Mataos 5:9 - Kálara Zyɛ̌m Edwán é mpʉ̌n

⁹ Mocyɛʼ mo mpom e bʉr o ndɨ egba motala paʼra bʉr e bʉr ɨ, ebe, bé ójebe be ó, bwan mo Zyɛm!

Kálar Nzyɛ̌m : Ejwán é Sáá

⁹ Metyɛʼ me mpóm, mé díʼee e bʉr o dí egbâ mépyɛbla páʼ bʉ̂r e bʉr bá, ebě, bé ójwɨr bé ó “bwán mé Nzyɛ̌m”.

Mataos 5:9 ပူးပေါင်းရင်းမြစ်များ

Ebrœ̂ 12:14

Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Rôm 12:18

Yé bana bɨn nɛʼɛ, saʼ ga mbi wiwɛh é nko paʼ win ó, bɨn e bʉr bɨbɛh, diʼe é motala.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Rôm 8:14

Baa bɨbɛh lé edu zi Sisim mo Zyɛm lé etɨe e, bé ó ndɨ bwan mo Zyɛm.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

Kolosi 3:13

Dihba ga ebebe paʼra win, alwib. ǃƗ mʉr si fuuba be e lɔb, bé e nuu mbuʼla nɛʼɛ, bé ejala le epɛʼla bɨbaa bɨ ebebe bé a niʼla paʼra wɔɔ ɛ. Dɨʼe pɛʼla ga bɨbaa bɨ ebebe paʼra win mpʉ Da Yesʉs a pɛʼ byaa nye a niʼe bɨn ɨ.

Mataos 5:48

Ebe no, kuma ga é l'ombɨmbɨa é mɨpaʼ mimyɛh, mpʉ Sɔŋ win ndɨ é jobo kʉ ɨ, ndɨ é l'ombɨmbɨa é mɨpaʼ mimyɛh ɛ.»

2 Korɛnt 5:20

Ebe no ó bɨh ndɨ mɨlʉmlʉ mo Krɨst ɨ. É jɔʼ bɨh lé ejebe bɨn ɨ, yé ó mpʉ sa lɛɛ ó, Zyɛm nye mʉr tɨʼ ó ndɨ ejebe bɨn. Ebe no ó bɨh lé ejwɨʼla e bɨn é zyɛŋa wih boo Krɨst ó, mɛʼla ga ó, bɨn diʼe baa Zyɛm a de mpʉn e be e!

Mɨlʉmlʉ 7:26

É mɛn tɨ, Moyiz ze kœb bwa b'Ɨzraɛl oba lé etɛl. Nye ze saa ó, nye bii ó be, bé diʼe mbɨmbɨa. Nye e be ó: “Obɨɔ bam aa! Bɨn bé ó obɨɔ e l'obɨɔ. Ebe yé bɨn lé eka tɛl paʼra win ɨ?”

Mataos 5:45

Bɨn saʼ no é l'efu ó, bɨn nkʉʼ kœʼ ebò e cyen lé ejala e bwan mo Sɔŋ win ndɨ é jobo kʉ ɨ. Nye esa ó, dobo le, lé kaha é l'efu e bʉr o ndɨ é bebe, le baa ndɨ é mbɨa ɛ. Zyɛm, nye esa nteme ó, mpie nwɨŋɨ é l'efu le ocɨcyel e l'ozyɛhozyɛh o bʉr.

1 Korɛnt 6:6

A bebe lé ejoʼo ó, obuʼla, bé eto é mpah mɨlɔb lé eto puura é mih mo lɔ̀b ndɨ abuʼla ɛ!

Filipi 4:2

Me ejwɨʼla e bɨn, Evodia bé e Sʉntike, mpʉ bɨn mu é zyɛŋa win boo Da Yesʉs ɨ, diʼe ga nteme twii ngwar.

Lʉkas 20:36

ebe, bé aŋa ka bâʼle dwè. Bé óbe ó mpʉ beengles. Bé ó bwan mo Zyɛm, ebe, bɨ bɛa pàh.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Rôm 8:16

Sisim we, wé mʉr tɨ, wé eboʼlo é mɨleme ga mina tʉŋlʉ ó, bɨna ga bé ó bwan mo Zyɛm cyecye.

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.