Mataos 6:7 - Kálara Zyɛ̌m Edwán é mpʉ̌n

⁷ «É mɨnjwɨʼla bɨn ndɨ ejwɨʼla e Zyɛm ɨ, abul ga mokan ndɨ abe e nyɔm ɨ, mpʉ bʉr o ndɨ abe obuʼla ɛ, lé esa ɛ. Bé ebuʼla ó, ozyɛm bɔɔ, bé ókʉ ka joʼo be ó njɨ ebe mpuo mokan.

Kálar Nzyɛ̌m : Ejwán é Sáá

⁷ «Ɨ́ minjɨʼla bɨ́n dí ejɨʼla e Nzyɛ̌m mí, abul gá mekǎn me dí adirǎ nyɔm má mpʉ bʉ̂r o dí apǎ gʉ́ǎ Nzyɛ̌m bá dí esâ yɨ́. Bé bûʼlá ó, Nzyɛ̌m ójóʼo bé ó, ebě, bé lɨ́ elwib ɨ́ buo buo.

Mataos 6:7 ပူးပေါင်းရင်းမြစ်များ

Mataos 26:44

É jɔʼ yaa ó nye a liʼe be, ze bâʼle to jwɨʼla é jɔʼ lɛl, lɛɛ-lɛɛ njɨ mokan mompwar.

Mataos 6:32

Bʉr o bɨkul bɨfih bibyɛh, bé ekʉ ka du ó njɨ bɨsɨa byaa. To kœb ó, Sɔŋ win ndɨ é jobo kʉ ɨ, nye ebɛa gʉa ó, bɨn nteme bé ejɨ bye bibyɛh.

Mɨlʉmlʉ 19:34

É jɔʼ bé a gʉa ó, nye ó Yʉden ɨ, bɨbɛh, bé a si taare ebʉ bɨtim kʉ kʉ. Bé ó: «Artemis, zyɛm bʉr o Efɛɛz, nye é bwaʼ ɔɔ!» Mowala, mé osi laa kwoʼ be moba nɛʼɛ,

Mataos 26:42

Nye ntɔʼ bâʼle to é jɔʼ mba, to jwɨʼla e Zyɛm. Nye e nye ó: «Da, ǃyé óbe, abana ó, bele mɨtuu yiʼ toʼ me jaabe, me l'ade ye nɛʼɛ, yé saʼ mpʉ gwɨma yo ndɨ ɨ!»

Mataos 26:39

Nye ze to ba dolo, ntɔʼ bɨʼ mpom we si, ze sa mɨnjwɨʼla. Nye e nye ó: «Da, ǃyé óbana nɛʼɛ, bele mɨtuu yiʼ dwɛha e me. Sa gwar, yé l'ayi be mpʉ me lé egwɨm ɨ, njɨ mpʉ go lé egwɨm ɨ.»

Mataos 18:17

ǃNye si bene lé edweʼe ó, nyi sa syem nɨ é mih mɨn boo nɔɔ nɛʼɛ, go òto e nye gumo mbɛr Zyɛm lé egwɨhla ɛ. ǃNye si bâʼle bene lé edweʼe gʉʼ ó, nyi gwìh e mbɛr Zyɛm nɛʼɛ, nye fuʼla di é mbea win mpʉ mʉr ndɨ abuʼla ɛ, nkʉ ó, mpʉ nwɨa tœa.