Rôm 1:13 - Kálara Zyɛ̌m Edwán é mpʉ̌n

¹³ Obɨɔ ga bam aa! Me egwɨm ó, bɨn gʉŋa ó, é bɨjɔʼ é buobuo, me a be ó lé ejwɨʼ ó, me óze bee bɨn. Sa gwar, me a si bul bɔma e mokɔbla. Me óze yɛɛ é l'efu le eze sa syɛɛ-Zyɛm é l'esama lɨn, yé guma nteme mpumo bɨn ye é mpʉ yi gumo mpumo é mɨlal mɨ bʉr o ndɨ abe oYʉden ɨ, ó me nkʉʼ to é mɨngol.

Kálar Nzyɛ̌m : Ejwán é Sáá

¹³ Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa ó, ɨ́ bijɔʼ ɨ́ buo buo, me á be ó le jwɨʼ ó, me ónzě bee bɨ́n. Me á jaa bʉbɔma sɔ̂ʼ ó, njɨ e mingamla. Sâ gwár, me ónze yɨ́ɛ lɨ́ esú lé énzě séǎ Nzyɛ̌m syɛ́ɛ́ ɨ́ sɔ́má yɨ́n. Me á gwɨ̂m ó, syɛ́ɛ́ yâm, yé gúmaa ntémé mpumó kwá nyɨ́n ɨ́ mpʉ yé á gúmo mpumó ɨ́ mʉ́ʉ́ mésí méswîh yɨ́.

Rôm 1:13 ပူးပေါင်းရင်းမြစ်များ

Mɨlʉmlʉ 19:21

Pie tɨ, Pol ze tiʼe é leme we ó, nye to ó, to ntaa Masedwan, le Akayi. Nye òka to Yerʉsalɛm. Nye a lɛɛ-lɛɛ ó: «É jɔʼ me óbe si pyal gʉʼ ɨ, me ejala le ebâʼle tɨ cyen, to pyal nteme nkana Rom.»

Filipi 4:17

Me agwɨm ba ndwɛa win, wé mʉr tɨ. Me ekʉ ka gwɨm ó njɨ Zyɛm niʼa bɨn bɨbaa bɨ embɨa é lɔb sa bɨn bé ódwe-dwe me e.

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.

1 Tesalonika 4:13

No ó, obɨɔ ga bam aa! Me ekpɛl ó, bɨn gʉŋa efehle e bʉr mu si dwè e, é kpɛhla. Me akpɛl ó, bɨn bilɨ myoo mpʉ bʉʉ bʉr, bé lé ebil-bil myoo e, bɛɛ l'abe e buʼo é mɨleme.

1 Tesalonika 2:18

Bɨh bé a si bul gwɨm ze gʉʼ bɨn ye—mɛm Pol a si gwɨm sa no, laa jɔʼ gwar, to kœb ó, Satan a be ó lé ekamle bɨh lé esa no.

2 Korɛnt 1:8

No ó, obɨɔ ga bam, bɨh bé ekpɛl ó, bɨn gʉŋa mɨtuu e mɨndɛl bɨh bé a sia e mye é lal Azia ɛ. Bɨh bé a si kʉ bul sia e mye. Myé a si laa bɨh é nkul, to pyal é jɔʼ mɨleme mih, myé a baaka be e mbɛla ɛ. Bɨh bé a be ó lé esoŋlo nkʉ bɨh bé óbâʼle tiʼe mʉʉ molu.

1 Korɛnt 12:1

Obɨɔ ga bam aa! Me akpɛl ó, bɨn jeʼa lɔb bɨntɔɔ Zyɛm lé enol bɨna ga ɛ.

1 Korɛnt 10:1

Obɨɔ ga bam aa! Me egwɨm ó, bɨn gʉŋa sa yé a pyal é bɨmpam bih ɨ, é kpɛhla. Bé e boo Moyiz ó b'a kœʼ é nkur tʉŋlʉ. Bɨbɛh, bé a si ntaa Maŋ mo Akaa-e-kaa e mokʉ.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

Rôm 11:25

Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Yʉanes 4:36

Mʉr lé eze é mɨngol ɨ, nye ebi ó myɛna me. Sa nye lé esyɛŋ é mobeʼe e, yé ódi njʉmdia e njʉmdia. No ó, mbèl mompœʼ, bé e mʉr lé eze é mɨngol ɨ, bɨbɛh, bé esoho jwɨʼ gwar,

2 Tesalonika 2:7

No ó, ontɔɔ o motie mo Zyɛm, bé esea syɛɛ ye yaa é bananaʼ ó, e nkul ndɨ anyin bʉr é mih ɨ. Yé ejala ó, mʉr lé ekamle nye lé esa ebebe le e, nye taara laa. É jɔʼ yaa, nye ódwe nye zi ɨ.

2 Korɛnt 2:14

Bɨna dweʼ ga Zyɛm ekiba. Yesʉs-Krɨst, nye ó lé eliʼle bɨna ga é jɔʼ yiyɛh é l'ebʉʼ e bɨsʉhʉ, lé esoho onkɔɔ we. Bɨna ga ó ndɨ edu ga nye é koo pihe é l'asisia we. Nye nteme ó lé esa ó, bɨna dweʼ ga bʉr sikʉlʉ lé esa ó, bé gʉŋa nye e. Nye esa bɨna ga no ó, é gumo yiyɛh. Bɨna ga mu ó mpʉ motwina mo ndwam lé epyɛl mbɨambɨa monumo e.

1 Korɛnt 9:2

ǃƗ bʉr ofih si kɛla ó, me abe lʉmlʉ mo Krɨst nɛʼɛ, gʉŋa ga ó, me ó kʉ be lʉmlʉ we cyecye é nko paʼ win! Mpʉ bɨn mu é zyɛŋa win boo Da Yesʉs ɨ, bɨn mu ó dweʼle, sa ndɨ elɛʼle ó, me a si sea syɛɛ lʉmlʉ mo Krɨst.

Mɨlʉmlʉ 21:19

Pol ze bara e be, ntɔʼ ze taŋle bɨsyɛɛla Zyɛm a sa é zi syɛɛ nye a sa teme bʉr o ndɨ abe oYʉden ɨ, lé etaŋle bye gugwar.

Mɨlʉmlʉ 15:12

Bʉr o bʉm bɨbɛh ntɔʼ twe é leb é jɔʼ bé a joʼlo Barnabas bé e Pol lé etaŋle be tɔɔlʉ tɨʼ ɨ: mpʉ Zyɛm a bɨlan e be lé esa bɨdweʼle bɨ nkul we ndwe e bɨsa bɨ jehe é mih mo bʉr o ndɨ abe oYʉden ɨ.

Mɨlʉmlʉ 14:27

É jɔʼ bé a pyal Antios ɨ, bé ze baŋle bʉr o mbɛr Zyɛm waa, lɛɔ be bɨsa bibyɛh Zyɛm a sa é zi wɔɔ ɛ. Bé a lɛɛ nteme ó, Zyɛm a si cwɨa nteme e bʉr o ndɨ abe oYʉden ɨ, le edib be zi ejyɛʼ taa buʼo yɔɔ boo nye.

Yʉanes 12:24

Me elɛɛ bɨn cyecye ó nɛɛ: bumo di gwar ó, cye yiyɛh yé l'apa bèŋɔ é bɨbwah ɨ. ǃƗ bumo si bèŋɔ é bɨbwah, pah nɛʼɛ, yé ógumo mpumo é buobuo.

Mɨlʉmlʉ 1:15

É jɔʼ yaa, mpʉ obuʼla bé a syɛŋa, kwoʼ be bʉr nter e bʉr mowʉm moba (120) ɛ, Pyɛr ze mʉa si, cyɛb teme ntuntuma bʉr nɨ. Nye ó:

Mɨlʉmlʉ 28:14

Bɨh bé a si kœb obɨɔ ga bɨna é nkana yaa. Bé ze lɛɛ e bɨh ó, bɨh jaʼ tɨ. Bɨh e boo nɔɔ ntɔʼ di tɨʼ tɔɔ sono ntinɨ. É mbi waa ó bɨh bé a pyal é nkɔra Rom ɨ.

Rôm 1:12

Sa me lé elɛɛ ɛ, yé ó, bɨna beʼ ga, baʼ fuʼo ba, baʼ fuʼo ba, é buʼo. Buʼo bɨn ndɨ e ye boo Krɨst ɨ, le yaa yam, byé ó ngo gba bɨna ga nkul é monyʉl.

Rôm 7:1

Obɨɔ ga bam aa! Bɨn bé ekʉ gʉa motie mo Moyiz. Bɨn bé egʉa ó, etie, lé ejwɨʼ mʉr ó, njɨ é jɔʼ nye dina kʉ ɨ.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

1 Korɛnt 14:20

Obɨɔ ga bam aa! Daʼ pahle ga mpʉ bwɔɔncyom! Diʼe ga mpʉ bwɔɔncyom é nko paʼ ebɨ-leme. Sa gwar, é nko paʼ mɨpɛhla min, biʼe ga pɨʼ otamabʉr,

1 Korɛnt 14:26

Obɨɔ ga bam aa! Yé be no nɛʼɛ, bɨna kaʼ sa ga yé? É jɔʼ bɨn lé egwɨhla-gwɨhla é fula ɛ, nwaʼ mʉr, nye e jɛɛ nye ójɛɛ ɛ. Nuu, e sikʉlʉ nye ódwe e. Nuu, nye ógwih guu fela sɔʼɔ. Nuu, nye e lɔɔ elɛɛ é lwib bɨlɔblɔb. Nuu, nye egʉa edwir lwib bɨlɔblɔb yaa. Yé ejala ó, syɛɛla yaa yiyɛh gbaʼ mɨmbɛr mɨ Zyɛm nkul é monyʉl.

Galásia 3:15

Obɨɔ ga bam aa! Sa yi, yé ó kʉ be syɛɛla bʉr lé esa-sa ɛ. É jɔʼ mʉr si tile kalara bɨliʼ ɨ, abe e mʉr óka gbɛɛ mɨtila myaa, nkʉ ko lʉʉ ekan tɨ.

Galásia 6:18

Obɨɔ ga bam, ncwɨncwɨa mo Da Yesʉs-Krɨst, nye diʼe e bɨn bɨbɛh. Amɛn.

Filipi 1:22

ǃMe si to dolo lé etiʼe mʉʉ molu é si nwaʼ nɛʼɛ, yé óbe ó me e nyɔm lé ebâʼle gumo mpumo é syɛɛ-Zyɛm yam. Ebe no ó me ndɨ, agʉa sa me ópɛh ɛ: nkʉ efie, nkʉ tiʼ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.