Mataos 8:5 - Kálara Zyɛ̌m Edwán é mpʉ̌n

⁵ Jɔʼ Yesʉs a be si ni Kapernaʉm ɨ, nuu njwɨɨ nter bɨzima bɨ Rom ze dihle kunokuno e nye. Nye ntɔʼ jwɨʼla e nye ó, nye gulɨ nye. Nye e nye ó:

Kálar Nzyɛ̌m : Ejwán é Sáá

⁵ Jɔ̌ʼ Yésʉs á be lɨ́ enî Kapernáʉm yɨ́, nyʉ́ʉ́ kapitɛ̂n bisója bí Rôm nzě sîhlě bǎʼ e né. Nye ntɔ̂ʼ jɨʼla e né ó:

Mataos 8:5 ပူးပေါင်းရင်းမြစ်များ

Mataos 27:54

Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

Mɨlʉmlʉ 27:43

No ó njwɨɨ nter bɨzima a tiʼe é leme we ó, nye kamle ó e tiʼ mo Pol. Nye ze kamle be lé esa mpʉ bɛɛ, bé a jwɨʼ ó, bé sa ó mye e. No ó nye a lɛɛ e be ó, baa bɨbɛh bé a be e nkul edwaʼ ɛ, bé lyaha é modibe efoʼ, toŋɔ tin.

Mɨlʉmlʉ 27:31

No ó, Pol a lɛɛ e njwɨɨ nter bɨzima nɨ ndwe e byʉʉ bɨzima ó: «ǃƗ bʉr ba, bé adi é titima yiʼ tʉŋlʉ nɛʼɛ, kʉ gʉa ó, bɨna bé abe e nkul etiʼe ga!»

Mɨlʉmlʉ 23:17

Pol nyɛɛ ze jebe nuu njwɨɨ nter bɨzima. Nye e nye ó: «Toʼ e ma soho nwaʼ nko njwɨɨ bɨzima nɨnɨ win ndɨ ɨ, ebe, nye e yʉʉ sa nye lé egwɨm lɛɛ nye e!»

Mataos 4:13

No ó nye a mʉa ɨ Nazarɛt, ntɔʼ to di Kapernaʉm é nkpah maŋ. Yé ó é lal mo Zabulon bé e Nɛftali.

Mɨlʉmlʉ 27:13

É jɔʼ ma pubo a taare publo, lé eduho nko tie e, bé a taare jwɨʼ ó, bé óbɛm koʼo lé eloŋlo bɨgwɨma byɔɔ. Bé ntɔʼ pɛʼ nkwab nkoho yé a mɛr-mɛr titima é sʉm maŋ ɨ, ze to le ekpahɔ pɨn dine Krɛt.

Mɨlʉmlʉ 23:23

Pie tɨ, njwɨɨ bɨzima nɨnɨ ze jebe bʉʉ ojwɨɨ o nter bɨzima oba. Nye e be ó: «Syɛŋɨ ga bɨzima mɨnter mɨmba, ndwe e bʉr mowʉm tambɛl ndɨ okœʼa o bɨkabala ɛ, kɛl obil o mokʉa mɨnter mɨmba. Kʉmsa ga ó, bɨn toʼ Sezare é mowala bu mo pum.

Mɨlʉmlʉ 22:25

Jɔʼ bé a sil kaʼ nye e mɨkol ó, bé fuura nye mɨmbihe e, Pol ze lɛɛ e njwɨɨ nter bɨzima a cyɛb é l'empàh ó: «Zê etie ga lɨna bʉr o Rom, lé akamle ó, go fuura me mɨmbihe é jɔʼ me l'apa kar é mih me olɔ̀b, olɔ̀b l'apa nʉa etiʼ ɨ?»

Markus 15:39

Njwɨɨ nter bɨzima a be cɨcyel é mih mo Yesʉs ɨ, mbea nye a bee mpʉ Yesʉs a fil mɨswɨh mɨ epihe e, nye ó: «Mʉr nwaʼ a bana kʉ be ó Mwan mo Zyɛm!»

Markus 2:1

Bwa molu, bé osi laa nɛʼɛ, Yesʉs ntɔʼ bâʼle to Kapernaʉm. Bʉr ze joʼo ó, nyi bula, nye mu ó mbɛr.

Mataos 9:1

Yesʉs ntɔʼ kable é byɛl, ze bâʼle to nkana ye.

Mataos 11:23

A gwɔɔ, Kapernaʉm, zê go óbɨnɔ, to pyal pyala é jobo kʉ ɛ? Tɨtoʼo! Go ófilɔ si, to pyal kwar odwè! Nkʉ mosima mé a syɛɛlɨ bɨn ye e, mé a be ó be, syɛɛlɨ ɨ Sodɔm nɛʼɛ, mpa nkana yaa, yé dina ó tɨ, ze pyal é muh é dobo lɨ.

Mɨlʉmlʉ 9:38

Ɨnɨ, Yope, yé acɛra e Lida. Ompʉn baa, bé ntɔʼ jʉʼra ó, Pyɛr a be ó Lida. Bé ntɔʼ lomlo nye mpaŋla e bʉr oba. Bé e nye ó: «Bɨh bé ejwɨʼla e go, ó go kpahba ze kaʼ kam e kam!»