Rôm 1:16 - Kálara Zyɛ̌m Edwán é mpʉ̌n

¹⁶ Me abe e nkul ejoʼo ba fwon lé elɛɛ Mbɨambɨa Lɔɔ, ebe, wé ó nkul mo Zyɛm é l'efu le etiʼ mʉr nyiwɛh óbuʼla we e, taare é l'oYʉden, to pyal é baa ndɨ abe oYʉden ɨ.

Kálar Nzyɛ̌m : Ejwán é Sáá

¹⁶ Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Rôm 1:16 ပူးပေါင်းရင်းမြစ်များ

Markus 8:38

Bʉr o mya wi, bé ó kʉ be odul be ozyɛm ofih! Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam teme bɨbɨbla bɨ bʉr o mya wiʼ ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba mo Sɔŋ we, moncɛnba me zyɛŋa e maa beengles ndɨ mɨsaŋ ɨ.»

2 Timotɛ 1:8

Ebe no, ajoʼo fwon é lɔb sa bɨna ndɨ eboʼlo ga, tiibe e Da Yesʉs ɨ. Laa ó, go joʼa mboʼla waa fwon, fuo dihbe yɛɛ mɨtuu lé entɨhɔ bɨna é lɔb Mbɨambɨa Lɔɔ ɛ. Go à dihbe é zi nkul Zyɛm lé edwe e. Ajoʼo nteme me fwon, mɛm ndɨ mbʉʼ we e.

1 Pyɛr 4:16

Sa gwar, mʉr lé ebɔma e bɨntɨʼa ebe nye ndɨ kristen ɨ, nye l'ayi joʼo fwon ebe bɨntɨʼa byaa. Nye gumla njɨ Zyɛm, ebe, nyi mɛʼle ó, nye nkɛŋɨ die mo Krɨst.

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

Lʉkas 9:26

Mʉr nyiwɛh lé ejoʼo fwon lé eboʼlo e bʉr ó, nye ó mpʉn wam, le waa lé ejoʼo fwon lé emɛʼle sikʉlʉ yam ɨ, Mwan mo Mʉr ójoʼo nteme fwon lé ejoʼo mʉr waa lé egban nye é dobo nye óze é moncɛnba me, zyɛŋa e maa mo Sɔŋ we, ndwe e maa beengles ndɨ mɨsaŋ ɨ.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

1 Korɛnt 2:4

Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

1 Korɛnt 2:2

Ebe, me a nʉa tiʼa é leme wam ó, me ókʉ ka lɛɛ e bɨn ó njɨ sa lé etiibe e Yesʉs-Krɨst ɨ, mʉr bé a bomlo e mosen, bɨnɔ é klos kʉ ɨ.

Rôm 10:17

No ó, gʉŋa ga ó, é jɔʼ mʉr lé ejyɛʼ taa buʼo ye boo Krɨst ɨ, buʼo ye, yé eduho ó, é njoʼa nye a taare joʼo lɔɔ waa ɛ. Njoʼa we waa, wé eduho ó, é l'ekan bé lé elɛɛ nye, tiibe e Krɨst ɨ.

Ebrœ̂ 4:12

Lwib mo Zyɛm, yé ó sa ndɨ kublakubla ɛ. Yé ó e nkul. Yé nteme, yé é bɛbla, laa fòŋ ndɨ njèba mii mɨpaʼ mɨmba ɛ. É jɔʼ Zyɛm lé elwib ɨ, lwib ye, yé ekʉ bana syɛh mɨsʉn, to pyal é mobɨl, ntɔʼ pin bɨpeh bɨ nyʉl e mobʉo. Yé ekpahla gumo leme ndwe e sisim lé edira ɛ. Yé epahle le egba mbɛʼ paʼra mɨpɛhla ndwe e bɨjwɨʼ ga bina.

1 Korɛnt 15:2

ǃBɨn bé óbaʼle lɔɔ waa mbɨmbɨa é mɨleme min mpʉ me a tuno bɨn nɛʼɛ, wé ódwe bɨn tiʼ molu mo mpoʼ mɨmɛh. Yé be, yé abe no nɛʼɛ, lɛɛ ó, buʼo yin, yé ó kʉ be mbɛh.

Galásia 1:7

Sa gwar, é l'ocyecye, guu lɔɔ fih ndɨ é mbɨa, laa Mbɨambɨa Lɔɔ ɛ, wé abe! Bʉʉ bʉr mu ó lé ezabra bɨn buʼo. Bé egwɨm cene Mbɨambɨa Lɔɔ mo Krɨst, cenɔ we guu mbi fih.

Rôm 2:9

Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih.

Mɨlʉmlʉ 3:26

No ó, é jɔʼ Zyɛm a ka lomo syɛl mosa we e, nye a taare lomo nye ó, bɨn ye, ó nye sʉʼo bɨn mocyɛʼ mo mpom me, le esa ó, mʉr nyiwɛh é sama yin, nye gwaʼa bɨsyɛɛla bɨ ebebe bye bibyɛh.»

1 Tesalonika 2:13

Ebe no ó bɨh lé edwe Zyɛm ekiba é bɨjɔʼ bibyɛh ɛ, ebe, é jɔʼ bɨh bé a gwih bɨn mɨlɔb mo Zyɛm ɨ, bɨn bé a si mɛʼle mye. Bɨn bé a baamɛʼle mye mpʉ baambɛhambɛha mɨlɔɔ lé eduho é pɨʼ mo mamʉr ɨ. Bɨn bé a kʉ mɛʼle mye ó, mpʉ lɔɔ waa ndɨ ɨ: lɔɔ ndɨ eduho boo Zyɛm, waa mu lé esea é mɨleme mɨ obuʼla ɛ.

1 Timotɛ 1:11

Sikʉlʉ yaa, yé ó yaa lé eduho é Mbɨambɨa Lɔɔ ndɨ e kum ɨ. Zyɛm bɨna lé eseʼle e, a timle me lɔɔ waa ó, me baʼla we.

2 Korɛnt 9:13

Syɛɛ bɨn lé esea ɛ, yé ó bwaʼbwaʼ dweʼle, sa lé elɛʼle bʉr ó, bɨn bé ó obuʼla ɛ. Taare é jɔʼ bɨn bé a mɛʼle Mbɨambɨa Lɔɔ mo Krɨst ɨ, ze pyal é muh é dobo lɨ, bɨn bɨ fil monyʉl si, lé esa Zyɛm mojoʼo. Ebe no ó bʉr, bé ódwe Zyɛm kum ɨ, é jɔʼ bé óbee mpʉ bɨn lé egul be e mobi mɨn, kumo e bʉr bɨbɛh ɛ.

2 Korɛnt 2:12

No ó, é jɔʼ me a to le etuno Mbɨambɨa Lɔɔ mo Krɨst, to kumo ɨ Troas ɨ, me a to kœb gʉʼ ó, Da a si dib me zi, ó me tuna we é hwɨm.

1 Korɛnt 9:18

No ó, myɛna mam, mé yé? Mé ó, me lɛŋɨ Mbɨambɨa Lɔɔ edwɛna. Me dam be lé elɛɛ Mbɨambɨa Lɔɔ, me apa dira nyɔm e nkul mojwɨ̀ʼa wam me ndɨ e nye e.

1 Korɛnt 9:12

Bʉʉ bʉr pa taare be e nkul esa syɛɛla yaa é l'esama lɨn, a dwɛʼra e bɨh bɛɛ! Bɨh ó ndɨ e nkul ngwar waa é buobuo. To kœb ó, bɨh bé a baadira nyɔm e nkul waa. Bɨh bé edihbe sa yiyɛh ó, lé ekpɛɛ ó, bɨh bé amu jaa gba bʉʉ bʉr mokɔbla é zi, bé l'aka koʼo lé ebuʼla Mbɨambɨa Lɔɔ mo Krɨst.

Rôm 15:29

Me egʉa ó, pyala me ópyal bɨn ye e, me óbe ó e mocyɛʼ mo mpom mo Yesʉs-Krɨst.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

2 Timotɛ 1:16

Da Yesʉs saʼ mbɛr bʉr mo Onesiforos mombɨa mɨmɛh, ebe, nye a be ó si bul lɛʼle me nkʉnkoo, zɔʼ e zɔʼ. Nye ajoʼo ba fwon ebe me ndɨ é nkara é mbɛr mɨmbʉʼ.

Rôm 4:11

Sɛa mpʉn, wé a cyelɔ é nko paʼ mo Abraham ó, mpʉ dweʼle. Wé a be ó dweʼle, sa lé elɛʼle ó, nye a be ó si bi mokebe ebe taa buʼo nye a jyɛʼ boo Zyɛm ɨ, nye l'apa saŋɔ mpʉn. Zyɛm a dwe nye mokebe no ó, nye nkʉʼ be sɔŋ é l'efu e bʉr bɨbɛh ndɨ ejyɛʼ taa buʼo yɔɔ boo nye, baa l'apa saŋɔ mpʉn ɨ. Nye enʉa be e boo nɔɔ mpʉ ocɨcyel o bʉr.

Yʉanes 7:35

OYʉden ze taare lé edîila paʼra wɔɔ ó: «Nye óto wâʼ yɛɛ nko, é mbi ndɨ ó, bɨna bé aŋa ka bee ga nye e? Zê nye óto le eyeʼle oYʉden mu si myɛʼa, jala lal Grɛs ba ɛ? Zê nye óyeʼle nteme bʉr o Grɛs ɛ?