Mataos 7:13 - Kálara Zyɛ̌m Edwán é mpʉ̌n

¹³ «Niʼe ga é l'ebe ndɨ é ban ɨ, ebe, zi ndɨ é bwaʼ ndwe e l'akɔbla ɛ, nye ó ndɨ eto nko paʼ efie. No ó, bʉr o ndɨ ecwɨɨ tɨʼ ɨ, bé é buo.

Kálar Nzyɛ̌m : Ejwán é Sáá

¹³ «Níʼéé gá lɨ́ ebê dí ɨ́ twâʼwo lɨ́, ebě, nzɨ̌ dí ɨ́ bwaʼ le akɔbla nyɨ́, nyě tó ó, nko éswie. Nó bʉr o dí ecɨɨ tɨ̂ʼ bá, bé ɨ́ buo.

Mataos 7:13 ပူးပေါင်းရင်းမြစ်များ

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 10:9

Me ó ebe. Mʉr nyiwɛh lé eni é me e, nye óbi tiʼ molu mo mpoʼ mɨmɛh. Nye óni-ni lé ecwɨɨ é l'ebe, bâʼle pyal-pyal kʉl. Nye ókœb mode me.

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Mataos 3:8

Ebe no, guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e.

2 Korɛnt 6:17

Ebe no ó Da lé elɛɛ ó: «Duha ga é sama yɔɔ. Bɔʼa ga e be. Anyamle kuna ga e sa ndɨ elœʼ mʉr é mih mo Zyɛm ɨ. No ó me ómɛʼle lé ebaʼle bɨn me ye e.

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Filipi 3:19

Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

Mɨlʉmlʉ 3:19

No ó, gwɨma ga mobebe mɨn. Bɨn bé à dwibra nko Zyɛm ndɨ ɨ, nye nkʉʼ pɛʼ bɨbaa bɨ ebebe nye a niʼe é lɔb mɨsyem min ɨ.

Mɨngwiha 20:3

Jɔʼ engles a kaʼ nye, ntɔʼ guho nye é Bɨ-siʼe e, bé ze dible nʉm bɨ yaa, pɨr mongʉŋ mo tɨʼ e diba. Nye ze nɛr luʼ é dibla ebe le eŋmɛh sitam é luʼ waa, lé ekamle nye lé epyal kʉl. Nye amu jaa bâʼle taare lé egomlo bʉr o ndɨ abe oYʉden ɨ, é bebebebe zi. Jɔʼ mɨmbu tɔɔyin myaa, myé óbe si laa ɛ, yé ókʉ jala ó, bé birɨ nye, ó nye diʼe kʉl tɔɔ ma peh ewala.

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

Mataos 25:46

«Bʉr baa, bé óto é Bɨ-siʼe, to sia e ntɨʼa ndɨ njʉmdia e njʉmdia ɛ. Ocɨcyel o bʉr bɛɛ, bé óto ó, to bi tiʼ molu mo mpoʼ mɨmɛh.»

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Rôm 9:22

Zyɛm a sa syɛɛla yaa ó, nye lɛʼla bʉr bim nye lé ekpaa empime e be e, ndwe e mpwaʼ nkul we. Ebe no ó bɨn ndɨ ebee nye lé ebul dihbe bʉr o jala le ekpaŋɔ empime e. Bɛɛ bé ó baa bé ódim ɨ.

Lʉkas 14:33

Jwɨʼ gwar yaa, é sama yin, bɨn bɨbɛh, abe e mʉr ndɨ e nkul edi mpʉn wam, nkʉ nye apa nkɛɛ klos ye.»

Lʉkas 9:33

É jɔʼ Moyiz bé e Élie, bé a be, bé mu lé ejɨ pʉʼa gumo Yesʉs a be e, Pyɛr ze lɛɛ e Yesʉs ó: «Da, yé é laŋle mbɨa ó, bɨna diʼe ga wâ. Bɨna sa ga mompaʼ, bɨsaʼ bɨlɛl: le yo, le yaa mo Moyiz ndwe e yaa mo Élie!» (Nye a baapa kʉ gʉa sa nye lɛŋɨ ɨ.)

Mataos 7:14

Yé é kɔbla ó, mʉr cwɨŋɨ é zi lé eto pyal é tiʼ njʉmdia ɛ! Ebe nye lé ecwɨɨ tɨʼ ɨ, lé é ban. Bʉr o lé ecwɨɨ tɨʼ ɨ, bé abuo.»