Mataos 9:4 - Kálara Zyɛ̌m Edwán é mpʉ̌n

⁴ Mpʉ Yesʉs a be si dweʼe bɨjwɨʼ bé a be e bye é mɨmo si ɨ, no ó nye a ze dî e be ó: «Ebe yé bɨn ndɨ e bɨbebebebe mɨpɛhla mɨnɨ é mɨleme min ɨ?

Kálar Nzyɛ̌m : Ejwán é Sáá

⁴ Mpʉ̌ Yésʉs á gʉ́a bijwɨʼ byɔ́ɔ́ yɨ́, nó ó nyé á nze dî e bé ó: «Bɨ̌n bé lɨ́ edi e bibɨ́bla bíjwɨʼ bínɨ̌ ɨ́ milémé mín ɨ́ yé?

Mataos 9:4 ပူးပေါင်းရင်းမြစ်များ

Lʉkas 6:8

To kœb ó, Yesʉs a be ó lé ekʉ gʉa bɨjwɨʼ byɔɔ. Nye e mʉrʉm a be e mbo é fwam-fwam nɨ ó: «Mʉŋa si, cyɛba teme bʉr ba.» Nye ntɔʼ mʉa si, cyɛb cɨcyel.

Mataos 12:25

Mpʉ Yesʉs a be si gʉa mɨpɛhla bé a be e mye é mɨleme e, nye e be ó: «Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé efuʼla ó, é siilʉ, aka be e bʉr. Nkʉ nkana, nkʉ mbɛr bʉr, ǃɨ bʉr o tɨʼ lwimla paʼra wɔɔ nɛʼɛ, yé abe e nkul ejohlo.

Mɨngwiha 2:23

Me nteme, me ójʉ nye bwan. Ebe no ó mɨmbɛr mɨ Zyɛm mimyɛh, myé óka gʉa ó, mɛm ó ndɨ egʉa mɨpɛhla ndwe e bɨgwɨma bɨ bʉr ɨ. É mbɛr Zyɛm win, mʉr nyiwɛh ósa yiʼ syɛɛla nkʉ yʉʉ ɨ, me ójɛna nye syɛɛla ye ó, du mpʉ ye ndɨ ɨ.”

Yʉanes 16:30

Banana, bɨh bɨ gʉa ó, gɨ gʉa sa yiyɛh, ndwe nteme, yé ajɨ ó, mʉr dîʼe go tia. Ebe no ó bɨh lé ebuʼla ó, go a kʉ duho ó boo Zyɛm ɨ.»

Lʉkas 11:17

No ó, mpʉ Yesʉs a be si gʉa mɨpɛhla bé a be e mye é mɨleme e, nye e be ó: «Jwɨ̀ʼa yiyɛh bʉr o tɨʼ lé elwimla paʼra wɔɔ ɛ, yé efuʼla ó, é siilʉ, aka be e bʉr. Mbɛr bʉr nteme, é jɔʼ bʉr o tɨʼ lé elwimla paʼra wɔɔ ɛ, wé óduma.

Mɨlʉmlʉ 5:9

No ó, Pyɛr a lɛɛ e nye ó: «Ebe yé bɨn bé a bòno pɨʼ ó, bɨn boblo ó, Sisim mo Da ɛ? Mɨsoho to dɨl muu njʉmo e, myé mu ó é l'ebe. Myé ónkɛɛ nteme go jwɨʼ gwar yaa.»

Yʉanes 16:19

Yesʉs ntɔʼ gʉa ó, bé a be ó lé egwɨm dî nye motia. Nye ó: «Me si gwih bɨn ó, yi liʼ ba ma jɔʼ, bɨn bé aŋa ka bee me. Yé óbâʼle lɛŋ nuu ma jɔʼ, bɨn bé òbula bee me. Zê é lɔb waa ó bɨn lé edîila motia paʼra win ɛ?

Yʉanes 6:64

Sa gwar, bʉʉ bʉr o sama yin, bé ajyɛʼ taa buʼo yɔɔ boo me.» (Yesʉs a lɛɛ no ó, ebe, nye a be ó lé ebɛa gʉa, duho é l'etɔɔrʉ, baa b'a baajyɛʼ taa buʼo yɔɔ boo nye e, ndwe e waa a be ó, nye ókɛha nye e.)

Yʉanes 6:61

Mpʉ Yesʉs a gʉa ó, ompʉn be, bé a be ó lé eto le etʉʼra paʼra wɔɔ é lʉ we e, nye ze dî e be ó: «Zê sikʉlʉ me dwe bɨn nɨ, yé ó bɨn ebɔʼ é mɨleme?

Yʉanes 21:17

Pie tɨ, nye ze bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Pyɛr ntɔʼ liʼ é gœʼra-gœʼra e mocyɛʼ mo nyʉl, ebe, Yesʉs a si bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Da, go egʉa sa yiyɛh! Go ekʉ gʉa nteme ó, me ekpɛl go!» Yesʉs, nye e nye ó: «Kobla daa e bɨntœme lam.

Lʉkas 5:22

Sa gwar, Yesʉs a be ó lé edweʼe bɨjwɨʼ bé a be e bye é mɨmo si ɨ. No ó nye a nʉa lwib, ze dî e be ó: «Wáa mbi mosono ndɨ bɨn é mɨleme bim yiʼ mpʉʼ ɨ?

Markus 12:15

Yesʉs a be ó lé egʉa ó, bé a dî e nye ó, tia njɔŋ. No ó nye a dî e be ó: «Bɨn baanya-bɨkʉʉŋʉ ba! Ebe yé bɨn lé ejɨ saa elam me é mbi lwib me óbɨha e bɨn ɨ? Ntaʼ ga me e saŋ denie, me paʼ bee we e mih!»

Markus 2:8

Yesʉs a be ó si kpahbe gʉa é sisim we tʉŋlʉ bɨjwɨʼ bé a be e bye é mɨmo si ɨ. No ó nye a lɛɛ e be ó: «Wáa mbi mosono ndɨ bɨn é mɨleme bim yiʼ mpʉʼ ɨ?

Lʉkas 7:40

Yesʉs ze nʉa lwib. Nye e Farizyɛŋ nɨ ó: «Simɔn, me e sa elɛɛ go.» Simɔn, nye e nye ó: «Yeʼle, lwibɨ, me ejoʼo.»