Mataos 9:2 - Kálara Zyɛ̌m Edwán é mpʉ̌n

² Abɛa nɛʼɛ, bé ze pyal nye e mbʉmbʉʼ, wé ndɨ mbwamle é tɔɔ. Jɔʼ Yesʉs a bee mpʉ bé a jyɛʼ taa buʼo yɔɔ boo nye e, nye e mbʉmbʉʼ ó: «Mwan wam, tʉmɨ nyʉl! Bɨbaa bɨ ebebe byo, bi pɛʼɔ!»

Kálar Nzyɛ̌m : Ejwán é Sáá

² Abea nɛ́ɛ: bê nzě nze nyé e mbʉ́mbʉ́ʼ mʉ̂r ɨ́ myɛɛla. Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ e mbʉ́mbʉ́ʼ ó: «Mwân wǎm, talaǎ léme. Bibaa bí ébébe lô, bí pɛʼɔɔ!»

Mataos 9:2 ပူးပေါင်းရင်းမြစ်များ

Mataos 9:22

Yesʉs ze dwɛʼ pihe, bee mʉma waa. Nye e nye ó: «Mwan wam, tʉmɨ nyʉl! Buʼo yo, yi tiʼ go.» Taare é jɔʼ gwar yaa, mʉma waa ntɔʼ tiʼe.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

Mɨlʉmlʉ 19:12

No nteme, osana o mɨkan ndwe e bɨpeh mɨkan Pol a kuna e bye e, bʉr bé a dɨ ó nʉa bye, ze taare lé ekɛl mɨsyoblʉ bya é monyʉl, myé ntɔʼ tiʼe! Bɨbɨbla mɨsisim nteme bana duho be é monyʉl!

Yʉanes 21:5

Yesʉs, nye e be ó: «Bwan ɔɔ! Bɨn bé apa jʉ fu ngwar, zê yé abe no ɛ?» Bé e nye ó: «Eee, yé ó no ɔɔ!»

Mataos 8:10

Ejoʼo Yesʉs a joʼo mokan maa ɛ, nye kʉ ze jehe nye nʉm mbeʼ, ze dwibra, dwɛʼ bʉr o b'a du nye é koo pihe e. Nye ó: «Me elɛɛ bɨn cyecye ó nɛɛ: Ebee me lé ebee mʉr lé ekʉ jyɛʼ taa buʼo ye boo me e, lé ó lɨ. Abe e mʉr Ɨzraɛl ndɨ esa no.

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Rôm 5:11

Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.

Mɨlʉmlʉ 14:9

É jɔʼ nye a be lé ejoʼlo-joʼlo sa Pol a be lé elɛɛ ɛ, Pol ze dwɛʼ nye é tʉʉʉŋ, bee ó, nye a be ó lé ejyɛʼ taa buʼo ye boo Yesʉs le ebuʼla ó, nye óbɛm tiʼ nye.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mataos 9:6

Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ntɔʼ ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go toʼ kwar go.»

Mataos 8:16

É bii kʉʼ yaa, bʉr ntɔʼ ze e buobuo bʉr o b'a sia e moleme e. E lwib nʉm, Yesʉs ntɔʼ dwih bʉr moleme maa le etiʼ nteme mɨsyoblʉ mimyɛh.

Yʉanes 2:25

Nye a baagwɨm ó, mʉr tɨa nye sɔʼɔ, tiibe e mʉr, ebe, nye mʉr tɨʼ a be ó si gʉa sa ndɨ ɨ leme mo mʉr ɨ, é kpɛhla.

Markus 5:34

No ó Yesʉs a lɛɛ e nye ó: «Mwan wam, buʼo yo, yi tiʼ go. Toʼ é motala. Esyɛb lo, lé sia.»

Markus 1:32

É bii kʉʼ yaa, jɔʼ dobo, lé a lɨŋa ɛ, bʉr ntɔʼ ze boo nye e mɨsyoblʉ myɔɔ mimyɛh le bʉr o b'a sia e moleme e.

Mataos 6:12

Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

Mataos 9:5

Yé ndɨ é kunbo lé esa? Zê yé é kunbo ó, go lɛŋɨ mʉr ó: “Bɨbaa bɨ ebebe byo, bi pɛʼɔ” ɛ? Zê yé é kunbo ó, go lɛŋɨ nye ó: “Mʉŋa si, laŋa” ɛ?

Mataos 14:27

Cye e cye yaa, Yesʉs, nye e be ó: «Tʉmɨ ga monyʉl. Yé ó me! Ajoʼo ga bʉa.»

Markus 6:50

ebe, bɨbɛh, bé a be ó si bee nye. Mopɨʼ ze dim be é mɨlʉ. Cye e cye yaa, Yesʉs, nye e be ó: «Tʉmɨ ga monyʉl. Yé ó me! Ajoʼo ga bʉa.»

Markus 10:49

Yesʉs ze cyɛb. Nye e be ó: «Jeba ga me nya.» Bé ze jebe ntim. Bé e nye ó: «Tʉmɨ nyʉl, mʉŋa si. Nye ejebe go!»

Mɨlʉmlʉ 23:11

É pum wé a ka bɔma ɛ, Da Yesʉs ze pyal nye, ntɔʼ lɛɛ e nye ó: «Tʉmɨ nyʉl! É mpʉ gɨ sil boʼlo bɨsa go lé egʉa é lʉ wam ɨ Yerʉsalɛm ɨ, yé ekʉ jala ó, go saʼ no ɨ nkana Rom.»