Mataos 9:18 - Kálara Zyɛ̌m Edwán é mpʉ̌n

¹⁸ Yesʉs dina lé elwib nɛʼɛ, nuu tamamʉr é kul oYʉden ze pyal, ntɔʼ bɨʼ mpom we si é mih me. Nye e nye ó: «Sile wam, wi dime mih é banana. Dam be no, ncʉʼ ga. Go toʼ, to kɛl nye mbo é nyʉl, nye nkʉʼ pàh.»

Kálar Nzyɛ̌m : Ejwán é Sáá

¹⁸ Yésʉs dína lɨ́ elwib nɛ́ɛ: nyʉ́ʉ́ njwɨ́ɨ oYúden nzě pyâl, ntɔ̂ʼ bɨʼ mébóó sí, lɨ́ edwe nyé kûm. Nye e Yésʉs ó: «Eséhé lâm, lé alúno dwe ɨ́ báánâ. Damá jóʼo nó, ntaá nzě kɛl nyé mbô, nye nkʉ̂ tiʼe.»

Mataos 9:18 ပူးပေါင်းရင်းမြစ်များ

Mataos 8:2

No ó, nuu mʉr a dihle gumo Yesʉs a be e, zam é nyʉl é korodo. Nye ze bɨʼ mpom we si é mih me. Nye e nye ó: «Da, ǃgo si mɛʼle nɛʼɛ, go óbɛm pɛʼ me sa ndɨ elœʼ me é mih mo Zyɛm ɨ.»

Lʉkas 13:14

Njwɨɨ mpah mɨnjwɨʼla ntɔʼ joʼo Yesʉs ebebe é lɔb syɛɛla ye, ebe, nye a si bana tiʼ zyoo é moho saba. Nye e bʉr bɨbɛh ó: «É sono nyiwɛh, yé e moho ngwar ndɨ moho saba ɛ. Mɨmoho tobo, myé ó bɨna ga e nyɔm é l'efu ó, bɨna sea ga. Ntaʼ, ze jʉmba ga é mɨmoho myaa, abe yɛɛ moho saba.»

Yʉanes 11:32

É jɔʼ Maaria a to pyal nko Yesʉs a be e, nye ze bɨʼ mpom we si é mih mo Yesʉs. Nye e nye ó: «Da, nkʉ go a be ó be, be wâʼ nɛʼɛ, mpa ntʉm wam a baadwè.»

Mataos 9:24

Yesʉs ze lɛɛ e be ó: «Pʉʼa ga wâ, ebe, esehe lɨ, lé adwè. Lé ó, é dwo.» Bé ze dwo nye é cacaca lé esoŋlo nye.

Mɨlʉmlʉ 13:15

É jɔʼ ojwɨɨ o mpah mɨnjwɨʼla waa, bé a láa motie mo Moyiz ndwe e sikʉlʉ ogwiha o mɨlɔb bé a dwe e, bé ze jebe be, ze lɛɔ e be ó: «Obɨɔ ga! Yé be ó, nuu mʉr é sama yin, nye e mokan mo egba bɨh nkul é monyʉl nɛʼɛ, nye óbɛm lɛɛ bɨh ma é banana.»

Yʉanes 11:25

Yesʉs, nye e nye ó: «Me ó waa lé epɛ̀h bʉr é mofoo, dwe be tiʼ molu mo mpoʼ mɨmɛh ɛ. Mʉr lé ejyɛʼ taa buʼo ye boo me e, nye dam dwè, nye óbâʼle tiʼe.

Lʉkas 18:18

Nuu tamamʉr é kul oYʉden a be ó si dî e Yesʉs ó: «Mbɨambɨa yeʼle, me saʼ wáa mbi sɔʼɔ é l'efu ó, me biʼe tiʼ molu mo mpoʼ mɨmɛh?»

Lʉkas 7:2

Ɨ gʉ, yé a be ó e nuu njwɨɨ nter bɨzima bɨ Rom. Nye a be ó e nuu syɛl mosa nye a be é bul kpɛl ɨ. Syɛl mosa we waa a be ó lé esyɛb, nye mu tiʼ le efie.

Mataos 28:17

No ó, mbea bé a bee nye e, bé ze dwiibɨ nye. Sa gwar, bʉʉ bʉr o sama yɔɔ, bé a be yɛɛ ó lé esoŋlo.

Mataos 17:14

É jɔʼ Yesʉs bé e l'ompʉn be, bé a be, bé mu lé ekunbo e gumo ntuntuma bʉr yé a bono e, nuu mʉr ntɔʼ ze, kur moboo si é mih mo Yesʉs.

Mataos 15:25

Mʉma waa, ntɔʼ bɨʼ mpom we si é mih me. Nye e nye ó: «Da, kɛmɨ me.»

Mataos 14:33

Bʉr o b'a be é byɛl ɨ, bé ze dwiibɨ Yesʉs. Bé e nye ó: «Go ó kʉ be Mwan mo Zyɛm cyecye!»

Mataos 20:20

No ó nyɔŋ bwan mo Zebede a ze to nko Yesʉs a be e, e bwan be, bɨʼ mpom we si é mih me, ó bé jaʼ ó nye sɔʼɔ.

Mataos 8:25

Ompʉn be, ze dihle fum nye a be e, ntɔʼ jɨmɔ nye é dwo. Bé e nye ó: «Da, tiʼɨ bɨh! Bɨh muno ze dwè ó yi!»

Mataos 9:17

No nteme ó, bé abe lé elwan modwan monwoʼ é mɨnjʉ̌m bɨntaʼ ndɨ mɨsɛa e bɨkʉr bɨ otir ɨ. ǃBé si sa no nɛʼɛ, é jɔʼ monwoʼ maa, mé ógubla ɛ, mɨnjʉ̌m bɨntaʼ byaa, byé ódɨ tʉl, monwoʼ swɨɨ si, bɨntaʼ dwè ntuʼ. Bé elwan modwan monwoʼ ó, é bɨntaʼ ndɨ modwan ɨ. É jɔʼ yaa ó monwoʼ le bɨntaʼ, byé ódi mbɨmbɨa ɛ.»

Mataos 9:19

Yesʉs ntɔʼ mʉa si, du nye, bé e l'ompʉn be.

Mɨlʉmlʉ 28:8

To kœb ó, sɔŋ mo Publɨɔs a be ó njaʼa si é duo lé ejoʼo ejyoo, nyɛɛ lé esyɛb nkumlo motié. Pol ze to dwɛʼ nye, ze jwɨʼla e Zyɛm, ntɔʼ kɛl nye mbo é nyʉl, nye ntɔʼ tiʼ nye.