Mataos 7:6 - Kálara Zyɛ̌m Edwán é mpʉ̌n

⁶ «Adwe ga ompye sa ndɨ ti ɨ. Bé amu dwibra le elʉ bɨn. Adwe ga onkʉ mɨndwe ndɨ é buo dime e. Bé amu tíile mye.»

Kálar Nzyɛ̌m : Ejwán é Sáá

⁶ «Adwe gá ompyê sá dí ti yɨ́. Bé ámû jaá dwira, lʉ̂ le enya bɨ́n. Adwe gá onkʉ̌ mindwê mi dí ɨ́ buo día mí. Bé ámû jaá tyéele myê.»

Mataos 7:6 ပူးပေါင်းရင်းမြစ်များ

Filipi 3:2

Cɨa ga bɨbɨbla bɨ osyɛl o mosa baa. Cɨa ga ompye onɨ. Cɨa ga bʉr o ndɨ esa bʉr mpʉn é l'ebebe e.

Mataos 15:26

Yesʉs ntɔʼ bɨha e nye ó: «Yé ambɨa ó, mode lé ejala le edweŋɔ bwan ɨ, mé bula dweŋɔ bwa ompye.»

Ebrœ̂ 10:29

Bʉr pa taare jʉŋɔ é lɔb ebɨh bé lé esa motie mo Moyiz ɨ, a dwɛʼra e mʉr lé etíile Mwan mo Zyɛm é mobò me si ɨ? Nye ókʉ jala e bɨbebebebe bɨntɨʼa, laa naa! Mpʉ jwɨʼ ye ndɨ ɨ, yé ó yi: motié Krɨst a pyɛl é l'efu ó, Zyɛm deʼ edwan e mpʉn ɨ, mé mu nye ó tɨtoʼo, nyɛɛ yɛɛ si pa pubɔ e tɨ! Bɨn bé ejwɨʼ é yé, tiibe e mʉr a pyeh nteme Mbɨambɨa Sisim, a bɛa lɛʼle nye ncwɨncwɨa ɛ? Mʉr tɨʼ ósaŋɔ nyá ɛ?

2 Pyɛr 2:22

Sa yé a pyal be e, yé ebɔma e mokan bɨntuntu moba ma. Mé elɛɛ é l'ocyecye ó: «Mpye, nye efiʼ ó, bula to de bɨjʉʉlʉ bye.» Lʉʉ ekan e tɨ, lé elɛɛ ó: «Pie bɨ sil jwɨ̀ɨ nkʉ, nye ntɔʼ laa, bula to biila é bɨjyɛn.»

Mataos 24:10

No ó bɨsyɛɛla byam, byé ókol bʉr é buobuo ebɔʼ bé óbɨm é mɨleme, laa lé ódumo be e. Bʉr, bé ókɛha bʉr o sama yɔɔ. Bé ónwimla paʼra wɔɔ.

2 Korɛnt 11:26

Mɨ jaʼra e bɨcyen zɔʼ e zɔʼ. Me a be ó si duho é ka foo lé entaa montibe monɨnɨ. Me a si pamla efie é mobo bɨzilngan, le maa mo kul yam, le maa bɨkul bɨfih. Me a be ó si ngbaa jʉŋɔ é bɨnkana, ndwe é bɨlʉn. Me a be ó si jɨbla, ngbaa dwè é maŋ. Me a si pamla efie é mobo mo okristen o bɨkʉʉŋʉ.

Mataos 7:5

Anya-bɨkʉʉŋʉ nwa, taara pɛʼ pehe ndɨ é dih lo e! É jɔʼ yaa ó go óbee é sʉlʉlʉ, pɛʼ mpum ndɨ mɨɔ go é dih le e.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.