Rôm 1:8 - Kálara Zyɛ̌m Edwán é mpʉ̌n

⁸ Sa efoʼ, me edwe Zyɛm Sɔŋ wam ekiba é zyɛŋa wih boo Yesʉs-Krɨst é lɔb win, ebe, é si nwaʼ nyiwɛh, bʉr bé ejoʼo mɨlɔɔ min, mpʉ bɨn lé ejyɛʼ taa buʼo yin boo Yesʉs-Krɨst ɨ.

Kálar Nzyɛ̌m : Ejwán é Sáá

⁸ Sá ésôʼ, me lɨ́ edwě Nzyɛ̌m nzyǒo ɨ́ díé mé Yésʉs-Krîst ɨ́ lɔ̌b wɨ́n, ebě, ɨ́ sí yɨ́yɛ̂h, bʉr bé lɨ́ ejóʼo mílɔ́ɔ́ mín mpʉ bɨ́n dí ebúʼlǎ Yésʉs-Krîst yɨ́.

Rôm 1:8 ပူးပေါင်းရင်းမြစ်များ

Rôm 16:19

Bɨn bɛɛ, bé esa Da mojoʼo, mpʉ bʉr bɨbɛh lé egʉa ɛ. No ó, me ebul soho ebe bɨn. Me ekpɛl nteme ó, bɨn diʼe e l'ocyoo é l'efu ó, bɨn saʼ embɨa. No ó, é nko paʼ ebebe, bɨn bé óbe ó ocɨcyel o bʉr.

1 Korɛnt 1:4

Zyɛm Sɔŋ wam a si sʉ bɨn mocyɛʼ mo mpom me é zi mo Yesʉs-Krɨst. Ebe no ó me lé edwe nye ekiba é lɔb win é jɔʼ yiyɛh ɛ.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

Ebrœ̂ 13:15

Bɨna dwiibɨ ga Zyɛm é jɔʼ yiyɛh. Dweʼ ga nye motwina maa é die mo Yesʉs, lé eseʼle die le.

Kolosi 1:3

Bɨh bé edwe Zyɛm, waa ndɨ Sɔŋ mo Tî ga wina Yesʉs-Krɨst ɨ, ekiba é bɨjɔʼ bibyɛh, é jɔʼ bɨh lé ejwɨʼla e nye é l'efu lɨn ɨ.

Filipi 1:3

Me edwe Zyɛm Sɔŋ wam ekiba é lɔb win é jɔʼ yiyɛh me lé etoŋlo bɨn ɨ.

Éfɛsɔs 1:15

Me a si joʼo mpʉ bɨn ndɨ ejyɛʼ taa buʼo yin boo Da Yesʉs le ekpɛl mɨsaŋ mɨ bʉr mo Zyɛm mimyɛh ɛ. Taare é jɔʼ me a joʼo no e,

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Éfɛsɔs 5:20

É jɔʼ yiyɛh, dweʼ ga Zyɛm Sɔŋ ekiba é lɔb sa yiyɛh, é die mo Tî ga wina Yesʉs-Krɨst.

Mataos 24:14

Ebe no, Mbɨambɨa Lɔɔ lé etiibe e jwɨ̀ʼa mo Da ɛ, wé ólɛɔ gumo yiyɛh é si nwa, lé esa ó, bʉr o ndɨ abe oYʉden ɨ, bé joʼa bʉr lé eboʼlo lɔɔ waa. Pie tɨʼ ó esie e mbi jɔʼ yi, lé óka bɔma ɛ.»

Éfɛsɔs 3:21

Kum diʼe e nye é zi Mbɛr-Zyɛm ndwe e Yesʉs-Krɨst nteme, to pyal é mɨmya mɨ bʉr mimyɛh njʉmdia e njʉmdia. Amɛn.

Mɨlʉmlʉ 11:28

Nuu mʉr a be ó é l'esama lɔɔ, die le Agabus. Nye a si lɛɛ bʉr é nkul mo Mbɨambɨa Sisim ó, bwaʼbwaʼ za ónyaŋla é molu maa, jala si nwaʼ nyiwɛh. No ó, za waa a ka nyaŋla ó, é jɔʼ mo Kɛɛza Klodiʉs.

Lʉkas 2:1

Twii mojwɨʼa a be ó si duho boo Kɛɛza Ogust ó, bʉr bɨbɛh, bé toʼ, to tibla mie é láŋ-bʉr.

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

Rôm 10:18

No ó, me edî ó nɛɛ: «Zê oYʉden bɛɛ, bé a baajoʼo lɔɔ waa ɛ?» Ndɨ, bé a be ó si kʉ gʉa joʼo we! Yé ó njɨ, mpʉ bé a tile é Kalara Zyɛm ɨ. Yé ó tila ó: «Bʉr, bé a be ó si to le esa tuno waa gumo yiyɛh; motwii mɔɔ si jwɨ̂ʼ é si nwaʼ nyiwɛh, to pyal é modumo mo si mɨmɛh.»

2 Korɛnt 2:14

Bɨna dweʼ ga Zyɛm ekiba. Yesʉs-Krɨst, nye ó lé eliʼle bɨna ga é jɔʼ yiyɛh é l'ebʉʼ e bɨsʉhʉ, lé esoho onkɔɔ we. Bɨna ga ó ndɨ edu ga nye é koo pihe é l'asisia we. Nye nteme ó lé esa ó, bɨna dweʼ ga bʉr sikʉlʉ lé esa ó, bé gʉŋa nye e. Nye esa bɨna ga no ó, é gumo yiyɛh. Bɨna ga mu ó mpʉ motwina mo ndwam lé epyɛl mbɨambɨa monumo e.

Éfɛsɔs 1:16

me agwaʼ lé edwe nye ekiba é lɔb win é jɔʼ yiyɛh me lé etoŋlo bɨn ɨ.

1 Tesalonika 1:2

Bɨh bé edwe Zyɛm ekiba é bɨjɔʼ bibyɛh é lɔb win, é jɔʼ bɨh lé esa nye mɨnjwɨʼla ɛ.

1 Tesalonika 2:13

Ebe no ó bɨh lé edwe Zyɛm ekiba é bɨjɔʼ bibyɛh ɛ, ebe, é jɔʼ bɨh bé a gwih bɨn mɨlɔb mo Zyɛm ɨ, bɨn bé a si mɛʼle mye. Bɨn bé a baamɛʼle mye mpʉ baambɛhambɛha mɨlɔɔ lé eduho é pɨʼ mo mamʉr ɨ. Bɨn bé a kʉ mɛʼle mye ó, mpʉ lɔɔ waa ndɨ ɨ: lɔɔ ndɨ eduho boo Zyɛm, waa mu lé esea é mɨleme mɨ obuʼla ɛ.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

Filemɔŋ 1:4

É jɔʼ yiyɛh me lé esa Zyɛm Sɔŋ wam mɨnjwɨʼla é l'efu lo e, me edwe nye ekiba é lɔb go,