Rôm 1:9 - Kálara Zyɛ̌m Edwán é mpʉ̌n

⁹ É jɔʼ yiyɛh, me ejwɨʼla e nye é l'efu lɨn. Zyɛm nye mʉr tɨ, nye egʉa ó, me elɛɛ ó ocyecye. Nye waa ó me lé esea syɛɛ ye e leme wam wiwɛh ɛ. Me esea ye ó, é zi elɛɛ Mbɨambɨa Lɔɔ lé etiibe e Mwan we e.

Kálar Nzyɛ̌m : Ejwán é Sáá

⁹ Ɨ́ jɔʼ yɨ́yɛ̂h, me lɨ́ ejɨʼla e né ɨ́ lɔ̌b wɨ́n. Nzyɛ̌m mʉr tɨ̂ʼ boʼlo ó, mě lɛ́ɛ́ ó otyeetye. Nye ó mé dí eboó séǎ syɛ́ɛ́ yé e tiŋé ɨ́ lémé wâm nyá. Mě séá yé ó e nzɨ̌ etúnǒ Mbɨambɨa Lɔ́ɔ dí edumo e Mwân wé wɨ́.

Rôm 1:9 ပူးပေါင်းရင်းမြစ်များ

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

Rôm 9:1

Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

1 Tesalonika 5:17

Jwɨʼla ga e Zyɛm é bɨjɔʼ bibyɛh.

2 Korɛnt 1:23

Neme Zyɛm ndɨ mboʼla wam, me elɛɛ ó nɛɛ: yé be ó, me elɛɛ ó mpʉl nɛʼɛ, nye dimla tiʼ yam! Sa yé a kʉ sa ó, me l'ayi ka ze Korɛnt ɨ, yé a be ó gwɨma ebɛʼ bɨn tuu.

1 Tesalonika 3:10

Moho e pum, bɨh bé elaŋle jwɨʼla e Zyɛm ó, bɨna bɛɛla ga mompom. Bɨh bé egwɨm ó, bɨh fwahla syɛɛ bɨh bé a taare sea bɨn ye e, ó buʼo yin, yé l'ayi luʼo ba.

1 Tesalonika 1:2

Bɨh bé edwe Zyɛm ekiba é bɨjɔʼ bibyɛh é lɔb win, é jɔʼ bɨh lé esa nye mɨnjwɨʼla ɛ.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Filipi 1:4

É jɔʼ yiyɛh me lé ejwɨʼla é l'efu lɨn ɨ, me ejwɨʼla ó e bɨsʉhʉ,

Mɨlʉmlʉ 27:23

ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ.

Mɨlʉmlʉ 19:21

Pie tɨ, Pol ze tiʼe é leme we ó, nye to ó, to ntaa Masedwan, le Akayi. Nye òka to Yerʉsalɛm. Nye a lɛɛ-lɛɛ ó: «É jɔʼ me óbe si pyal gʉʼ ɨ, me ejala le ebâʼle tɨ cyen, to pyal nteme nkana Rom.»

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Filipi 2:22

Bɨn bʉr o tɨ, bé egʉa mpʉ Timote lé ebɛa di-di me mpʉ mwan ɨ, le mpʉ nye lé edihbe syɛɛ bɨh e nɔɔ lé esea lé elɛɛ Mbɨambɨa Lɔɔ ɛ. Ebò e cyen nye lé ekœʼ œ, lé ó dweʼle, sa lé ekʉ lɛʼle ó, nye e nyɔm ɨ.

Galásia 1:20

(Sa me tile nɨ, yé ó cyecye. É mih mo Zyɛm, me ebâʼle lɛɛ ó, me asa mpʉl.)

2 Korɛnt 11:31

Zyɛm, waa ndɨ Sɔŋ mo Da Yesʉs ɨ, nye egʉa ó, me alɛɛ mpʉl. Nye e kum njʉmdia e njʉmdia.

Mɨlʉmlʉ 24:14

No ó, me ekʉ mɛʼle yɛɛ ó, me edwiibɨ Zyɛm bɨmpam bih lé edu Zi Tiʼ. Zi waa, nye ó buʼo bɛɛ lé elɛɛ ó, yé é bebe e. Mɛm, me ebuʼla sa yiyɛh ndɨ tila é motie mo Moyiz ndwe e sikʉlʉ ogwiha o mɨlɔb bé a dwe e.

Mɨlʉmlʉ 12:5

Pyɛr a be ó kɛʼa é mbɛr mɨmbʉʼ, bʉr o Mbɛr-Zyɛm bɛɛ, lé esa zyee lé esa Zyɛm mɨnjwɨʼla é l'efu le.

Mɨlʉmlʉ 3:26

No ó, é jɔʼ Zyɛm a ka lomo syɛl mosa we e, nye a taare lomo nye ó, bɨn ye, ó nye sʉʼo bɨn mocyɛʼ mo mpom me, le esa ó, mʉr nyiwɛh é sama yin, nye gwaʼa bɨsyɛɛla bɨ ebebe bye bibyɛh.»

Lʉkas 18:1

Yesʉs ze sa be kɨkɛna fih, kɨkɛna yaa lé elɛʼle ompʉn be ó, bé ekʉ jala le ejwɨʼla e Zyɛm é jɔʼ yiyɛh, akar tuu.

Markus 1:1

Etɛɛrɨ e Mbɨambɨa Lɔɔ lé etiibe e Yesʉs-Krɨst, [Mwan mo Zyɛm] ɨ.

Filemɔŋ 1:4

É jɔʼ yiyɛh me lé esa Zyɛm Sɔŋ wam mɨnjwɨʼla é l'efu lo e, me edwe nye ekiba é lɔb go,

Filipi 1:3

Me edwe Zyɛm Sɔŋ wam ekiba é lɔb win é jɔʼ yiyɛh me lé etoŋlo bɨn ɨ.