Rôm 1:1 - Kálara Zyɛ̌m Edwán é mpʉ̌n

¹ Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Kálar Nzyɛ̌m : Ejwán é Sáá

¹ Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Rôm 1:1 ပူးပေါင်းရင်းမြစ်များ

Mɨlʉmlʉ 9:15

No ó Da Yesʉs a lɛɛ e nye ó: «Toʼ, ebe, me a si pɛh mʉr nɨ. Lɔɔ wam, wé óto lɛɔ boo bʉr o ndɨ abe oYʉden ó, é zi we. Nye ólɛɛ nteme mɨnjwɨɨbʉr mɨ bʉr baa, bé e bwa b'Ɨzraɛl.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

1 Korɛnt 1:1

Mɛm Pol, mʉr Zyɛm a jebe é gwɨma ye ó, me diʼe lʉmlʉ mo Yesʉs-Krɨst ɨ, bɨh e mɨɔ ga wina Sostɛn, ó lé etile bɨn kalara nwa.

Kolosi 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm, bɨh e mɨɔ ga wina Timote ó lé etile bɨn kalara nwa.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

Rôm 1:9

É jɔʼ yiyɛh, me ejwɨʼla e nye é l'efu lɨn. Zyɛm nye mʉr tɨ, nye egʉa ó, me elɛɛ ó ocyecye. Nye waa ó me lé esea syɛɛ ye e leme wam wiwɛh ɛ. Me esea ye ó, é zi elɛɛ Mbɨambɨa Lɔɔ lé etiibe e Mwan we e.

2 Korɛnt 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa, bɨh e mɨɔ ga wina Timote. Bɨh bé etile ó, mbɛr Zyɛm ndɨ ɨ Korɛnt ɨ, ndwe e mɨsaŋ mɨ bʉr mimyɛh ndɨ Akayi ɨ.

1 Korɛnt 9:1

Zê me abe mʉr ndɨ é dia otî ɨ? Ntʉʼ me ndɨ lʉmlʉ mo Krɨst ɛ? Zê me a baasi bee Da Yesʉs ɛ? Ntʉʼ bɨn ndɨ mpumo a gumo, duho é syɛɛ me a sea é zi Tî ga wina ɛ?

2 Timotɛ 1:11

Mbɨambɨa Lɔɔ waa ó me lé etuno e, ebe, Zyɛm a si cyel me é dia cyela mɨtuno, le yaa lʉmlʉ, le yaa yeʼle.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Galásia 1:1

Mɛm Pol, lʉmlʉ mo Yesʉs-Krɨst, ó lé etile bɨn kalara nwa. Me abe lʉmlʉ mo nuu mʉr fih. Abe e mʉr a cen me mpaŋla ó, me mu ó lʉmlʉ. Yesʉs-Krɨst nye mʉr tɨʼ ó b'a lomo me, bé e Zyɛm Sɔŋ, waa a pɛ̀h nye é foo e.

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

Rôm 1:5

Zyɛm a si lɛʼle me ncwɨncwɨa we le ecyel me é dia lʉmlʉ we ó, dumo e nye é l'efu ó, byʉʉ bɨkul bibyɛh, byé jyɛʼɛ taa buʼo yɔɔ boo nye, le esa nye mojoʼo. Nye a sa me syɛɛla yaa ó, é l'efu le edwe die e Mwan we kum.

Filipi 1:1

Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.

Mɨngwiha 1:1

Yesʉs, Lœma mulo mo Zyɛm, a si gwih mɨfela mɨlɔb Zyɛm a gwih nye ó, nye lɛʼla osyɛl o mosa be e, ó bé gʉŋa sa ndɨ kunokuno e. Nye a gwih mye ó, lé elomlo me engles we, mɛm syɛl mosa we Yʉanes.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Jacques 1:1

Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

Ebrœ̂ 5:4

Mʉr, nye abe e nkul egbana dia para, nkʉ duu tɨ. Bʉr o ndɨ ejala e dia yaa ɛ, bé ó njɨ baa Zyɛm a jebe e. Yé ó jwɨʼ gwar mpʉ Zyɛm a taare jebe Arɔn, cyel nye é dia para ɛ.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

Éfɛsɔs 1:13

É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.

2 Korɛnt 12:11

Me mu ó gʉ, ebe, si bana lwib mbi bɨlwib bɨnɨ. Bɨn ó b'a sa ó, me diʼe ye, ebe, yé a be ó si jala ó, bɨn dweʼ me duu, ebe, me abe pihe mɨmpʉmpʉl mɨlʉmlʉ lé edoʼo ó, myé ó me dolo e, dam be ó, me abe sɔʼɔ.

2 Korɛnt 11:5

Mbea wam, wé yɛɛ ó: bʉr lé edoʼo le elɛɛ ó, bé ó ndɨ edihbe syɛɛ lʉmlʉ ɨ, sa bé ndɨ e ye e, me nteme, me e ye!

2 Korɛnt 4:5

Ebe, bɨh bé alɛɛ lɔɔ wih, bɨh bʉr o tɨ. Lɔɔ bɨh ndɨ elɛɛ ɛ, wé etiibe ó, e Da Yesʉs-Krɨst. No ó, é wih paʼ, bɨh bɛɛ ó ndɨ osyɛl o mosa bɨn é l'efu mo Yesʉs.

Rôm 1:16

Me abe e nkul ejoʼo ba fwon lé elɛɛ Mbɨambɨa Lɔɔ, ebe, wé ó nkul mo Zyɛm é l'efu le etiʼ mʉr nyiwɛh óbuʼla we e, taare é l'oYʉden, to pyal é baa ndɨ abe oYʉden ɨ.

Mɨlʉmlʉ 22:21

No ó Da Yesʉs a ka lɛɛ e me ó: “Toʼ, ebe, me muno ze cen go é l'ejaa, gumo bʉr o ndɨ abe oYʉden ndɨ ɨ.”»

Mɨlʉmlʉ 22:7

No ó me a ze duma si, ze joʼo twii lé elɛɛ e me ó: “Sol, Sol! Ebe yé go lé epa kʉ tíile me mpʉnʉ nɨ ɨ?”

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

Mɨngwiha 22:9

Nye e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ ogwiha o mɨlɔb ɨ, bé e baa bɨbɛh ndɨ ebaʼle mɨlɔb mɨ kalara nwaʼ ɛ. Dwiibɨ njɨ Zyɛm.»

Kolosi 1:25

Me mu ó syɛl mosa mo Mbɛr-Zyɛm. Zyɛm ó b'a cyel me é dia yaa, lé esa ó, me sea é l'efu lɨn, lé etuno lɔɔ we wiwɛh.

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Rôm 15:29

Me egʉa ó, pyala me ópyal bɨn ye e, me óbe ó e mocyɛʼ mo mpom mo Yesʉs-Krɨst.

Rôm 11:13

Banana, me mu ó lé eze lwib e bɨn, bʉr o ndɨ abe oYʉden ɨ, mɛm lʉmlʉ Zyɛm a lomlo bɨn ɨ. Me ekʉ bul doʼo e syɛɛ me lé esea é l'efu lɨn ɨ.

Mɨlʉmlʉ 27:23

ebe, muh e pum wi, nuu engles si ze gumo me be e. Nye duho ó, boo Zyɛm, waa me lé egumo e nye, waa me lé edwiibɨ ɨ.

Mɨlʉmlʉ 26:1

No ó, Agripa a lɛɛ e Pol ó: «Go mu ó e nkul elwib é l'efu le ekamle e go mʉr tɨ.» No ó Pol a ze bɨn mbo kʉ, ze taare lé ekar lɔb we é mbi wi:

Mɨlʉmlʉ 13:9

Sol, mʉr a be e lʉʉ die nteme ó, Pol ɨ, ze dwɛʼ nye é tʉʉʉŋ, nye mu lwɨŋla e Mbɨambɨa Sisim.

Yʉanes 15:15

Me a taare jebe bɨn ó, osyɛl o mosa bam. No ó, me aŋa ka sa no, ebe, syɛl mosa, nye agʉa sa masa we lé esa ɛ. Me mu ó lé ejebe bɨn ó, ofo bam, ebe, mɨ gwih bɨn sa yiyɛh me a joʼo boo Sɔŋ wam ɨ.

Yʉanes 12:26

ǃƗ mʉr si gwɨm sea e me nɛʼɛ, yé ekʉ jala ó, nye duʼo me. Gumo me ndɨ ɨ, gumo yaa ó syɛl mosa wam nteme, nye ódi ɨ. Waa nyiwɛh ósea e me e, Sɔŋ wam ókʉ seʼle nye.»

Mɨngwiha 22:6

Nye e me ó: «Mɨlɔb mɨnɨ, myé ó mɨmpaŋ mɨlɔb, le myaa mɨ ebuʼlɔ. Da Zyɛm, Sɔŋ mo ogwiha o mɨlɔb be, nyi lomlo osyɛl o mosa be engles we ó, nye ntaʼ, ze lɛɛ be sa mu kunokuno le epyal ɨ.»

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

Mɨlʉmlʉ 26:14

Bʉr onɨ bɨbɛh ze duma si, mɛm e mɛm lé eze joʼo twii lé elwib é lwib arameyɛŋ ó: “Sol, Sol, ebe yé go lé epa kʉ tíile me mpʉnʉ nɨ ɨ? Go esa go mʉr tɨʼ ebebe lé edi e l'eyɔʼ. Go ó mpʉ ntɛɛ lé ekaŋa e mʉr ɨ, yɛɛ lé egʉa ó, mʉr waa, nye epala ye e ntɔŋ é mbo é twɛm-twɛm.”

Mɨlʉmlʉ 21:40

Njwɨɨ bɨzima nɨnɨ ze mɛʼle. Pol ze cyɛb é l'ebɨr kʉ, ze peble bʉr mbo. É jɔʼ bʉr bɨbɛh, bé a be, bé mu é myeeŋ ɨ, Pol ze lwib e be é lwib arameyɛŋ.

Yʉanes 15:20

Toŋla ga sa me a lɛɛ bɨn ɨ: “Syɛl mosa álaa masa we é duu.” Yé be ó, bé a si tíile me nɛʼɛ, gʉŋa ga ó, bé ótíile bɨn nteme! Yé be ó, bé a si joʼo sikʉlʉ yam nɛʼɛ, gʉŋa ga ó, bé ójoʼo nteme yaa yin.

Markus 1:14

Pie tɨ, Yesʉs ze to Galɨle, to le elɛɛ Mbɨambɨa Lɔɔ lé eduho boo Zyɛm ɨ. Tina, yé a be ó Yʉanes, nye osi gbaŋɔ é mbʉʼ.

2 Korɛnt 2:12

No ó, é jɔʼ me a to le etuno Mbɨambɨa Lɔɔ mo Krɨst, to kumo ɨ Troas ɨ, me a to kœb gʉʼ ó, Da a si dib me zi, ó me tuna we é hwɨm.

2 Korɛnt 11:7

Me a si lɛɛ bɨn Mbɨambɨa Lɔɔ ndɨ eduho boo Zyɛm ɨ, anʉa myɛna. É jɔʼ me a fil nyʉl si e bɨn, bɨr bɨn kʉ ɨ, zê syɛɛla yaa, yé a be ó syem é mih mɨn?

1 Tesalonika 2:8

Bɨh bé a be ó si bul kpɛl bɨn. Ebe no ó bɨh bé a lɛɛ bɨn njɨ Mbɨambɨa Lɔɔ ndɨ eduho boo Zyɛm ɨ, wé ome e. Bɨh bé a kʉ gwɨm ó, bɨn dira mɨnyɔm e bɨh nteme. Bɨh bé a be é bul bam e bɨn é mɨleme.

1 Tesalonika 2:9

Obɨɔ ga bam aa! Bɨh bé a si kʉ sea bɨsyɛɛ bɨ nkul, mpʉ bɨn bʉr o tɨʼ lé egʉa ɛ. É jɔʼ yiyɛh bɨh bé a lɛɛ-lɛɛ bɨn Mbɨambɨa Lɔɔ ndɨ eduho boo Zyɛm ɨ, bɨh bé a be nteme ó, lé esea bɨsyɛɛ mobo, moho e pum. Bɨh bé a sa no ó, bɨh beʼ l'agba bɨn tuu é nyʉl lé enkɛɛ mbeʼ wih.

1 Pyɛr 4:17

É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!