Mataos 7:21 - Kálara Zyɛ̌m Edwán é mpʉ̌n

²¹ «Ntʉʼ mʉr nyiwɛh ólɛɛ ó: “Da ɔɔ, Da ɛɛ!” óni é jwɨ̀ʼa mo Da, njɨ waa nyiwɛh lé esa gwɨma mo Sɔŋ wam ndɨ é jobo kʉ ɨ.

Kálar Nzyɛ̌m : Ejwán é Sáá

²¹ «Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

Mataos 7:21 ပူးပေါင်းရင်းမြစ်များ

Rôm 2:13

Mʉr, nye aŋa bi mokebe é mih mo Zyɛm ebe mbi nye ndɨ ebaʼle motie mo Zyɛm ɨ. Waa lé edu mpʉ motie maa lé elɛɛ ɛ, nye ome ó ngo bi mokebe é mih mo Zyɛm.

Lʉkas 6:46

«Ebe yé bɨn lé ejebe me ó: “Da ɔɔ, Da ɛɛ!”, bɨn yɛɛ l'akpɛl sa mpʉ me lé elɛɛ bɨn ɨ?

Jacques 1:22

Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

Lʉkas 11:28

No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

Ebrœ̂ 4:6

Ebe no, lɔb, wi tiʼ cyecye ó, bʉʉ bʉr, bé ógbala, bé e boo Zyɛm sama. To kœb ó, bʉr o b'a taare bi Mbɨambɨa Lɔɔ, ó bé niʼe é gumo egbala yaa ɛ, bé a baagbala, ebe, bé a si sa Zyɛm ebɨh.

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

Mɨngwiha 3:5

Mʉr nyiwɛh óbe si ntaa, bula e l'esaa é koo e, me óbœr nye kan pumo. Me aŋa cyam die le é kalara tiʼ. Me ólɛɛ Sɔŋ wam, bé e beengles be ó: Waa wam ó nwa!

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

Mataos 12:50

Mʉr nyiwɛh lé esa sa Sɔŋ wam ndɨ é jobo kʉ ɨ, lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

Mɨngwiha 22:14

Mocyɛʼ mo mpom, mé e bʉr o ndɨ esohlo mɨkan myɔɔ mpuban ɨ. Bé ó ndɨ e nkul eni é nkana yaa. Bé nteme, bé óbe e nkul emwaʼ mpumo lé ecyèl é lɨ tiʼ ɨ, de.

Yʉanes 3:5

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, apa byɛl mbyɛla modibe e waa Sisim nɛʼɛ, gʉŋa ó, mʉr waa, nye ákwoʼ ni é jwɨ̀ʼa mo Zyɛm.

Mataos 18:3

«Me elɛɛ bɨn cyecye ó nɛɛ: ǃbɨn bé adwir mɨleme, bâʼle di mpʉ bwɔɔncyom nɛʼɛ, bɨn bé ákwoʼ ni é jwɨ̀ʼa mo Da.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Markus 3:35

Mʉr nyiwɛh lé esa sa Zyɛm lé egwɨm ɨ, nye ó ndɨ mɨɔ wam, kɛl wam ndwe e nyɔŋ wam.»

1 Tesalonika 5:18

É jɔʼ yiyɛh, dweʼ ga Zyɛm ekiba é lɔb bɨsa bibyɛh, ebe, Zyɛm a gwɨm ó, bʉr o ndɨ é zyɛŋa wɔɔ boo Yesʉs-Krɨst ɨ, bé ódɨ sa no.

Éfɛsɔs 6:6

Mʉr asea syɛɛ njɨ é jɔʼ bé lé epala nye e. Mʉr beʼ l'asea é l'efu e moseʼla mo bʉr. Mpʉ bɨn mu osyɛl o mosa mo Krɨst ɨ, sea ga e be syɛɛ, lé eloŋlo gwɨma mo Zyɛm, e mɨleme min mimyɛh.

1 Pyɛr 2:15

Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

1 Tesalonika 4:3

Ebe, sa Zyɛm lé egwɨm e bɨn ɨ, yé ó bɨn diʼe mɨsaŋ mɨ bʉr. Ebe no, mbuʼla nyiwɛh, nye ejala le edi é l'ecyooŋʉ, lé esyɛhle lɔb esa bɨmala e mɨfyɛba.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

Lʉkas 13:25

«É jɔʼ mʉr mbɛr ómʉa, ze pɨr ebe e l'engʉŋ ɨ, bɨn bé óliʼ kʉl. Bɨn bé ókwaʼle, é kwaʼle, kwaʼle, le ejebe ó: “Da ɔɔ! Ntaʼ, ze dib bɨh ebe ʉʉ.” Nye óbɨha ó: “Me adweʼe bɨn. Me agʉa nko bɨn duho e.”

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Lʉkas 18:25

É mpʉ yé ndɨ é kɔbla ó, kamtʉl laŋa é l'egʉa e ndondo e, jwɨʼ gwar e gwar yaa nteme ó ndɨ é bul kɔbla ó, mbil bɨsa niʼe é jwɨ̀ʼa mo Zyɛm ɨ.»

Markus 9:47

Yé be ó, dih lo, lé ó ndɨ esa ó, go duma é l'ebebe nɛʼɛ, guha le. Laa ó, go diʼe e mih moba mo, ntɔʼ ka to guhɔ é Bɨ-siʼe ndɨ é diʼa diʼa ɛ, fuo guho yɛɛ dih lo, ebe, yé é bul mbɨa é nko paʼ go ó, go diʼe e ntwan dih, to bi tiʼ molu mo mpoʼ mɨmɛh é jwɨ̀ʼa mo Zyɛm.

Mataos 19:24

Me ebâʼle lɛɛ e bɨn ó nɛɛ: é mpʉ yé ndɨ é kɔbla ó, kamtʉl laŋa é l'egʉa e ndondo e, jwɨʼ gwar e gwar yaa nteme ó ndɨ é bul kɔbla ó, mbil bɨsa niʼe é jwɨ̀ʼa mo Zyɛm ɨ.»

Mataos 18:35

Yesʉs ze ko tɨʼ ó: «ǃBɨn si be, apɛʼ bɨbaa bɨ ebebe bɨn lé eniʼe obɨɔ bɨn e mɨleme min mimyɛh nɛʼɛ, Sɔŋ wam ndɨ é jobo kʉ ɨ, nye aŋa mɛʼle pɛʼ bɨbaa bɨ ebebe nye a niʼe mʉr nyiwɛh é l'esama lɨn ɨ.»

Yʉanes 15:23

«Mʉr lé enwim me e, nye enwim nteme ó Sɔŋ wam.

Mataos 26:42

Nye ntɔʼ bâʼle to é jɔʼ mba, to jwɨʼla e Zyɛm. Nye e nye ó: «Da, ǃyé óbe, abana ó, bele mɨtuu yiʼ toʼ me jaabe, me l'ade ye nɛʼɛ, yé saʼ mpʉ gwɨma yo ndɨ ɨ!»

Mataos 16:17

Yesʉs ntɔʼ lɛɛ e nye ó: «Mocyɛʼ mo mpom, mé ó e go, Simɔn, mwan mo Yʉanes! Ntʉʼ mʉr bɨpuno le motié gwih go sa yaa. Yé be ó Sɔŋ wam ndɨ é jobo kʉ ɨ. Nye ô lɛʼle go ya.

Mɨngwiha 2:27

Nye ópala-pala be ó e jwɨɨ é lele lele mpʉ ntum nkoho. Nye óbʉ be mpʉ mʉr lé ebʉ bɨdaala bɨ deʼe bɨtwiʼ bɨtwiʼ ɨ. Nye óbi nkul, duho é mobo mam é mpʉ me a nʉa nkul boo Sɔŋ wam ɨ.

Yʉanes 14:7

Nkʉ bɨn bé a be ó be, gʉa me nɛʼɛ, mpa bɨn bɨ bɛa gʉa nteme Sɔŋ wam. Taare é banana, bɨn mu ó si gʉa nye. Bɨn nteme bɨ bee nye!»

Yʉanes 5:17

No ó Yesʉs a ze lɛɛ e be ó: «Sɔŋ wam, nye esea ó, é jɔʼ yiyɛh, ze pyal é banana. Mɛm nteme, me esea no.»

Mataos 26:39

Nye ze to ba dolo, ntɔʼ bɨʼ mpom we si, ze sa mɨnjwɨʼla. Nye e nye ó: «Da, ǃyé óbana nɛʼɛ, bele mɨtuu yiʼ dwɛha e me. Sa gwar, yé l'ayi be mpʉ me lé egwɨm ɨ, njɨ mpʉ go lé egwɨm ɨ.»

Mataos 18:10

«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

Mataos 18:19

«Me ebâʼle lɛɛ bɨn cyecye ó nɛɛ: ǃɨ bʉr oba é l'esama lɨn si di twii lé edî Sɔŋ wam ndɨ é jobo kʉ ɨ, sɔʼɔ nɛʼɛ, nye ósa be ya.

Mataos 25:10

É jɔʼ mɨha, mé a be, mé dina lé eto bwam mulo e, mbœm mʉma ntɔʼ pyal, kœb maa mé a be é mpono e. Bé e boo nɔɔ ntɔʼ ni é zɔɔ eba, nyɛɛ ntɔʼ dible ebe é kpɨm.