Rôm 10:12 - Kálara Zyɛ̌m Edwán é mpʉ̌n

¹² Ebe, mbɛʼ, wé abe paʼra oYʉden bé e bʉr o ndɨ abe oYʉden ɨ. Bɨbɛh, bé ó e njwɨʼa ngwar lé elɛʼle ncwɨncwɨa boo baa bɨbɛh lé ejwɨʼla e nye e.

Kálar Nzyɛ̌m : Ejwán é Sáá

¹² Ebě, mbɔ́ʼ, wé abe páʼ oYúden, bé e bʉr o dí abe óYúden bá. Bɨ́bɛ̂h, bé e Njwɨ́ɨ ngwár. Baá dí ekɛn díé lé bá, nye lɨ́ elɛ̂ʼle bé bɨ́bɛ̂h mpam nyé.

Rôm 10:12 ပူးပေါင်းရင်းမြစ်များ

Filipi 4:19

No ó, Zyɛm Sɔŋ wam óloŋlo bɨn e bɨsa bɨn lé esaa ɛ, dwe bɨn bya ntuʼba, lé edu mpwaʼ okum we. Nye ósa no ebe zyɛŋa win boo Yesʉs-Krɨst.

Mɨngwiha 17:14

Bé ólʉo dɔm e Ma Ntœme, Ma Ntœme nyɛɛ lé entaa be é nkul dɔm, ebe, nye ó ndɨ Tî otî le Njwɨɨ ojwɨɨ. Bʉr o bé e boo nɔɔ lé entaa, bula e l'esaa é koo e, bé ó baa nye a jebe, le epɛh ɛ. Bé nteme, bé ó bʉr be ebuʼla.»

Rôm 3:22

Zyɛm mu lé edwe bʉr mokebe é mih me ó, njɨ ebe taa buʼo bé lé ejyɛʼ boo Yesʉs-Krɨst ɨ. Zyɛm a kar zi waa ó, é l'efu e baa bɨbɛh lé ejyɛʼ taa buʼo yɔɔ boo nye e, ebe, bʉr bɨbɛh, bé ó jwɨʼ gwar.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Kolosi 3:11

É tiʼ edwan yaa, adu ga bwa mɨmbɛʼ ba: Nkʉ mʉr fih mʉr kɛ̀l, nye ó mʉr Grɛs, nkʉ nye ó Yʉden, nkʉ nye a be ó si saŋɔ mpʉn, nkʉ nye a baasaŋɔ mpʉn, nkʉ nye ó mʉr kul bʉr lé ebul cyɛlɔ ɛ, nkʉ nye ó mʉr kul bʉr o ndɨ ebul feha ɛ, nkʉ nye ó elʉa, nkʉ nye ó mʉr ndɨ é dia otî ɨ, ebe, Krɨst ó ndɨ lʉ sa yiyɛh é mɨpaʼ mimyɛh.

1 Timotɛ 2:5

Ebe, Zyɛm, nye ó njɨ ngwar. No nteme ó, bʉr, bé e mosàa-mɔm ngwar lé eduula paʼra bʉr bé e boo Zyɛm ɨ. Nye mʉr tɨ, nye ó mʉr: Yesʉs-Krɨst.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

Mɨngwiha 19:16

Bé a si tile die le é len kʉr ndwe e dʉ̀ ye. Bé a tile ó: «Njwɨɨ ojwɨɨ le Tî otî.»

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Rôm 14:9

Ebe, Lœma mulo mo Zyɛm nye mʉr tɨʼ a si dwè, ze pàh, ó nye diʼe Tî wina é l'efu e mɨkubla le odwè e.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

2 Korɛnt 8:9

Ebe, bɨn bé egʉa mpʉ Tî ga wina Yesʉs-Krɨst a cwɨa e bɨna ga ɛ. Nye a bɛa be ó mbil bɨsa, nye ze liʼe okum e l'ogbaa we, ze dwir nye mʉr tɨʼ anteʼenteʼe, ó bɨn kaʼ liʼ e l'okum e l'ogbaa, nyɛɛ liʼ e l'enteʼe le egoblo.

1 Korɛnt 15:47

Adam efoʼ a meŋɔ ó e bɨbwah. Adam mba a duho ó, é jobo kʉ.

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

Rôm 15:12

Ngwiha mɨlɔb Ezayi a lɛɛ nteme ó: «Nuu mʉr mpoŋbʉr mo Yese óbyɛl mpʉ ntoʼdu, ntɔʼ jwɨ̀ʼ bʉr o ndɨ abe oYʉden ɨ. Mɨleme myɔɔ, myé óloŋlo e mbɛla ó, ebe, bé ebono nye.»

Mɨlʉmlʉ 9:14

Ojwɨɨ be opara, bɨ dwe nye nkul mojwɨ̀ʼa ó, nye pyala wâʼ lé esaa bʉr o ndɨ ejwɨʼla e Zyɛm Sɔŋ, pere e die lo e, nye kaʼa be monkara!»

Éfɛsɔs 3:16

Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Mɨlʉmlʉ 7:59

É mpʉ bé a be lé elumo nye mokoʼ e, Etyɛn a be ó njɨ lé ejwɨʼla e Zyɛm. Nye ó: «Da Yesʉs! Nʉŋa sisim wam.»