Mataos 7:14 - Kálara Zyɛ̌m Edwán é mpʉ̌n

¹⁴ Yé é kɔbla ó, mʉr cwɨŋɨ é zi lé eto pyal é tiʼ njʉmdia ɛ! Ebe nye lé ecwɨɨ tɨʼ ɨ, lé é ban. Bʉr o lé ecwɨɨ tɨʼ ɨ, bé abuo.»

Kálar Nzyɛ̌m : Ejwán é Sáá

¹⁴ Tó kœb ó, nzɨ̌ dí etô nkǒ twiʼ nyɨ́, nye ɨ́ kɔbla. Ebé é tɨ̂, lé ɨ́ twâʼwo. Bʉr o dí ecɨɨ ɨ́ nzɨ̌ nyaá bá, bé abuo.»

Mataos 7:14 ပူးပေါင်းရင်းမြစ်များ

Mataos 22:14

Yesʉs ze ko tɨʼ ó: «Ebe, baa lé ebaŋlɔ ɛ, bé é buo. Sa gwar, baa ndɨ mɨpɛha ɛ, bé ó titia.»

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Markus 8:34

No ó Yesʉs a ze jebe ntuntuma bʉr le ompʉn be. Nye ó: «Yé be ó, mʉr, nye egwɨm du me nɛʼɛ, nye bena nye mʉr tɨ. Nye à nkɛɛ klos ye. Nye òdu me,

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mataos 20:16

«É mbi waa ó wé ósaŋɔ bʉr o ndɨ “mopihe” e. Bé ócyɛb mofoʼ. Baa ndɨ bananaʼ “mofoʼ” e, bɛɛ, bé óliʼ pihe.»

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Rôm 9:32

Ebe yé, bé a baabi mokebe é zi waa ɛ? Yé a be ó, ebe, bé a baajyɛʼ taa buʼo yɔɔ boo Zyɛm! Bé a kʉ ka jyɛʼ ye ó njɨ é bɨsyɛɛla byɔɔ. É mpʉ bé a du zi waa ɛ, bɨ ze to duma temezi. Bé a bɨm ebɔʼ ó, é l'ekoʼ.

Yʉanes 16:2

Bɨn bé ócyelɔ é pɨŋ, aka mɛʼlɔ é mompah mɨnjwɨʼla. Ewala, lé ópyal nteme, jɔʼ bʉr, bé ójʉ bɨn ɨ, bé ókʉ toŋlo ó, bé esa Zyɛm mɨmpaŋ bɨsyɛɛla é zi ejwɨɨ e bʉr laa.

Mataos 7:13

«Niʼe ga é l'ebe ndɨ é ban ɨ, ebe, zi ndɨ é bwaʼ ndwe e l'akɔbla ɛ, nye ó ndɨ eto nko paʼ efie. No ó, bʉr o ndɨ ecwɨɨ tɨʼ ɨ, bé é buo.

Mataos 7:15

«Diʼe ga ncye e mɨmpʉmpʉl mɨ ogwiha o mɨlɔb, ebe, bé eze-ze é l'esama lɨn ó e njwɨr é tala tala, nwɨɨla e bɨntœme. To kœb ó, é mɨleme myɔɔ tʉŋlʉ, myé ó mpʉ onkœœ!