Rôm 1:23 - Kálara Zyɛ̌m Edwán é mpʉ̌n

²³ Laa ó, bé dwiibɨ Zyɛm, waa ndɨ abe e nkul edwè e, bé a fuo mɛʼle yɛɛ ó, bé dwiibɨ njɨ bɨbaŋabaŋa bɨdweʼle ndɨ mɨkpɛʼa ɛ. Bé a kpaʼ bɨsa byaa ó, lé edweʼle bʉr o ndɨ edwè-dwè e, bé e bɨnɔn, otir o mopɔrʉ, otir o motɔrʉ, nkʉ onyʉa.

Kálar Nzyɛ̌m : Ejwán é Sáá

²³ Líʼe ó, bé dwêʼ Nzyɛ̌m, waá dí adwe nyá kûm, bé á ka dwe kûm ó bikpɛʼkpɛ̂ʼ. Bé á kpaʼ bikpɛʼkpɛ̂ʼ byaá ó, mveʼle bʉ̂r, binʉ̌n, otír, nkʉ̂ onyʉ́a, bisâ bi dí elaǎ mpʉ̌ ngúl mpáá bí.

Rôm 1:23 ပူးပေါင်းရင်းမြစ်များ

Mɨlʉmlʉ 17:29

«Mpʉ bɨna ndɨ ga bwan be e, bɨna bé ajala le eka jwɨʼ ga ó, Zyɛm nye mʉr tɨ, nye enwɨɨla e dweʼle gol, nkʉ mɔn, nkʉ mokoʼ mɨcɨcyoo mɨ bʉr ndwe e mɨpɨpɨʼ lé ekpaʼ ɛ.

Rôm 1:25

Bé a si bene lé ebuʼla ocyecye mo Zyɛm, ka kpɛl dwiibɨ njɨ ozyɛm o mpʉl. Laa ó, bé dweʼ Zyɛm Kwihbʉr kum, bé a kʉ ka mɛʼle ó njɨ bé dwiibɨ bɨsa nyɛɛ a cye e. Kum diʼe e Zyɛm waa, njʉmdia e njʉmdia. Amɛn!

1 Pyɛr 4:3

Bʉr, bɨ bul lɛŋ buobuo jɔʼ lé eloŋlo bɨgwɨma bɨ nyʉl bɨpuno, lé edu ebò e cyen mo bʉr o ndɨ abe oYʉden ɨ. Byé ó bi: egba monyʉl mɔɔ lé esa bɨmala zam e l'ekomo, ebe e bɨgwɨma bɨsa, egba monyʉl lé ebɛble monwoʼ, elɔʼba lé ebwalɔ mozɔɔ, efwaʼ monwoʼ, le edwiibɨ bɨbaŋabaŋa bɨdweʼle. (Sa nɨ, yé ó sa ndɨ kɔmlʉ ɨ!) Bim syɛɛla nɨ, yé kaʼ jala!

1 Korɛnt 12:2

Bɨn bé egʉa ó, é jɔʼ bɨn bé a be mɨnjeʼe-Zyɛm ɨ, bɨn bé a be ó lé edwiibɨ bɨbaŋabaŋa bɨdweʼle, bibyɛh njɨ bɨgʉ́ʼ e bɨgʉ́ʼ! É til jɔʼ yaa, bɨsa bɨ ozyɛm baa, bé a yɨm bɨn ó, bɨn saʼ syɛɛla yiyɛh bé a kpɛl ɨ.

Mɨngwiha 9:20

Bʉʉ bʉr o b'a baapa dwè é bɨntɨʼa byaa ɛ, bé a baakpɛl egwɨma bɨsyɛɛla bɨ ebebe bé a sa-sa ɛ, nkʉ dwir mɨleme. Bé a si to dolo lé edwiibɨ moleme bé e bɨbaŋabaŋa bɨdweʼle bʉr bé a dɨ kpaʼ e mobo mɔɔ ɛ. Bé a dɨ kpaʼ mye ó, miʼ e gol, myʉʉ e nkoho mɔn, myʉʉ nteme e bɨnkoho bɨgbaa molele. Bé a dɨ kpaʼ byʉʉ bɨbaŋabaŋa bɨdweʼle ó e mokoʼ, myʉʉ e bɨlɨ. Bɨsa byaa, byé abee, byé ajoʼo, luʼo ba sɔʼɔ. Byé akœʼ. Sa gwar, bɛɛ l'agwaʼ lé edwiibɨ bye.

Mɨlʉmlʉ 10:12

É ndomo waa tʉŋlʉ, yé a be ó e l'otir mɨmbi mimyɛh ndɨ e mokʉ monâ ɛ, le onyʉa, ndwe e bɨnɔn.