Mataos 5:5 - Kálara Zyɛ̌m Edwán é mpʉ̌n

⁵ Mocyɛʼ mo mpom e bʉr o ndɨ é cyɛʼ mɨnjwɨr ɨ, ebe, bé ó ngo liʼ e si nwa!

Kálar Nzyɛ̌m : Ejwán é Sáá

⁵ Metyɛʼ me mpóm, mé díʼee e bʉr o mû sí tyɛʼ mínjwɨr bá, ebě, bé ó ngá lîʼ e sí yɨ̂.

Mataos 5:5 ပူးပေါင်းရင်းမြစ်များ

Jacques 3:13

É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Galásia 5:23

etala e njwɨr ndwe e mɛra leme. Bɨsyɛɛla bɨnɨ, byé abe kɔmlʉ é motie mo Zyɛm.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

1 Pyɛr 3:15

É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

Títos 3:2

Bé beʼ l'afœʼ nuu mʉr. Bé l'ayi sa bɨtom. Bé diʼe é tala njwɨr. Bé tala njwɨr e bʉr bɨbɛh.

1 Pyɛr 3:4

Laa ó, ojaa win, wé diʼe no, fuo gba ga yɛɛ ojaa é leme tʉŋlʉ. Ojaa waa, wé abe e nkul esie. Leme win diʼe é pyɛɛɛ. Diʼe ga é tala njwɨr. Ojaa waa, wé é buo dime é mih mo Zyɛm.

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

Rôm 4:13

Zyɛm a kɛʼ Abraham bé e l'onta be ó, nye ódwe be si nwaʼ nyiwɛh, jala e nkɔb wɔɔ. Nye a baalɛɛ no ebe mbi Abraham a du motie me e. Nye a liʼe be e boo nɔɔ e nkɛʼ waa ó, ebe mokebe nye a láa ó, Abraham mu e me, maa nye a bi ebe taa buʼo nye a jyɛʼ boo Zyɛm ɨ.

Mataos 21:5

«Lɛŋɨ ga bʉr o nkana Sion ó: “Mbe njwɨɨbʉr go lé eze e? Nye é bul tala njwɨr. Nye eze ó, é myɛl jakah kʉ; nye é ma jakah kʉ é kal.”»