Mataos 8:4 - Kálara Zyɛ̌m Edwán é mpʉ̌n

⁴ Yesʉs ze lɛɛ e nye ó: «Anyamle lɛɛ mʉr mpʉ go tiʼe e. Sa gwar, toʼ boo opara. Toʼ, to lɛʼle be mpʉ nyʉl go mu ɨ. Go à dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

Kálar Nzyɛ̌m : Ejwán é Sáá

⁴ Yésʉs nzě lɛ́ɛ e né ó: «Alɛ́ɛ mʉ̂r lɔ̌b wɨ̂. Sâ gwár, tóʼ kwá opara. Tó lɛ̂ʼle bé nyʉ̂l. Go e dwé míndwéá Moyɨ̂z á boo cɛma tɨ̂ʼ ɨ́ metié mé mí, ndwéá gô nkʉ̂ lɛ̂ʼle bʉ̂r ó, gʉ́ tiʼe.»

Mataos 8:4 ပူးပေါင်းရင်းမြစ်များ

Lʉkas 17:14

Yesʉs ze bee be. Nye ó: «Toʼ, to lɛʼle ga opara mo Zyɛm monyʉl mɨn ɔɔ.» Bé dina lé eto no nɛʼɛ, zam ntɔʼ pʉʼa be é monyʉl, sa yé a lœʼ be é mih mo Zyɛm ɨ.

Lʉkas 5:14

Yesʉs ntɔʼ cyel nye mpene ó, nye l'anyamle lɛɛ mʉr mpʉ nye a tiʼe e. Nye e nye ó: «Toʼ, to lɛʼle para nyʉl go, mpʉ nye mu ɨ. Go toʼ, to dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

Markus 7:36

Yesʉs ze cyel be mpene ó, bé l'alɛɛ mʉr fih lɔɔ waa. Dam be no, bim nyɛɛ a lɛɛ ó, bé l'ayi lɛɛ ɛ, bim yaa nteme ó bé a to le elɛɛ lɔɔ waa ɛ.

Mataos 9:30

Mih mɔɔ ntɔʼ taare lé ebee! Yesʉs ze cyel be mpene, adwo ba ó: «Anyamle lɛɛ ga mʉr lɔɔ wi.»

Markus 6:11

ǃƗ bʉr o yʉʉ gumo, bé si bene lé ebaʼle bɨn nkʉ joʼo bɨn nɛʼɛ, bɨn bé à tɨ koho dih é jɔʼ bɨn lé eto e cyen yin dolo e. Syɛɛla yaa, yé ónwahle be, lɛʼle be ó, bé mu ó e mobyaʼ.»

Markus 5:43

Yesʉs ntɔʼ cyel be mpene le egʉa kʉ boʼlo ó, bé l'alɛɛ mʉr sa syɛɛlɨ ɨ. Nye ze lɛɛ e be ó, bé dweʼ nye sa ede.

Mataos 17:9

É jɔʼ bé a be, bé mu teme efulo ecwɨʼ ɨ, Yesʉs ze cyel be mpene ó: «Alɛɛ ga mʉr sa jehe bɨn bee e, to pyal é jɔʼ mɛm, Mwan mo Mʉr óbe si pàh é foo e!»

Mataos 10:18

Bé óto e bɨn é mih mo ongoman le mɨnjwɨɨbʉr é lɔb wam. Bɨn bé ósaŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ, bɛɛ ndwe e bʉr o ndɨ abe oYʉden ɨ, lé ejoʼo.

Mataos 6:1

«Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Mataos 5:17

«Abuʼla ga ó, me a ze ó, ze gbɛɛ motie mo Moyiz, nkʉ gbɛɛ sikʉlʉ ogwiha o mɨlɔb bé a dwe bɨmpam bin ɨ. Me a baaze gbɛɛ. Me a ze ó, ze sil du me!

Yʉanes 8:50

Me abe lé esaa ebœʼ kum wam. Yé e mʉr lé esaa ó, bʉr dwiibɨ me é buobuo e. Nye nteme, nye ó waa lé etiʼe mɨlɔb ɨ.

Yʉanes 7:18

Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ.

Yʉanes 5:41

«Me abe lé esaa ebi kum lé eduho é bʉr ɨ.

Lʉkas 21:13

Bɨn bé ósaŋɔ-saŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ.

Markus 8:30

Yesʉs ntɔʼ cyel be mpene, adwo ba ó, bé l'alɛɛ mʉr sa yaa.

Mataos 16:20

Yesʉs ntɔʼ cyel ompʉn be mpene, adwo ba ó, bé l'alɛɛ mʉr ó, nye ó Lœma mulo mo Zyɛm.

Mataos 3:15

Yesʉs ze bɨha e nye ó: «Birɨ, yé syɛŋɨ no, ebe, yé ejala ó, loŋlo bɨsyɛɛla bɨ ocɨcyel bibyɛh.» Yʉanes ntɔʼ mɛʼle.

Markus 13:9

«No, pɨrɨ ga mokʉ si. Bé óto e bɨn é mompʉm mo otamabʉr mɔɔ, to pur bɨn le ebuʼo bɨn mɨlɔb gʉ. Bé ónyuo bɨn mɨmbihe é mompah mɨnjwɨʼla myɔɔ. Bé óto e bɨn é mih mo ongoman le mɨnjwɨɨbʉr é lɔb wam. Bɨn bé ósaŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ, bɛɛ lé ejoʼo.

Markus 3:12

No ó nye a cyel be mpene, adwo ba ó, bé l'anyamle lɛɛ bʉr mbi mʉr nye ndɨ ɨ.

Markus 9:9

É jɔʼ bé a be, mu teme efulo ecwɨʼ ɨ, no ó Yesʉs a cyel be mpene ó, bé l'anyamle lɛɛ mʉr sa bé bee e, to pyal é jɔʼ nyɛɛ, Mwan mo Mʉr óbe si pàh é foo e.

Lʉkas 4:41

Moleme, mé a be ó lé eduho bʉr é monyʉl é buobuo. Mé a si bʉ bɨtim, le elɛɔ ó: «Go ó Mwan mo Zyɛm!» No ó nye a ze bâm e moleme maa, ndwe le epɨr me mɨnʉm, ó mé l'alwib, ebe, mé a si kʉ gʉa ó, nye ó Lœma mulo mo Zyɛm.

Lʉkas 8:56

Obyɛl be kʉ ze jehe syɛɛla yaa. Yesʉs ntɔʼ cyel be mpene ó, bé l'alɛɛ mʉr sa syɛɛlɨ ɨ.

Lʉkas 9:21

Yesʉs ntɔʼ cyel be mpene, adwo ba ó, bé l'alɛɛ mʉr sa yaa.