Mataos 9:6 - Kálara Zyɛ̌m Edwán é mpʉ̌n

⁶ Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ntɔʼ ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go toʼ kwar go.»

Kálar Nzyɛ̌m : Ejwán é Sáá

⁶ Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Gbɔlwáa, nkɛ́yɨ́ɨ́ joó yô, go e tó kwár nyǒ.»

Mataos 9:6 ပူးပေါင်းရင်းမြစ်များ

Mataos 9:5

Yé ndɨ é kunbo lé esa? Zê yé é kunbo ó, go lɛŋɨ mʉr ó: “Bɨbaa bɨ ebebe byo, bi pɛʼɔ” ɛ? Zê yé é kunbo ó, go lɛŋɨ nye ó: “Mʉŋa si, laŋa” ɛ?

2 Korɛnt 2:10

Mʉr nyiwɛh bɨn bé óbe si pɛʼ bɨbaa bɨ ebebe e, bɨn bé à gʉa ó, mɛm nteme, mɨ pɛʼ nye byaa me a niʼe nye e. Yé be ó, me a si taare niʼe nuu mʉr bɨbaa bɨ ebebe, me ze pɛʼ nye bya nɛʼɛ, lɛɛ ó, me epɛʼ nye bya ó, é nyɔm win, é mih mo Krɨst.

Kolosi 3:13

Dihba ga ebebe paʼra win, alwib. ǃƗ mʉr si fuuba be e lɔb, bé e nuu mbuʼla nɛʼɛ, bé ejala le epɛʼla bɨbaa bɨ ebebe bé a niʼla paʼra wɔɔ ɛ. Dɨʼe pɛʼla ga bɨbaa bɨ ebebe paʼra win mpʉ Da Yesʉs a pɛʼ byaa nye a niʼe bɨn ɨ.

Éfɛsɔs 4:32

Diʼe ga e ncwɨncwɨa e nkʉnkoo paʼra win. Pɛʼla ga bɨbaa bɨ ebebe bɨn ndɨ eniʼla paʼra win ɨ, mpʉ Zyɛm a pɛʼ byaa nye a niʼe bɨn dumo e Krɨst ɨ.

2 Korɛnt 5:20

Ebe no ó bɨh ndɨ mɨlʉmlʉ mo Krɨst ɨ. É jɔʼ bɨh lé ejebe bɨn ɨ, yé ó mpʉ sa lɛɛ ó, Zyɛm nye mʉr tɨʼ ó ndɨ ejebe bɨn. Ebe no ó bɨh lé ejwɨʼla e bɨn é zyɛŋa wih boo Krɨst ó, mɛʼla ga ó, bɨn diʼe baa Zyɛm a de mpʉn e be e!

Mɨlʉmlʉ 9:34

No ó Pyɛr a lɛɛ e nye ó: «Ayɨneas! Yesʉs-Krɨst, nyi tiʼ go. Mʉŋa si. Bâʼa tɔɔ go.» Cye e cye yaa, Ayɨneas ntɔʼ mʉa si.

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 10:28

Me edwe bye tiʼ molu mo mpoʼ mɨmɛh. Byé ákwoʼ dim é nkɔb bʉr. Abe e mʉr ópɛʼ me bya é mobo.

Lʉkas 5:21

No ó, oyeʼle o motie bé e l'oFarizyɛŋ ze taare lé elwibla é mɨleme myɔɔ ó: «Mʉr waa lé ekʉ pyeh Zyɛm nwa, nye zé? Zé ndɨ e nkul epɛʼ bɨbaa Zyɛm lé eniʼe bʉr é lɔb mɨsyem myɔɔ ɛ? Njɨ Zyɛm nye ome!»

Markus 2:10

Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ze lɛɛ e mbʉmbʉʼ ó:

Markus 2:7

«Ebe yé mʉr nwaʼ lé epa kʉ lwib mpʉnʉ nɨ ɨ? Nye ekʉ pyeh yɛɛ Zyɛm! Zé ndɨ e nkul epɛʼ bɨbaa Zyɛm lé eniʼe mʉr é lɔb mɨsyem mo mʉr waa ɛ, pie nye mʉr tɨ?»

Mataos 8:20

Yesʉs ntɔʼ bɨha e nye ó: «Onyamosʉʼ, bé ó e mokul; bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.»

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Mataos 9:2

Abɛa nɛʼɛ, bé ze pyal nye e mbʉmbʉʼ, wé ndɨ mbwamle é tɔɔ. Jɔʼ Yesʉs a bee mpʉ bé a jyɛʼ taa buʼo yɔɔ boo nye e, nye e mbʉmbʉʼ ó: «Mwan wam, tʉmɨ nyʉl! Bɨbaa bɨ ebebe byo, bi pɛʼɔ!»

Mataos 9:7

Mʉr nɨ nteme ntɔʼ mʉa si, ze to kwar we!

Yʉanes 5:8

Yesʉs, nye e nye ó: «Mʉŋa, nkɛŋɨ tɔɔ go, go à laa.»

Yʉanes 5:27

Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.