Mataos 8:12 - Kálara Zyɛ̌m Edwán é mpʉ̌n

¹² To kœb ó, oYʉden, bʉr o b'a jala le edi é jwɨ̀ʼa yaa ɛ, bé ópɨmɔ é jwɨ̀ʼa yaa. Bé óbyɛʼɔ kʉl é l'edurʉ le ankom-nkom, fum byé ódɨ time le elwaare moje e.»

Kálar Nzyɛ̌m : Ejwán é Sáá

¹² Minyɛ̂r mí Mpóʼo nyaá míɛ, myé ónzéŋlɔɔ̌ kʉ̌l lɨ́ edúrʉ́ʉ́, súm bé ójóno le epûʼlo médye yɨ́.»

Mataos 8:12 ပူးပေါင်းရင်းမြစ်များ

Mataos 25:30

No ó, syɛl mosa ndɨ anʉa nkɔb é bɨsyɛɛ ɛ, guha ga nye é l'edurʉ le ankom-nkom ndɨ kʉl ɨ, nko bʉr, bé ódɨ time le elwaare moje e!”»

Lʉkas 13:28

Gumo yaa ó bɨn bé ódɨ time le elwaare moje e, é jɔʼ bɨn bé óbee Abraham, Ɨzak, Yakɔb, le ogwiha o mɨlɔb mu e bɨdia é jwɨ̀ʼa mo Zyɛm, bɨn bɛɛ guhɔ kʉl ɨ.

Mataos 21:43

«Ebe no, me elɛɛ bɨn ó nɛɛ: Zyɛm muno ze pɛʼ jwɨ̀ʼa ye bɨn ye, lé eka to jwɨ̀ʼ bʉr o ndɨ abe oYʉden ɨ. Bɛɛ, bé ósea e nye syɛɛ ye! [

Mataos 13:50

ntɔʼ guho bɨbɨbla bɨ bʉr é duro e molul. Gʉʼ ó bé ódɨ time le elwaare moje e.»

Mataos 13:42

Nye òguho be é duro e molul, gumo bé ódɨ time le elwaare moje e.

Mataos 24:51

Nye ókab syɛl mosa waa bɨntɨʼa ó, byaa ndɨ é nyan nyan ɨ, jwɨʼ gwar e gwar e baanya-bɨkʉʉŋʉ, le ecen bɨbɛh é gumo bé ódɨ time le elwaare moje e.»

Yʉ̂d 1:13

Bé ebâʼle nwɨɨla nteme ó e l'oboʼo o maŋ, baa lé epyɛl mogul é ntomo-ntomo e. Bé esa ebebe, ajoʼɔ ba fwon. Pie tɨ, bé eka nwɨɨla ó e baatwitwɛn ndɨ adu bɨcye byɔɔ ɛ. Ebe no ó Zyɛm lé ekʉ baʼle-baʼle be bɨdia byɔɔ njɨ é l'edurʉ le ankom-nkom ɨ. Edurʉ laa, lé ódi-di no ó, njʉmdia e njʉmdia.

2 Pyɛr 2:17

Bʉr baa, bé enwɨɨla ó e mono mo dibe ndɨ ejwɨl-jwɨl ɨ. Bé ó mpʉ mɨnkur nkuo lé etine e. Zyɛm, nyi bɛa komlo be dia ó, é l'edurʉ le ankom-nkom.

2 Pyɛr 2:4

Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

Rôm 9:4

Bɨɔ bam, bwa b'Ɨzraɛl, bé ó baa Zyɛm a pɛh ó, bé nkʉʼ cyelɔ é dia bwan o mobœʼa be. Bé ó b'a taare bee kum we. Nye a taare de mpʉn ó e be. Bé ó b'a joʼo motie nye a tiile e. Bé ó b'a taare lɛʼlɔ mpʉ bé lé ejala le edwiibɨ Zyɛm ɨ. Bé ó b'a taare bi monkɛʼ mo Zyɛm.

Mɨlʉmlʉ 3:25

Bɨn bɛɛ ó ndɨ e nkɔb é monkɛʼ Zyɛm a bɛa liʼe bʉr be e ma ɛ, ntɔʼ fol, ogwiha o mɨlɔb bɛɛ ntɔʼ ka gwih ɨ. Bɨn nteme, bé e nkɔb é mpʉn Zyɛm a de e bɨmpam ga bina ɛ. Nye a lɛɛ e Abraham ó: “Bim mɨmbɛr mɨ bʉr ndɨ é si nwaʼ ɛ, me ósʉ mye mocyɛʼ mo mpom ó, ebe nta go.”

Mataos 13:38

Peme ye, yé ó si nwa. Mpaŋ mpœʼ, yé ó dweʼle, sa lé elɛʼle nkɔb bʉr o ndɨ é jwɨ̀ʼa mo Da ɛ. Bɨka ndɨ abe e mpi ɨ, byé ó bʉr o ndɨ baa mo Bɨbla-mʉr ɨ.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.