Mataos 9:16 - Kálara Zyɛ̌m Edwán é mpʉ̌n

¹⁶ Peh kan edwan l'apa dubɔ é modibe, l'apa kʉʼra ɛ, yé abe lé elarɔ é l'egʉa e mbor kan. ǃƗ mʉr si lar we é l'egʉa nɛʼɛ, é jɔʼ kan waa, wé ójwɨ̀ɔ ɛ, egʉa lé a larɔ e peh kan edwan yaa ɛ, lé óbâʼle kʉ bwaʼ ó bwaʼa, laa bim lé a taare be e.

Kálar Nzyɛ̌m : Ejwán é Sáá

¹⁶ «Mʉr nyé anʉǎ kán dwân, ntɔ̂ʼ sâ ébágá lɨ́ esú lé élar égʉ́á é njʉ̌m kán, kán dwân waá l'apǎ dubɔɔ ɨ́ medíbé, dulo, ebě, péh kán dwân yaá, bé adubɔɔ ɨ́ medíbé nó, ɨ́ jɔʼ mʉ̂r ókǎ jwɨɨ̌ kán waá yɨ́, ebágá é kán dwân laá, lé ópʉʼa, ntɔ̂ʼ báʼǎ beʼ égʉ́á é kán.

Mataos 9:16 ပူးပေါင်းရင်းမြစ်များ

Yʉanes 16:12

«Me dina ó, é buo bɨsa bɨ elɛɛ bɨn. Sa gwar, bɨn bé apa be e nkul ejoʼo bye é banana.

1 Korɛnt 13:13

No ó, banana, buʼo e mbɛla ndwe e kpɛl, byé ó tɨ: bɨsa bɨlɛl. É bɨsa bɨlɛl byaa, yaa lé elaa bibyɛh ɛ, yé ó kpɛl.

Mataos 9:15

Yesʉs, nye e be ó: «Jɔʼ mbœm mʉma lé ecyel zɔɔ ɛ, zê bɨn bé lé ejwɨʼ ó, ofo mo mbœm mʉma, bé óbɛm bʉ modwe, nye dina tɨʼ é duò zɔɔ ɛ? Tɨtoʼo! Yé ópyal jɔʼ ndɨ ó, mbœm mʉma óze pɛʼɔ é sama yɔɔ ɛ. Bé óti mode é jɔʼ yaa.

Mataos 9:17

No nteme ó, bé abe lé elwan modwan monwoʼ é mɨnjʉ̌m bɨntaʼ ndɨ mɨsɛa e bɨkʉr bɨ otir ɨ. ǃBé si sa no nɛʼɛ, é jɔʼ monwoʼ maa, mé ógubla ɛ, mɨnjʉ̌m bɨntaʼ byaa, byé ódɨ tʉl, monwoʼ swɨɨ si, bɨntaʼ dwè ntuʼ. Bé elwan modwan monwoʼ ó, é bɨntaʼ ndɨ modwan ɨ. É jɔʼ yaa ó monwoʼ le bɨntaʼ, byé ódi mbɨmbɨa ɛ.»

Markus 2:21

«Peh kan edwan l'apa dubɔ é modibe, l'apa kʉʼra ɛ, yé abe lé elarɔ é l'egʉa e mbor kan. ǃƗ mʉr si lar we é l'egʉa nɛʼɛ, é jɔʼ kan waa, wé ójwɨ̀ɔ ɛ, egʉa lé a larɔ e peh kan edwan yaa ɛ, lé óbâʼle kʉ bwaʼ ó bwaʼa, laa bim lé a taare be e.

2 Korɛnt 9:12

Ebe, é jɔʼ bɨn lé esea be syɛɛ yaa ɛ, yé abe njɨ é l'efu ó, bɨn gulɨ mɨsaŋ mɨ bʉr mo Zyɛm ndɨ é l'enteʼe e. Hɨʼɨ, yé ósa nteme ó, buobuo bʉr dweʼ Zyɛm ekiba.

Lʉkas 5:36

No ó nye a lwib e be é zi bɨkɨkɛna. Nye ó: «Kan dwan, wé abe lé enyaŋɔ é l'efu ó, mʉr nʉŋa peh kan dwan waa, ntɔʼ larɔ é mbor kan. ǃƗ mʉr ósa no nɛʼɛ, nye óbe ó si lɨr kan dwan waa. Njʉ̌m kan, wé aŋa jʉʼa e l'ebaga lé a duho é kan dwan ɨ.