɨambɨa Lɔɔ, taare é bʉr o Damas bé e baa o Yerʉsalɛm, ndwe e baa bɨbɛh ndɨ é lal Yʉda ɛ, to pyal é mɨlal mɨ bʉr o ndɨ abe oYʉden ɨ. Me a lɛɛ e bɨbɛh ó, bé gwɨma mobebe mɔɔ, dwir mɨleme, le ejyɛʼ taa buʼo yɔɔ boo Zyɛm. Bɨsyɛɛla byɔɔ, byé óbe ó bɨdweʼle, sa lé elɛʼle ó, bé mu ó ocɨcyel o bʉr, le mɨleme mɨndwira ɛ.

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»