Rôm 1:30 - Kálara Zyɛ̌m Edwán é mpʉ̌n

³⁰ ka kɛl movoʼ. Bé nteme, bé ebene Zyɛm, le epyeh bʉr. Bé e nkɛa nyʉl, ndwe e jaale. Bé ekʉ ka saa ó njɨ mopɨʼ mo ekuhlo mʉʉ mobebe mofih. Bé ajoʼo obyɛl bɔɔ.

Kálar Nzyɛ̌m : Ejwán é Sáá

³⁰ Bé lɨ́ eswêʼ míé mé bʉ́ʉ́ bʉ̂r. Bé ó ontɨ̂m le obɨn mé Nzyɛ̌m. Bé lɨ́ edîʼ mpêl. Bé lɨ́ esâ énkɛ́ɛ e nyʉ̂l le jáálé. Bé jaá sɨsáa ó, njɨ mepɨʼ mé ékûhlo mʉ́ʉ́ mébébe meswîh. Bé ajóʼo ósɔ́ŋ le onyɔ̌ŋ bɔ́ɔ́.

Rôm 1:30 ပူးပေါင်းရင်းမြစ်များ

2 Timotɛ 3:2

É til molu yaa, bʉr, bé óbul kpɛl ó, njɨ bé bʉr o tɨ. Bé ókpɛl mɔn laŋle. Bé e jaale ndwe e nkɛa nyʉl. Bé óbul pyeh bʉʉ bʉr. Bé aŋa joʼo obyɛl bɔɔ. Bé ólono embɨa bé lé esaŋɔ ɛ. Bé óbe ó bʉr o ndɨ epyeh Zyɛm ɨ.

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

2 Pyɛr 2:18

Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

Jacques 4:16

To kœb ó, bɨn mu ó lé enkɛɛ monyʉl, le esa jaale. Gʉŋa ga ó, mbi nkɛa nyʉl waa, wé é bebe.

Jacques 3:5

Jɨm mo mʉr, yé ó no. Yé dam twaʼbe, yé ó e nkul etwɨna é bɨsa bɨnɨnɨ yé lé esa ɛ. Ndwe nteme, bwaʼbwaʼ ekomo e diʼ, lé e nkul ediʼe ebe ma da e siʼe titia.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

2 Tesalonika 2:4

Nye ókaŋa e sa yiyɛh ndɨ ejebɔ ó, zyɛm ɨ. Bɨsa bʉr ndɨ edwiibɨ ɨ, nye ósa bye mongan. Nye ófuʼla gbana Mpah Zyɛm, di tɨʼ, le edoʼo, lé elɛɛ é kpɨbɨbɨ ó, nye ó ndɨ Zyɛm.

2 Korɛnt 10:15

No ó, bɨh bé antaa mɨnjɨ Zyɛm a tulo e. Bɨh bé adoʼo e syɛɛ yoonkan. Sa ndɨ tɨʼ ɨ, mɨleme mih, myé ó lwɨŋla e mbɛla ó, buʼo yin, yé ókʉ gwɨe ó gwɨa. Mbɛla waa nteme, wé ó: bɨh bé ó e nkul efwahle syɛɛ ndɨ é buo nyɔm é lɔb win ɨ.

Rôm 3:27

É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,

Rôm 2:23

Gwɔɔ mʉr lé ebul doʼo e motie go a tiilɔ ɛ, ebe yé go lé eka ntaa motie monɨ ɨ? Gwɔɔ ó lé ebul gba Zyɛm fwon é nyʉl!

Rôm 2:17

Gwɔɔ, mʉr lé ejebɔ ó, Yʉden ɨ, go nyá ɛ? Go ejyɛʼ taa buʼo yo é mbi go lé edu motie e. Go ekʉ doʼo njɨ e Zyɛm.

Mɨlʉmlʉ 5:36

Yé l'apa gum bɛa: Tœdas a si tɨʼ bɨr le esa jaale, lé elɛɛ ó, nye a be ó bwaʼbwaʼ sɔʼɔ, bʉrʉm kwoʼ be mɨnter mɨnâ, lé edu nye. Nye ze jʉŋɔ é lɔb pyeh ye. Bʉr bɨbɛh bé a du nye e, bé ntɔʼ gbɛha, lɔb we ntɔʼ dwè ntuʼ.

Lʉkas 21:16

Obyɛl bɨn, bé ókɛha bɨn ó, bɨn jʉŋɔ. Obɨɔ bɨn, mɨmbyɛl min e l'ofo bɨn, bé ókɛha bɨn. Bʉʉ bʉr é l'esama lɨn, bé ójʉŋɔ.

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mataos 15:4

Ebe, Zyɛm a lɛɛ ó: “Dwaaba sɔŋ e nyɔŋ go.” Nye a lɛɛ nteme ó: “Mʉr lé ekáale sɔŋ, nkʉ nyɔŋ ɨ, nye ejala ó jʉŋɔ.”

Yʉanes 7:7

Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.