Mataos 6:5 - Kálara Zyɛ̌m Edwán é mpʉ̌n

⁵ «Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Kálar Nzyɛ̌m : Ejwán é Sáá

⁵ «Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Mataos 6:5 ပူးပေါင်းရင်းမြစ်များ

Mataos 6:2

«Ebe no, ǃgo óbe ó lé edwe baanteʼenteʼe o bʉr mɔn nɛʼɛ, ato le elɛɛ sa yaa kʉ kʉ, mpʉ baanya-bɨkʉʉŋʉ lé esa é mompah mɨnjwɨʼla mɨn le moman mɨmpaʼa ɛ. Bé esa no ó, bʉr nkʉʼ seʼle be. Me elɛɛ bɨn cyecye ó nɛɛ: bɨha bʉr, bɨ bɛa bi myɛna mɔɔ.

Lʉkas 18:13

Sa gwar, nwɨa tœa a cyɛb ó pɨnʉ. Nye a baakpɛl bɨn ba mih kʉ. Nye a kɛl ó njɨ mobo é lʉ, lé elɛɛ ó: “Da Zyɛm, saʼ ó, empime lo, lé tala é l'efu lam, ebe, me ó syɛl mɨsyem.”»

Markus 11:25

ǃBɨn si cyɛb cɨcyel lé esa mɨnjwɨʼla nɛʼɛ, yé be ó bɨn e boo bʉr, bé e lɔb nɛʼɛ, saʼ ga ó, bɨn taara pɛʼ bɨbaa bɨ ebebe bɨn bé a niʼe be e. No ó Sɔŋ win ndɨ é jobo kʉ ɨ, nye ópɛʼ nteme bɨbaa nye lé eniʼe bɨn é lɔb bɨgwìh bin ɨ. [

Lʉkas 20:47

Bé esà-sà mɨkuho, dɛn-dɛn bɨsa bibyɛh myé ndɨ eliʼ e tɨʼ ɨ. Bé ejwɨʼla-jwɨʼla nteme e Zyɛm ó, bul mokan, lé esa lɛʼla. Bé ó ngo bul dweŋɔ mobe le ekabɔ bɨntɨʼa bɨ tɨ.»

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

Lʉkas 18:1

Yesʉs ze sa be kɨkɛna fih, kɨkɛna yaa lé elɛʼle ompʉn be ó, bé ekʉ jala le ejwɨʼla e Zyɛm é jɔʼ yiyɛh, akar tuu.

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Lʉkas 11:43

«A vwaʼ e bɨn, oFarizyɛŋ! Bɨn bʉr o ndɨ esa ó, é jɔʼ yiyɛh bɨn lé eto é mpah mɨnjwɨʼla ɛ, fuo-fuo njɨ bɨdia bɨ efoʼ. Bɨn bé ekpɛl ó, bʉr taara soho bɨn, le edwaabe bɨn é mobɨm bɨnkana.

Mataos 21:22

No ó, sa yiyɛh bɨn lé edî e mɨnjwɨʼla ɛ, bɨn bé óbi ye, ǃbɨn bé óbuʼla wa.»

1 Tesalonika 5:17

Jwɨʼla ga e Zyɛm é bɨjɔʼ bibyɛh.

Yʉanes 16:24

Ze pyal é banana, bɨn bé apa dî le ejaʼ Sɔŋ wam sɔʼɔ, pere e die lam. Jaʼa ga, bɨn nkʉʼ bi. Bɨsʉhʉ bin, byé nkʉʼ di ntinɨ e ntinɨ.»

Markus 12:38

Nye a lɛɛ-lɛɛ e bʉr o nye a dwe-dwe sikʉlʉ ó: «Gʉa di ga ncye e l'oyeʼle o motie! Bé ekpɛl to le ejaala e bɨdur é jaa jaa é guu-gu-guu, ó bʉr taara soho be, le edwiibɨ be é mobɨm bɨnkana.

Mataos 9:38

No ó, saʼ ga Mʉr peme mɨnjwɨʼla ó, nye loma osyɛl o mosa é buobuo lé eto é mɨngol é peme ye.»

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

Mataos 23:6

Bé nteme, bé ekpɛl-kpɛl ó, njɨ mɨmpaŋ bɨdia bɨ dolo, gumo bé lé ede dina ɛ, le bɨdia bɨ efoʼ é mompah mɨnjwɨʼla.

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:1

«Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Mataos 23:5

Bé esa bɨsyɛɛla byɔɔ bibyɛh ó, bʉr beŋɨ be. Ebe no ó bé lé ebœʼ pɔb motie mo Zyɛm yɔɔ ɛ, le ejyɛɛle mozeʼle lé ezyɛmla si é mɨkan myɔɔ ɛ.

Lʉkas 6:24

«A vwaʼ e bɨn, mɨkukum, ebe, bɨn bɨ bɛa gbaŋɔ nkul é monyʉl é zi okum e l'ogbaa win.