Mataos 5:30 - Kálara Zyɛ̌m Edwán é mpʉ̌n

³⁰ Yé be ó, mbo ejʉm go, wé ó ndɨ esa ó, go duma é l'ebebe nɛʼɛ, tiʼa we. Laa ó, go diʼe e mobo moba mo, go ntɔʼ to é Bɨ-siʼe, fuo myah yɛɛ mbo, ebe, yé é bul mbɨa é nko paʼ go ó, go dimla yʉʉ fum nyʉl yo gwar, abe ó, nyʉl go nyiwɛh, nye toʼ é Bɨ-siʼe.»

Kálar Nzyɛ̌m : Ejwán é Sáá

³⁰ Yé bé mbó éjʉ́m gô, wé ó dí esâ ó, go sâʼ syóm nó, tíʼáá wê, go e myáh wé ká ká lɨ́ ejaa, ebě, yé mbɨa ɨ́ páʼ gô ó, go dímlaa yʉ́ʉ́ tíl nyʉ̂l yô gwár, laa ó, nyʉ̂l nyǒ nyɨnyɛ̂h, nye tôʼ ɨ́ bɨ́ siʼe dí adímedime yɨ́.»

Mataos 5:30 ပူးပေါင်းရင်းမြစ်များ

Markus 9:43

Yé be ó, mbo go ngwar, wé ó ndɨ esa ó, go duma é l'ebebe nɛʼɛ, tiʼa we. Laa ó, go diʼe e mobo moba mo, go ntɔʼ guhɔ é Bɨ-siʼe, gumo siʼe lé eduo njʉmdia e njʉmdia ɛ, fuo tiʼe yɛɛ we, ebe, yé é bul mbɨa é nko paʼ go ó, go biʼe tiʼ molu mo mpoʼ mɨmɛh. [

Mataos 5:29

«No ó, yé be ó, dih le ejʉm lo, lé ó ndɨ esa ó, go duma é l'ebebe nɛʼɛ, pɛʼɛ le. Laa ó, go diʼe e mih moba mo, go ntɔʼ guhɔ é Bɨ-siʼe, fuo pɛʼ yɛɛ dih, go à myah le, ebe, yé é bul mbɨa é nko paʼ go ó, go dimla yʉʉ fum nyʉl yo gwar, abe ó, nyʉl go nyiwɛh, nye guhɔ é Bɨ-siʼe.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

1 Korɛnt 8:13

Yé be ó, yʉʉ doʼ, yé ó ebɔʼ mɨɔ wam ndɨ e nkul ebɨm, laa lé ódumo nye nɛʼɛ, me ófuo mɛʼle ó, me beʼ l'aka de tir cye tiʼ. Me amu jaa kol nye ebɔʼ nye óbɨm é leme e!

Lʉkas 17:2

Laa ó, mʉr gomla mʉr twaʼa é baa bam é zi mɨsyem, yé a ngbaa mbɨa é paʼ mo zizii wam waa ó, bé tiila we bwaʼbwaʼ ekoʼ é twii, wé guhɔ é maŋ, dwè, abe ó, wé gomla mʉr twaʼa ngwar wam é zi mɨsyem waa.

Mataos 13:21

Sa gwar, lɔɔ Zyɛm, wé anara nye é leme tʉŋlʉ. Nye ebaʼle we ó, njɨ é ma peh jɔʼ. Jɔʼ nye mu lé esia e mɨtuu le etíilɔ ebe lɔɔ Zyɛm ɨ, nye óka bee ó, wé mu ó ebɔʼ nye lé ebɨm é leme, laa lé ódumo nye e.

Lʉkas 12:5

Me elɛɛ bɨn waa bɨn lé ejala le ejoʼo bʉa e nye e: yé ó waa ndɨ e nkul enʉa bɨn, jʉ, ze guho é Bɨ-siʼe e. Me elɛɛ bɨn ó nɛɛ: joʼa ga bʉa e nye.

Galásia 5:11

Obɨɔ ga bam, nkʉ me be ó be, to dolo lé eyɨm bʉr ó, bé saŋɔ mpʉn nɛʼɛ, mpa yé aka be e mʉr lé etíile me! Waa nyiwɛh lé enyiŋ bʉr ó, bé saŋɔ mpʉn ɨ, nye ó ndɨ waa lé edwih ebɔʼ Zyɛm a kol oYʉden ɨ. Ebɔʼ laa, lé ó mbi efie Krɨst a dwè, cyèla é klos kʉ ɨ.

Rôm 9:33

Yé ó tila ó: «Dwɛʼa ga: Mɨ gba ekoʼ lé edumo bʉr ɨ, é nkana Sion. Lé ó ebɔʼ me a kol, laa bé óbɨm é mɨleme e. No ó, mʉr nyiwɛh ójyɛʼ taa buʼo ye é l'ekoʼ laa ɛ, nye aŋa sɔma.»

Mataos 26:31

Yesʉs ze lɛɛ e be ó: «Bɨsyɛɛla byam, byé ókol bɨn bɨbɛh ebɔʼ bɨn bé óbɨm é mɨleme, laa lé ódumo bɨn ɨ, ebe, yé ó tila é Kalara Zyɛm ó: “Me ójʉ kobla bɨntœme, bɨntœme bye ntɔʼ myɛma diʼ e diʼ.”»

Mataos 22:13

Njwɨɨbʉr, wé ze lɛɛ e l'osyɛl o mosa be ó: “Kaʼa ga nye mobo e mokʉ. Bɨn guha nye kʉl é l'edurʉ le ankom-nkom, nko nye óto dɨ time le elwaare moje e.”»

Mataos 25:20

Waa a dweŋɔ mɨmpɨʼ mɨ gol mɨtɛn ɨ, nye ntɔʼ ze e mɨmpɨʼ myaa ndwe e myaa myʉʉ mɨtɛn. Nye e nye ó: “Da, go a timle me ó, mɨmpɨʼ mɨtɛn. No ó, myʉʉ mɨtɛn me a ka bâʼle bi ɨ, myé be!”

Mataos 16:23

Yesʉs ze dwibra, nye e Pyɛr ó: «Satan, pʉʼa me é mih! Akol me ebɔʼ lé ódumo me e. Mɨpɛhla myo, myé abe myaa mo Zyɛm, njɨ myaa mɨ bʉr.»

Mataos 11:6

Mocyɛʼ mo mpom, mé ó e mʉr bɨsyɛɛla byam byé óbe, akol ebɔʼ lé ódumo nye e!»

Mataos 5:22

Ebe no, me elɛɛ bɨn ó nɛɛ: mʉr nyiwɛh lé ekpaa empime e mɨɔ we e, nye ótoŋɔ e nye é mpah mɨlɔb. ǃƗ mʉr si lɛɛ e mɨɔ ó: “Go sa gʉʼlʉgʉ yi” nɛʼɛ, nye ótoŋɔ e nye é mih mo Bʉm Nɨnɨ. ǃƗ mʉr si lɛɛ ó “Go sa gʉʼ yi” nɛʼɛ, nye ótoŋɔ e nye é Bɨ-siʼe ndɨ é diʼa ɛ.

Mataos 17:27

No ó, bɨna bé agwɨm ga ekol be ebɔʼ bé óbɨm é mɨleme e. No ó, toʼ, to guho esyɛb é modibe maŋ. Fu efoʼ go ójʉ ɨ, go à bɛɛ nye nʉm. Go ókœb saŋ mɔn tɨ. Go à nʉa we, go òto jɛna bɨna e go bɨbɛh tœa lé efu e Mpah Zyɛm.»

Mataos 18:8

«Yé be ó, mbo go ngwar, nkʉ kʉ go, wé ó ndɨ esa ó, go duma é l'ebebe nɛʼɛ, tiʼa we. Laa ó, go diʼe e mobo moba le mokʉ moba mo, go ntɔʼ guhɔ é siʼe lé eduo njʉmdia e njʉmdia ɛ, fuo tiʼe yɛɛ mbo go, guho we jaabe, ebe, yé é bul mbɨa é nko paʼ go ó, go diʼe e bɨjyɛm nkʉ e tîtil kʉ, to bi tiʼ molu mo mpoʼ mɨmɛh.