Rôm 1:21 - Kálara Zyɛ̌m Edwán é mpʉ̌n

²¹ Dam be ó, bé a be ó si kʉ gʉa ó, Zyɛm, nye ó tɨ, bé a baadwiibɨ nye mpʉ yé a jala ɛ, nkʉ dwe nye ekiba é lɔb bɨsyɛɛla bye. Bé a kʉ ka pahle sɔʼɔ ó njɨ bɨsa byaa ndɨ abe e nyɔm ɨ. Bé ze lihba ó, mɨmiʼ.

Kálar Nzyɛ̌m : Ejwán é Sáá

²¹ Damá jóʼǒ mpʉ bé á kʉ gʉ́a ó, Nzyɛ̌m, nye ó tɨ̂ʼ yɨ́, bé á bé adwe nyé kûm jálá e né nyɨ́, nkʉ̂ pʉgʉ́ bá dwe nyé nzyǒo. Bé á jaa pɨpahle sɔ̂ʼ ó, njɨ bisâ bi dí abá be e nyɔm bí. Bé ó bigʉʼlʉgʉ́, lúʼo pɨ̂ʼ. Milémé myɔ́ɔ́, myé jaá di ó, njɨ lɨ́ edúrʉ́ʉ́.

Rôm 1:21 ပူးပေါင်းရင်းမြစ်များ

2 Timotɛ 3:2

É til molu yaa, bʉr, bé óbul kpɛl ó, njɨ bé bʉr o tɨ. Bé ókpɛl mɔn laŋle. Bé e jaale ndwe e nkɛa nyʉl. Bé óbul pyeh bʉʉ bʉr. Bé aŋa joʼo obyɛl bɔɔ. Bé ólono embɨa bé lé esaŋɔ ɛ. Bé óbe ó bʉr o ndɨ epyeh Zyɛm ɨ.

Mɨngwiha 14:7

Engles waa ntɔʼ lwib e bʉr onɨ lé eyɨm twii ó: «Dwaaba ga Zyɛm ɔɔ! Dwiibɨ ga nye ɔɔ, ebe, jɔʼ tiʼa mɨlɔb, yé mu ó si pyal ɔɔ! Dwiibɨ ga waa a cye kʉ e si, ndwe e maŋ e montibe nwa ɔɔ!»

Yʉanes 3:19

«Mobe maa, mé ódweŋɔ ó, ebe, myɛn, wi ze pan, ze pyal é si nwa. Bʉr bɛɛ bula kpɛl edurʉ, laa myɛn, ebe, bɨsyɛɛla byɔɔ, byé é bebe.

Mɨngwiha 15:4

Da, bʉr bɨbɛh, bé ódwiibɨ go ndwe le eseʼle die lo. Go ome ó ndɨ Mʉr ndɨ ti ɨ. Bʉr o bɨkul bibyɛh, bé ótɨbla é bɨgumo byɔɔ, zeŋɔ go ye. Bé ódwiibɨ go, ebe, bɨ bee é sʉlʉlʉ ó, gɨ kebe é bɨsyɛɛla go lé esa bʉr ɨ.»

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Rôm 11:10

Zyɛm dibla be mih, ó bé l'ayi ka bee. Nye saʼ ó, mɨkoo myɔɔ, myé nyɛmlɨ é jɔʼ yiyɛh.»

Rôm 1:28

Bʉr baa, bé a baabee ó, yé ejala ó, bé gʉŋa Zyɛm. No ó Zyɛm a fuo ka bir be ó, pɨʼ wɔɔ beʼ ntul ɨ. Nye ebir be ó, bé saʼ bɨsa bɨ fwon byaa ndɨ ajala ɛ.

Rôm 1:19

Sa lé esa ó, mʉr gʉŋa Zyɛm ɨ, yé enyin bʉr bɨbɛh é pono. Bʉr bɨbɛh, bé ebee sa yaa ó, ebe, Zyɛm nye mʉr tɨʼ a si lɛʼle be ya.

Rôm 15:9

Nye a ze sea nteme ó, é l'efu e bʉr o bɨkul bɨfih, ó byé gʉŋa mpʉ Zyɛm lé ejwɨʼ bʉr nkoo e, byé nkʉʼ gumlo nye tɨ. Yé ó tila é Kalara Zyɛm ɨ. Yé ó tila ó: «Ebe no, me ógumlo go teme bɨkul bɨfih. Me ójɛɛ go osam lé eseʼle die lo.»

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

1 Pyɛr 1:18

Zyɛm a baakʉr bɨn ebe ziila e bɨsa ndɨ eto le edimle odime wɔɔ ɛ, mpʉ nkoho mɔn nkʉ gol. Bɨn bé a kʉrɔ ó, é jɔʼ nye a dwih bɨn é baambɛhambɛha motum bɨmpam bin, byé a du-du ɨ.