Mataos 6:1 - Kálara Zyɛ̌m Edwán é mpʉ̌n

¹ «Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Kálar Nzyɛ̌m : Ejwán é Sáá

¹ «Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Mataos 6:1 ပူးပေါင်းရင်းမြစ်များ

Mataos 23:5

Bé esa bɨsyɛɛla byɔɔ bibyɛh ó, bʉr beŋɨ be. Ebe no ó bé lé ebœʼ pɔb motie mo Zyɛm yɔɔ ɛ, le ejyɛɛle mozeʼle lé ezyɛmla si é mɨkan myɔɔ ɛ.

Yʉanes 12:43

Baanya-bʉa onɨ, bé a si sa no, ebe, bé a kpɛl-kpɛl ó, bʉr seʼla be, laa ó, Zyɛm seʼla be.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Lʉkas 16:15

Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

Galásia 6:12

Bʉr o ndɨ ekpɛl nyin ocɨcyel ɨ, bé ó lé etine bɨn ó, bɨn saŋɔ mpʉn. Bé esa no ó, bʉr nkʉʼ bir bɛɛ l'atíilɔ. Bé ekpɛɛ bʉr o ndɨ ebene lɔɔ lé etiibe e l'efie Krɨst a dwè é klos kʉ ɨ.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

2 Yʉanes 1:8

Bɨn bé à di ncye é nko paʼ bɨn bʉr o tɨ. Abir ga ó, bɨn dimla sa bɨna bé a bɛa sea ga syɛɛ é l'efu le e. Saŋa ga ó, bɨn biʼe myɛna maa é ntuʼ-ntu-ntuʼ.

Markus 8:15

Yesʉs ntɔʼ bal be ó: «Diʼe ga ncye é motɨɨ mo oFarizyɛŋ ndwe e maa mo nkɔm mo Erod é lɔb levure bé ndɨ e ye e!»

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 16:6

Yesʉs ze lɛɛ e be ó: «Gʉa di ga ncye! Bɨn bé à di ncye e l'oFarizyɛŋ bé e l'oSadwisyɛŋ é lɔb levure bé ndɨ e ye e.»

Lʉkas 12:15

Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»

Mataos 5:48

Ebe no, kuma ga é l'ombɨmbɨa é mɨpaʼ mimyɛh, mpʉ Sɔŋ win ndɨ é jobo kʉ ɨ, ndɨ é l'ombɨmbɨa é mɨpaʼ mimyɛh ɛ.»

Mataos 5:16

No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

Lʉkas 11:35

Gʉa di ga ncye! Myɛn bɨn ndɨ e we e, wé amu jaa lihba edurʉ!

Lʉkas 12:1

Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ!

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”

Mataos 5:46

Yé be ó, bɨn bé ekpɛl ó, njɨ baa lé ekpɛl bɨn nɛʼɛ, a bɨn bé óbono myɛna mo Zyɛm naa yáa gumo? Onwɨa o tœa, bé esa nteme ó, jwɨʼ gwar yaa!

Mataos 23:13

«A vwaʼ e bɨn, oyeʼle o motie e l'oFarizyɛŋ! Bɨn baanya-bɨkʉʉŋʉ ba, bɨn bé ela bʉr zi lé eto gumo jwɨ̀ʼa mo Da ndɨ ɨ. Bɨn bʉr o tɨ, bɨn bé ajyɛl é zi waa. Bɨn bé adwe nteme bʉr o lé esaa ecwɨɨ tɨʼ ɨ, zi. [

Mataos 6:9

«Ebe no, bɨn bɛɛ, dɨʼe jwɨʼla ga e Zyɛm é mbi wi: “Sɔŋ wih ndɨ é jobo tʉŋlʉ ɨ, lɛʼla bʉr bɨbɛh ó, go ó Zyɛm ndɨ ti ɨ.

Ebrœ̂ 2:1

Ebe no ó bɨna lé ejala le egʉa joʼlo sikʉlʉ bé a taare ntɛŋ bɨna ga ɛ, é l'efu ó, bɨna beʼ ga l'aka lɨŋa é buʼo.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mɨlʉmlʉ 3:12

Pyɛr ze bee, nye ntɔʼ dî e be ó: «Mbɛngɛɛ! Bɨn bwa b'Ɨzraɛl ɔɔ! Ebe yé bɨn lé etwɨra mpʉ mʉr nwaʼ tiʼɔ ɛ? Ebe yé bɨn lé edwɛʼ bɨh é tʉʉʉŋ mpʉnʉ, le esa mpʉ sa lɛɛ ó, nye kœʼ ó, ebe nkul wih, nkʉ ebe bɨh ó ndɨ é bul dwaabe Zyɛm ɨ?