Mataos 6:2 - Kálara Zyɛ̌m Edwán é mpʉ̌n

² «Ebe no, ǃgo óbe ó lé edwe baanteʼenteʼe o bʉr mɔn nɛʼɛ, ato le elɛɛ sa yaa kʉ kʉ, mpʉ baanya-bɨkʉʉŋʉ lé esa é mompah mɨnjwɨʼla mɨn le moman mɨmpaʼa ɛ. Bé esa no ó, bʉr nkʉʼ seʼle be. Me elɛɛ bɨn cyecye ó nɛɛ: bɨha bʉr, bɨ bɛa bi myɛna mɔɔ.

Kálar Nzyɛ̌m : Ejwán é Sáá

² «Yé bé gǒ dwé ó ndyêbndyéb mɔnɨ́ nó, ayɨ́ tô le elɛ́ɛ̌ sâ yaá kʉ́kʉ́ mpʉ báányâ-mikóo dí esâ ɨ́ mempáh mínjɨʼla le meman mínkpǎʼ yɨ́. Bé sá nó ó, bʉr nkʉ̂ gúmlo bê. Mě lɛ́ɛ́ bɨ́n lɨ́ otyeetye ó, bɨ́haá bʉ̂r, bɨ́ boó bi myɛ́na mɔ́ɔ́.

Mataos 6:2 ပူးပေါင်းရင်းမြစ်များ

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Yʉanes 5:41

«Me abe lé esaa ebi kum lé eduho é bʉr ɨ.

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Lʉkas 20:46

«Dìʼe ga ncye e l'oyeʼle o motie. Bé ekpɛl to le ejaala, e bɨdur é jaa jaa é guu-gu-guu, ó bʉr taara soho be, le edwiibɨ be é mobɨm bɨnkana. Bé ekpɛl-kpɛl nteme ó, njɨ bɨdia bɨ efoʼ é mompah mɨnjwɨʼla ndwe e mɨmpaŋ bɨdia bɨ dolo, gumo bé lé ede dina ɛ.

Yʉanes 7:18

Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Éfɛsɔs 4:28

Mʉr a be-be ndiblʉ ɨ, nye gwaʼa díbe. Nye sea syɛɛ ndɨ e nyɔm ɨ, e mobo me, é mbi ndɨ ó, nye diʼe e sa nye ógul baanteʼenteʼe e ye e.

Galásia 2:10

Bé a kʉ lɛɛ e bɨh ó, njɨ bɨh saʼ sa gwar yi: egul baanteʼenteʼe. Leme, wé a be ó me nteme é ntɨɨɨŋ ó, me saʼ syɛɛla yaa.

Mɨlʉmlʉ 10:4

Nye ze dwɛʼ engles waa é tʉʉʉŋ e bʉa. Nye e nye ó: «Yé mu nyá, Da?» Engles ntɔʼ bɨha e nye ó: «Zyɛm, nyi bɨha mɨnjwɨʼla myo mbɨmbɨa. Nye etoŋlo go ó, ebe ngula go lé egul baanteʼenteʼe e.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.

Rôm 12:8

Yé be ó, nye a nol go ó, bɨntɔɔ é l'efu le egba bʉr nkul é monyʉl nɛʼɛ, gbaʼ be nkul waa. Yé be ó, nye a nol go ó, bɨntɔɔ bɨ ekab baanteʼenteʼe mobi nɛʼɛ, kabɨ be ma é ntuʼ-ntu-ntuʼ. Yé be ó, nye a nol go ó, bɨntɔɔ bɨ ejwɨʼ bʉr nɛʼɛ, gbaʼ nyʉl lé ekœʼ e be mbɨmbɨa. Yé be ó, nye a nol go ó, bɨntɔɔ bɨ elɛʼle bʉr nkʉnkoo nɛʼɛ, lɛʼla be nkʉnkoo yo e bɨsʉhʉ.

Mɨlʉmlʉ 24:17

«É jɔʼ me a bɔʼa lé eto Yerʉsalɛm mɨmbu mɨmba e mpuʼ ɨ, me a ka bâʼle to é jɔʼ yaa ó e bɨmɔn lé eto gul kul yam e tɨ, le eto dwe Zyɛm mɨndwɛa myam.

Mɨlʉmlʉ 10:31

Nye e me ó: “Kɔrnɛl! Zyɛm, nyi joʼo mɨnjwɨʼla myo mbɨmbɨa! Nyi toŋlo mbi go lé egul baanteʼenteʼe e.

Mɨlʉmlʉ 10:2

Bé e mbɛr bʉr we wiwɛh, bé a be-be ó lé edwaabe Zyɛm. Nye a be nteme ó lé ebul gul baanteʼenteʼe o bʉr oYʉden, le ejwɨʼla e Zyɛm jɔʼ yiyɛh é buobuo.

Mɨlʉmlʉ 9:36

Nuu mpʉn mʉma a be ó ɨ Yope, die le Tabita. (No yé é lwib grɛk ó, Dɔrkas.) Jɔʼ yiyɛh, nye a be ó lé ebul sa bɨsyɛɛla bɨ ncwɨncwɨa, le efuʼo-fuʼo baanteʼenteʼe.

Yʉanes 13:29

Bé a niŋe ó, yé a be ó é lɔb dia mbɔʼlʉ ekuro Yʉdas a cyelɔ tɨʼ ɨ. Bé a dɨ jwɨʼ ó, Yesʉs a lomo nye ó, nye toʼ, to bwam sa yé óbe be e nyɔm é l'ebʉʼ ɨ, nkʉ ntɔʼ ó, nye toʼ, to gul baanteʼenteʼe.)

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Lʉkas 6:42

Wáa mbi go ndɨ e nkul elɛɛ e mɨɔ go ó: “Mɨɔ wam, paʼ cyɛb, me pɛʼɛ go mpum ndɨ go é dih ɨ,” gwɔɔ yɛɛ apa bee, nkʉ pɛʼ pehe ndɨ é laa lo dih ɨ? Anya-bɨkʉʉŋʉ nwa, taara pɛʼ pehe ndɨ é dih lo e! É jɔʼ yaa ó go óbee é sʉlʉlʉ, pɛʼ mpum ndɨ mɨɔ go é dih le e.»

Markus 12:39

Bé ekpɛl-kpɛl nteme ó, njɨ bɨdia bɨ efoʼ é mompah mɨnjwɨʼla ndwe e mɨmpaŋ bɨdia bɨ dolo, gumo bé lé ede dina ɛ.

Filemɔŋ 1:7

Mɨɔ wam, go a si bul gba me bɨsʉhʉ é leme é jɔʼ me a bee mpʉ go lé ecwɨa e mɨsaŋ mɨ bʉr mo Zyɛm ɨ! Yé nteme, yé a si bul gba mye nkul é monyʉl.

1 Tesalonika 2:6

Bɨh bé a baabe lé esaa ó, nuu mʉr seʼla bɨh. Bɨh bé agwɨm moseʼla mɨn, nkʉ maa mo bʉʉ bʉr.

Mɨlʉmlʉ 11:29

Ompʉn, bé bʉr o tɨ, bé a nʉa tiʼa ó, bé ótoŋlo obuʼla bé a di é Yʉda ɛ, mʉr nyiwɛh é sama yɔɔ lé egul be lé edu bim nye a be e ye e.

Lʉkas 13:15

Da, nye e njwɨɨ mpah mɨnjwɨʼla ó: «Bɨn baanya-bɨkʉʉŋʉ ba! É moho saba, bɨn bɨbɛh bé etii bɨntɛɛ ndwe e bɨtab bin, lé eto e bye é montibe. Zê yé abe no ɛ?

Lʉkas 12:56

Bɨn baanya-bɨkʉʉŋʉ ba, bɨn bé naa ó lé ekʉ gʉa bɨsa lé ecemle dwehe le ompie e. Bɨn bé egʉa sa lé epyal é si nwa. Zê bɨn bé abe e nkul edweʼe sa mu lé esyɛɛlɨ é jɔʼ yiʼ ɨ?»

Lʉkas 12:33

Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye.

Lʉkas 11:43

«A vwaʼ e bɨn, oFarizyɛŋ! Bɨn bʉr o ndɨ esa ó, é jɔʼ yiyɛh bɨn lé eto é mpah mɨnjwɨʼla ɛ, fuo-fuo njɨ bɨdia bɨ efoʼ. Bɨn bé ekpɛl ó, bʉr taara soho bɨn, le edwaabe bɨn é mobɨm bɨnkana.

Lʉkas 11:41

Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.

Lʉkas 6:24

«A vwaʼ e bɨn, mɨkukum, ebe, bɨn bɨ bɛa gbaŋɔ nkul é monyʉl é zi okum e l'ogbaa win.

Markus 7:6

No ó Yesʉs a bɨha e be ó: «Ezayi a be ó si kʉ gʉa gwih mɨlɔb min, baanya-bɨkʉʉŋʉ, baa ndɨ e lɔb wɔɔ tila é kalara we e! Yé ó tila ó: “Zyɛm, nye elɛɛ ó: ‘Kul yi, yé ekʉ dwiibɨ me ó, njɨ é bɨbɨʼ bɨ nʉm kʉl. To kœb ó, mɨleme myɔɔ, mi bul cɛra e me.

Mataos 24:51

Nye ókab syɛl mosa waa bɨntɨʼa ó, byaa ndɨ é nyan nyan ɨ, jwɨʼ gwar e gwar e baanya-bɨkʉʉŋʉ, le ecen bɨbɛh é gumo bé ódɨ time le elwaare moje e.»

Mataos 23:6

Bé nteme, bé ekpɛl-kpɛl ó, njɨ mɨmpaŋ bɨdia bɨ dolo, gumo bé lé ede dina ɛ, le bɨdia bɨ efoʼ é mompah mɨnjwɨʼla.

Mataos 22:18

Tina, yé ó, Yesʉs nyɛɛ lé ekʉ gʉa bɨbebebebe bɨjwɨʼ byɔɔ. Nye ze dî be ó: «Bɨn baanya-bɨkʉʉŋʉ ba! Ebe yé bɨn lé ejwɨʼla saa elam me é mbi lwib me óbɨha e bɨn ɨ?

Mataos 16:3

É molama mo mɛn, ǃbɨn si bee jobo akaa-e-kaa nɛʼɛ, bɨn bé elɛɛ ó: “Mpie ónwɨɨ ndum.” Nye nteme bana nwɨɨ. Bɨn bé naa ó lé ekʉ gʉa mbɛʼ paʼra bɨsa lé ecemle dwehe e byaa lé ecemle ompie e. To kœb ó, bɨn bé abe e nkul edweʼe bɨdweʼle bɨ nkul mu lé esyɛɛlɨ é jɔʼ yiʼ ɨ.]

Mataos 15:7

Bɨn baanya-bɨkʉʉŋʉ ba, gʉŋa ga ó, Ezayi a be ó si kʉ gʉa gwih mɨlɔb min é jɔʼ nye a bɛa lɛɛ ó:

Mataos 7:5

Anya-bɨkʉʉŋʉ nwa, taara pɛʼ pehe ndɨ é dih lo e! É jɔʼ yaa ó go óbee é sʉlʉlʉ, pɛʼ mpum ndɨ mɨɔ go é dih le e.

Mataos 5:18

Me elɛɛ bɨn cyecye ó nɛɛ: to pyal é jɔʼ kʉ e si, byé ósie e, kaŋa gwar tɨ, nkʉ ma etɔn egwar, byé ákwoʼ pʉʼa é motie mo Moyiz, to pyal é jɔʼ sa yiyɛh, yé ósyɛɛlɨ ɨ.

Mataos 6:3

Sa gwar, ǃgo si dwe baanteʼenteʼe o bʉr mɔn nɛʼɛ, mbo emyɛl go, wé l'ayi gʉa sa mbo ejʉm sa ɛ,

Mataos 23:5

Bé esa bɨsyɛɛla byɔɔ bibyɛh ó, bʉr beŋɨ be. Ebe no ó bé lé ebœʼ pɔb motie mo Zyɛm yɔɔ ɛ, le ejyɛɛle mozeʼle lé ezyɛmla si é mɨkan myɔɔ ɛ.

1 Korɛnt 13:3

Me óbɛm kab mobi mam mɨmɛh, nkʉ kɛha nyʉl wam. ǃMe si sa no, me l'abe e kpɛl nɛʼɛ, me l'adira ba nyɔm e bɨsyɛɛla bɨnɨ.