Filemɔŋ 1:6 - Kálara Zyɛ̌m Edwán é mpʉ̌n

⁶ Mpʉ bɨna ndɨ é zyɛŋa wina ɛ, bɨna mu ó e buʼo gwar. Bɨna mu ó lé egʉa nteme bɨsa bɨ embɨa bibyɛh bɨna ndɨ e bye é zyɛŋa wina boo Krɨst ɨ. No ó, zyɛŋa-mɨleme waa, nye ejala le egwɨe le eto dolo.

Kálar Nzyɛ̌m : Ejwán é Sáá

⁶ Me lɨ́ ejɨʼla e Nzyɛ̌m mpʉ mɨ́ná dí esyɛŋa lɨ́ edyɛ̂ʼwo e Yésʉs yɨ́, ó go gʉ́ŋaa bisá bí émbɨa bíbyɛ̂h mɨ́ná dí e nkul esâ gá bí, ebě, yé ó sá mɨ́ná ódwe gá Yésʉs-Krîst yɨ́.

Filemɔŋ 1:6 ပူးပေါင်းရင်းမြစ်များ

2 Pyɛr 1:8

ǃƗ mɨnjwɨr mɨnɨ si nyin le egwɨe é l'ebò e cyen yin nɛʼɛ, bɨn bé aŋa ka ncyehbe nkʉ lɛŋ bɨtiʼ bin mbɛh, lé ebaʼ mobo. Bɨtiʼ byaa, byé óka sa nteme ó, bɨn gʉŋa Tî ga wina Yesʉs-Krɨst é kpɛhla.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

1 Pyɛr 2:12

Kœʼœ ga mbɨambɨa ebò e cyen teme bʉr o ndɨ abuʼla ɛ. Bé dam fœʼ bɨn, bé óbana ka bee mɨmpaŋ bɨsyɛɛla bɨn lé esa-sa ɛ, ntɔʼ láa bɨn bɨbaa bɨ embɨa tɨʼ é dobo Zyɛm óbâʼle ze bee bɨna ga e boo nɔɔ ɛ.

Jacques 2:17

Ebuʼla Zyɛm, lé ó no. Yé be ó, mʉr, nye ejyɛʼ taa buʼo ye boo Zyɛm, buʼo ye l'anyin bɨsyɛɛla nɛʼɛ, lɛɛ ó, buʼo ye yaa, yé ó muu, ebe, yé ó yé ome.

Jacques 2:14

Obɨɔ ga bam aa! ǃƗ nuu mʉr si lɛɛ ó, nye ejyɛʼ taa buʼo ye boo Zyɛm, nye l'apa kʉ sa ba mpʉ Zyɛm lé elɛɛ nɛʼɛ, lɛa we waa, wé ó nye e wáa nyɔm? Nye ákwoʼ bi tiʼ molu mo mpoʼ mɨmɛh ebe sa buʼo ye.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Títos 3:14

Yé ejala ó, bʉr o ndɨ paʼra ga wina ɛ, bé jwɨʼɨ lé esa mɨmpaŋ bɨsyɛɛla. Ebe no ó bɨn bé ógʉa egul baanteʼenteʼe, é mbi ndɨ ó bɨn beʼ l'aka baʼ mobo e.

1 Korɛnt 14:25

Bɨjwɨʼ byé a be be é mɨmo si ɨ, byé ógwiha kʉl. Bé óbɨʼ mompom mɔɔ si é mih mɨn, lé edwiibɨ Zyɛm. Bé ólɛɛ ó: «Zyɛm, nye ó kʉ be é l'esama lɨn cyecye!»

1 Pyɛr 3:16

Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 3:1

Bɨn bʉba ɛɛ! Saʼ ga ojʉm bɨn mojoʼo. ǃƗ nuu mʉr é sama bʉrʉm baa si sa lɔɔ Zyɛm ebɨh nɛʼɛ, nye óbana buʼla yɛɛ ebe mbɨambɨa ebò e cyen myɛl lé ekœʼ œ. Yé aŋa jɨ é nko paʼ mʉma nɨ ó, nye lɛŋɨ njʉm lʉʉ ekan,

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

1 Korɛnt 16:9

Ebe, mpaŋ jɔʼ, yi pyal me ó, me sea bwaʼbwaʼ syɛɛ e buobuo nkul, dam ka be buobuo bʉr o ndɨ esa me mongan ɨ.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

Mataos 25:16

Waa a nʉa mɨmpɨʼ mɨ gol mɨtɛn ɨ, nye ntɔʼ to e mye kam e kam, to bul mye. Nye ze bâʼle bi myʉʉ mɨmpɨʼ mɨfih mɨtɛn.