Mataos 7:22 - Kálara Zyɛ̌m Edwán é mpʉ̌n

²² Ebe, é l'esie e mbi jɔʼ yi, buobuo bʉr, bé ólɛɛ e me ó: “Da ɔɔ, Da ee! Paʼ bee! Bɨh bé a si gwih mɨlɔb mo Zyɛm é die lo. É die lo, bɨh bé a si dwih bʉr moleme! É die lo, bɨh bé a be ó si sa buobuo mosima.”

Kálar Nzyɛ̌m : Ejwán é Sáá

²² Ebě, ɨ́ móhó étíʼ é mílɔ̌b, bʉr ɨ́ buo buo, bé ólɛ́ɛ e me ó: “Dâ ɔ́, Dâ ɔ́, paá bee ɔ̌! Bɨ̌h bé á si gwîh milɔ̌b mé Nzyɛ̌m ɨ́ díé lô. Ɨ́ díé lô, bɨ̌h bé á si so meleme! Ɨ́ díé lô, bɨ̌h bé á be ó sí sâ mésimá ɨ́ buo buo!”

Mataos 7:22 ပူးပေါင်းရင်းမြစ်များ

2 Timotɛ 1:12

Ebe no ó me lé ebɔma-bɔma e mɨtuu ɨ. Dam be no, me ajoʼo ba fwon é lɔb tuu waa, ebe, me egʉa Zyɛm, waa me a jyɛʼ taa buʼo yam boo nye e. Mɨ kʉ gʉa nteme ó, nye ó e nkul esa ó, me gʉa baʼle sikʉlʉ nye a taare komo boo me e. Nye óbaʼle sikʉlʉ yaa ó, to pyal é dobo nye óbula ze e.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Yʉanes 11:51

(Nye a baalɛɛ ekan laa ebe gwɨma ye. Sa yé a sa ó, nye lɛŋɨ le e, yé a be ó, ebe, nye a be ó njwɨɨ opara é mbu waa. Ebe no ó yé a jala ó, nye gwihɨ ó, yé é mbɨa ó, Yesʉs dwèʼ é l'efu e kul oYʉden ɨ.

1 Tesalonika 5:4

Obɨɔ ga bam aa! Bɨn bé abe é l'edurʉ. Bɨn bé aŋa twɨra dobo Da Yesʉs óbula ze e. Lé aŋa pyal bɨn mpʉ ndiblʉ.

Lʉkas 10:12

Ebe no ó me lé egʉa kʉ lɛɛ bɨn ó, é dobo laa, bʉr o Sodɔm, bé aŋa bul kabɔ bɨntɨʼa mpʉ bʉr o kwar waa. Me elɛɛ bɨn ó nɛɛ: é dobo le etiʼ e mɨlɔb, bɨntɨʼa byɔɔ, byé óbul bwaʼ, laa byaa bɨ bʉr o Sodɔm.»

Mataos 25:11

Agum bɛa nɛʼɛ, maa mʉʉ monɨ ntɔʼ ka bula. Mé ze lɛɛ ó: “Da ɔɔ, Da ɛɛ! Ntaʼ, ze dib bɨh ebe ʉʉ.”

Mataos 24:36

«Sa gwar, mʉr, nye agʉa moho nkʉ ewala laa, dam be beengles é jobo kʉ, dam be Mwan mo Zyɛm. Njɨ Zyɛm Sɔŋ nye ome ó lé egʉa.

Mataos 7:21

«Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

2 Timotɛ 1:18

Go ekʉ gʉa nteme mpʉ nye a sea e bʉr o Efɛɛz ɨ. Da Yesʉs saʼ ó, nye biʼe njwɨʼa-nkoo é mih me é dobo nye óbula ze e.

2 Tesalonika 1:10

Nye óze sa be no é dobo le etiʼ e mɨlɔb, é jɔʼ mɨsaŋ mɨ bʉr be, bé ódwe nye kum ɨ. Bʉr bɨbɛh bé óbe si jyɛʼ taa buʼo yɔɔ boo nye e, bé ójehe nye é l'epyal le. Bɨn nteme bé óbe ó tɨʼ é sama yaa, ebe, bɨn bé a si buʼla mboʼla wih.

Mataos 10:15

Me elɛɛ bɨn cyecye ó nɛɛ: é dobo le etiʼ e mɨlɔb, bʉr o Sodɔm e Gomɔr, bé aŋa bul kabɔ bɨntɨʼa mpʉ bʉr o kwar waa.»