Mataos 5:7 - Kálara Zyɛ̌m Edwán é mpʉ̌n

⁷ Mocyɛʼ mo mpom e bʉr o ndɨ ejwɨʼ bʉʉ bʉr nkoo e, ebe, Zyɛm ójwɨʼ be nteme nkoo!

Kálar Nzyɛ̌m : Ejwán é Sáá

⁷ Metyɛʼ me mpóm, mé díʼee e bʉr o dí ejɨ̂ʼ bʉ́ʉ́ bʉ̂r nkoó bá, ebě, Nzyɛ̌m ójɨ̂ʼ bé ntémé nkoó.

Mataos 5:7 ပူးပေါင်းရင်းမြစ်များ

Éfɛsɔs 4:32

Diʼe ga e ncwɨncwɨa e nkʉnkoo paʼra win. Pɛʼla ga bɨbaa bɨ ebebe bɨn ndɨ eniʼla paʼra win ɨ, mpʉ Zyɛm a pɛʼ byaa nye a niʼe bɨn dumo e Krɨst ɨ.

Jacques 2:13

Mʉr ndɨ ajwɨʼ bʉr nkoo e, nye nteme, nye aŋa jwɨʼɔ nkoo é dobo Zyɛm ótiʼe lɔb we e. Njwɨʼa-nkoo, wé ekʉ doʼo é mih mo tiʼ mɨlɔb.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

1 Pyɛr 2:10

Molu pihe, bɨn bé a baabe kul bʉr ye. No ó, banana, bɨn mu ó kul bʉr ndɨ yaa mo Zyɛm ɨ! Molu pihe, abe e mʉr a jwɨʼ bɨn nkoo. No ó, banana, Zyɛm nye mʉr tɨ, nyi kʉ jwɨʼ bɨn nkoo!

Markus 11:25

ǃBɨn si cyɛb cɨcyel lé esa mɨnjwɨʼla nɛʼɛ, yé be ó bɨn e boo bʉr, bé e lɔb nɛʼɛ, saʼ ga ó, bɨn taara pɛʼ bɨbaa bɨ ebebe bɨn bé a niʼe be e. No ó Sɔŋ win ndɨ é jobo kʉ ɨ, nye ópɛʼ nteme bɨbaa nye lé eniʼe bɨn é lɔb bɨgwìh bin ɨ. [

1 Timotɛ 1:13

mɛm yɛɛ mʉr a pyeh-pyeh Zyɛm é molu pihe e, le etíile bʉr be, ndwe le ebul pyeh bʉr. Dam be ó, me a si kʉ sa no, Zyɛm a si bana jwɨʼ me nkoo, nyɛɛ lé egʉa ó, bɨsyɛɛla me a sa-sa ɛ, byé a kʉ duho-duho ó, é l'egʉʼla lam, ndwe e l'abuʼla wam.

1 Korɛnt 7:25

É lɔb mɨloʼo dina apa be e motie ó, bé óbɛa ɛ, me abe e guu tiʼa Da Yesʉs a nʉa é wɔɔ paʼ. Dam be no, me elɛɛ yɛɛ ó, wam pɛhla é cye mʉr Da Yesʉs a jwɨʼ nkoo, waa ndɨ mʉr ebuʼla ɛ.

1 Timotɛ 1:16

Ebe no ó Zyɛm a jwɨʼ me nkoo e, ebe, me ó b'a bul sahle é nko paʼ esa mɨsyem. Yesʉs-Krɨst a taare lé elɛʼle mpuo bihbe we ó, é jɔʼ nye a dihbe me e. Yé ó dweʼle nye lé elɛʼle bʉr bɨbɛh bé ójyɛʼ taa buʼo yɔɔ boo nye é molu lé eze e. Bé ójyɛʼ taa buʼo yɔɔ boo nye, ntɔʼ bi tiʼ molu mo mpoʼ mɨmɛh.

2 Korɛnt 4:1

É mpʉ yé ndɨ ó, Zyɛm, nyi jwɨʼ bɨh nkoo lé etimle bɨh syɛɛ yiʼ ɨ, bɨh bé adimle nkul é monyʉl.

Rôm 11:30

Bɨn, bʉr o ndɨ abe oYʉden ɨ, bɨn bé a si sa Zyɛm ebɨh é molu pihe. Banana, mpʉ oYʉden bɛɛ mu si sa nye ebɨh ɨ, Zyɛm, nyi ka ze jwɨʼ bɨn nkoo.