Mataos 8:6 - Kálara Zyɛ̌m Edwán é mpʉ̌n

⁶ «Da, syɛl mosa ndɨ me mpʉ mwan ɨ, nye ó ambɨa ja kaʼ mbɛr. Nye ó mbʉmbʉʼ; sa nɨ, yi ntaa nye é nkul.»

Kálar Nzyɛ̌m : Ejwán é Sáá

⁶ «Dâ ɛ̌, syɛ̂l mesâ dí me mpʉ mwân nyá, nye ó mbʉ́mbʉ́ʼ, njáʼ sí ɨ́ mbɛ̌r. Ekpaa, lɨ́ ntaa nyé ɨ́ nkul.»

Mataos 8:6 ပူးပေါင်းရင်းမြစ်များ

Kolosi 4:1

Bɨn ojwɨʼa o molʉa ɛɛ! Dɨʼe sa ga molʉa mɨn bɨsyɛɛla ndɨ cɨcyel, byaa lé ejala ɛ. Ajɨha ga ó, bɨn nteme, bé ó e Njwɨʼa é lal mo Zyɛm!

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.

Kolosi 3:11

É tiʼ edwan yaa, adu ga bwa mɨmbɛʼ ba: Nkʉ mʉr fih mʉr kɛ̀l, nye ó mʉr Grɛs, nkʉ nye ó Yʉden, nkʉ nye a be ó si saŋɔ mpʉn, nkʉ nye a baasaŋɔ mpʉn, nkʉ nye ó mʉr kul bʉr lé ebul cyɛlɔ ɛ, nkʉ nye ó mʉr kul bʉr o ndɨ ebul feha ɛ, nkʉ nye ó elʉa, nkʉ nye ó mʉr ndɨ é dia otî ɨ, ebe, Krɨst ó ndɨ lʉ sa yiyɛh é mɨpaʼ mimyɛh.

Mɨlʉmlʉ 9:33

Nye ze kœb nuu mʉr gʉ, die le Ayɨneas. Nye a be ó mbwamle é duo, tɔɔ mɨmbu mwom, ebe, nye a be ó mbʉmbʉʼ.

Filemɔŋ 1:16

ebe, banana, nye aka be go njɨ elʉa. Nye entaa elʉa; nye mu ó mɨɔ kpɛl wina, kʉ bʉl be é paʼ wam! Mɛm pa taare kpɛl nye é buobuo, a dwɛʼra e go! Go óbul kpɛl nye, laa me, ebe, nye ó waa go, bula be nteme mɨɔ go é zyɛŋa ga wina boo Da Yesʉs.

1 Timotɛ 6:2

No ó, molʉa ndɨ egumo e l'obuʼla ɛ, bé ajala le epyeh omasa bɔɔ ebe mboʼla bé lé ekʉ boʼlo ó, bé ó obuʼla ɛ. Mʉr, nye ejala le esea syɛɛ elʉa ye mbɨmbɨa. Nye toŋla ó: «Mʉr lé edira nyɔm e syɛɛ yam ɨ, nye ó ndɨ mbuʼla me lé ebul kpɛl ɨ.» Bɨsa biʼ ó go lé ejala le eyeʼle ndwe le etɨe bʉr ɨ.

Mɨlʉmlʉ 10:7

É jɔʼ engles a laa ɛ, Kɔrnɛl ntɔʼ jebe bʉʉ osyɛl o mosa be, oba, ndwe e yʉʉ zima é l'esama e bɨzima byé a sea-sea e nye e. Zima yaa nteme, yé a be ó lé edwaabe Zyɛm.

Mataos 9:2

Abɛa nɛʼɛ, bé ze pyal nye e mbʉmbʉʼ, wé ndɨ mbwamle é tɔɔ. Jɔʼ Yesʉs a bee mpʉ bé a jyɛʼ taa buʼo yɔɔ boo nye e, nye e mbʉmbʉʼ ó: «Mwan wam, tʉmɨ nyʉl! Bɨbaa bɨ ebebe byo, bi pɛʼɔ!»

Mataos 8:7

Yesʉs ze lɛɛ e nye ó: «Me to ó tiʼ nye banana.»