Rôm 1:18 - Kálara Zyɛ̌m Edwán é mpʉ̌n

¹⁸ Zyɛm, nyi lɛʼle bɨna ga mpʉ nye lé ekpaa empime é lɔb ga wina ɛ. Nye esa no ó, bʉr é sʉlʉlʉ, duho é jobo kʉ. Bɨna bé esa ga nye ebɨh ndwe e bɨsyɛɛla bɨ ebebe bibyɛh. Bɨna bé elwimla ga e l'ocyecye, du-du njɨ bɨsyɛɛla bɨ ozyɛhozyɛh.

Kálar Nzyɛ̌m : Ejwán é Sáá

¹⁸ Nzyɛ̌m, nyɨ́ lɛ̂ʼle mɨ́ná gá ɨ́ sʉ́lʉ́lʉ́, duho ɨ́ jʉ́o kʉ́ mpʉ nyé dí elɛ̂ʼle nkpáa, duho ɨ́ bibɨ́bla bísyɛ́ɛla bíbyɛ̂h yɨ́. Nye lɨ́ elɛ̂ʼle nkpáa ɨ́ lɔ̌b bʉ̂r o dí elwímla le otyeetye, jaá dudû njɨ bisyɛ́ɛla bi dí onzyɛ́h ónzyɛ́h bí bá.

Rôm 1:18 ပူးပေါင်းရင်းမြစ်များ

Éfɛsɔs 5:6

Mʉr beʼ l'agomlo bɨn diʼ é zi lwib ndɨ mbɛh ɛ. Bɨsyɛɛla bɨ ebebe bɨnɨ, byé ó ndɨ egba Zyɛm empime é leme. Empime laa ó nye ókpaa e bʉr o ndɨ esa nye ebɨh ɨ.

Rôm 1:32

Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

Kolosi 3:6

Bɨsyɛɛla bɨ ebebe bɨnɨ ó lé esa ó, Zyɛm kpaŋa empime e bʉr.

2 Tesalonika 2:10

Nye óbɨlan e bɨsyɛɛla bɨ ozyɛhozyɛh bibyɛh é l'efu ó, nye gomla bʉr é bebebebe zi ɨ. Bé ó bʉr o b'a bɛa gʉmla é bebebebe zi waa ɛ. Bé a si bene lé ebuʼla ocyecye. Nkʉ bé a be ó be, kpɛl we nɛʼɛ, mpa wi sa ó, bé biʼe tiʼ molu mo mpoʼ mɨmɛh.

Rôm 6:13

Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Rôm 5:9

Yesʉs pa taare pyɛl motié me, ntɔʼ dwè é l'efu ó, nye dweʼ bɨna ga, osyɛl be ebebe, mokebe, a dwɛʼra e sa nye ósa bɨna ga ɛ! Nye ókʉ baʼle bɨtiʼ ga bina é jɔʼ Zyɛm ókpaa empime e bʉʉ bʉr ɨ.

Rôm 4:15

É jɔʼ Zyɛm lé etiile bʉr motie e, bé entaa motie maa, Zyɛm, nye ntɔʼ kpaa empime. Nkʉ motie, mé a be ó be, abe nɛʼɛ, mpa ntaŋa motie nteme, wé abe.

Rôm 1:28

Bʉr baa, bé a baabee ó, yé ejala ó, bé gʉŋa Zyɛm. No ó Zyɛm a fuo ka bir be ó, pɨʼ wɔɔ beʼ ntul ɨ. Nye ebir be ó, bé saʼ bɨsa bɨ fwon byaa ndɨ ajala ɛ.

Rôm 2:3

Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ?

Rôm 1:19

Sa lé esa ó, mʉr gʉŋa Zyɛm ɨ, yé enyin bʉr bɨbɛh é pono. Bʉr bɨbɛh, bé ebee sa yaa ó, ebe, Zyɛm nye mʉr tɨʼ a si lɛʼle be ya.

Rôm 5:6

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

Rôm 3:9

Yé be no nɛʼɛ, zê bɨh oYʉden o ndɨ elaa bʉʉ bʉr é mih mo Zyɛm? Hɨʼɨ, yé abe ba no. Me be ó si dwe oYʉden ndwe e bʉr o ndɨ abe oYʉden ɨ, mobe. Mɨsyem myɔɔ, myé ejwɨʼ ó bɨbɛh.

2 Tesalonika 2:6

Ebe no ó bɨn lé egʉa nteme sa dina lé ekamle mʉr waa lé epyal é bananaʼ ɛ. Yé esa no ó, nye pyala njɨ é jɔʼ Zyɛm a bɛa tiʼe ó, nye ópyal ɨ.