Mataos 5:3 - Kálara Zyɛ̌m Edwán é mpʉ̌n

³ Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Kálar Nzyɛ̌m : Ejwán é Sáá

³ Yésʉs nzě lɛ́ɛ ó: «Metyɛʼ me mpóm, mé díʼee e bʉr o dí egʉ́a ó, misísǐm myɔ́ɔ́, myé dína ó le edyêb ɨ́ páʼ mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

Mataos 5:3 ပူးပေါင်းရင်းမြစ်များ

Lʉkas 18:14

Yesʉs ntɔʼ lɛɛ e be ó: «Me elɛɛ bɨn ó, nwɨa tœa waa a ka fiʼ, to mbɛr we ó, nye osi bi mokebe é mih mo Zyɛm, abe mpʉ Farizyɛŋ, ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Lʉkas 11:28

No ó Yesʉs a bɨha e nye ó: «Mocyɛʼ mo mpom, mé é bul laŋle ó, e baa lé ejoʼo lɔɔ Zyɛm le edu we e.»

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Markus 10:14

Mpʉ Yesʉs a bee no e, nye ntɔʼ joʼo be ebebe. Nye e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bé e.

Mataos 13:16

Yesʉs ntɔʼ lɛɛ e be ó: «Bɨn bɛɛ, mocyɛʼ mo mpom, mé e bɨn, ebe, mih mɨn, mé ebee; mogwal mɨn, mé ejoʼo!

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

Yʉanes 20:29

Yesʉs, nye e nye ó: «Zê go lé ebuʼla ó, ebe, gɨ bee me ɛ? Mocyɛʼ mo mpom, mé ó e bʉr o ndɨ ebuʼla lɔɔ wam, abeɔ me e.»

Mataos 24:46

ǃƗ tî we óbe si to, ze bula, ze bee nye lé esea syɛɛ yaa nɛʼɛ, mocyɛʼ mo mpom, mé ósʉŋɔ é mbi syɛl mosa waa!

Jacques 1:10

To kœb ó, mbil bɨsa nyɛɛ, nye doʼa e dia mosɔm Zyɛm a dil nye e, ebe, nye ólaa mpʉ fulawa.

Mɨngwiha 22:14

Mocyɛʼ mo mpom, mé e bʉr o ndɨ esohlo mɨkan myɔɔ mpuban ɨ. Bé ó ndɨ e nkul eni é nkana yaa. Bé nteme, bé óbe e nkul emwaʼ mpumo lé ecyèl é lɨ tiʼ ɨ, de.

Mɨngwiha 19:9

No ó engles a lɛɛ e me ó: «Tila: “Mocyɛʼ mo mpom, mé e bʉr o b'a baŋlɔ ó, bé toʼ, to de mode é zɔɔ eba mo Ma Ntœme e.”» Nye ze bâʼle lɛɛ e me ó: «Mokan ma, mé ó kʉ be cyecye. Mé eduho ó, é nʉm mo Zyɛm!»

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mataos 11:6

Mocyɛʼ mo mpom, mé ó e mʉr bɨsyɛɛla byam byé óbe, akol ebɔʼ lé ódumo nye e!»

Mataos 8:11

Me elɛɛ bɨn ó nɛɛ, bʉr é buobuo, bé ófwal, lé eduho nko dobo lé emʉa ɛ, le nko lé lé eja ɛ. Bé óni é jwɨ̀ʼa mo Da, ntɔʼ kœb bɨdia byɔɔ tɨ, gumo bé ódi si lé ede e, bé e boo Abraham, e Ɨzak ndwe e Yakɔb.

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Mataos 19:14

Yesʉs nyɛɛ ze lɛɛ e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e.»

Lʉkas 22:29

Mpʉ Sɔŋ wam a dwe me nkul mojwɨ̀ʼa é nko paʼ jwɨ̀ʼa ye e, mɛm nteme mu ó lé ekab bɨn nkul mojwɨ̀ʼa é jwɨ̀ʼa gwar yaa,

Lʉkas 22:30

é l'efu ó, bɨn deʼ mode le monwoʼ é teble wam, é jwɨ̀ʼa me ójwɨɨ ɨ. Bɨn bé ódi é bɨdia bɨ taʼa bin, lé etiʼe moveh mo bwa b'Ɨzraɛl ewʉm e moba mɨlɔb.»

Mɨngwiha 3:17

Bɨn bé elɛɛ ó, bɨn bé ó obil o bɨsa, lwɨŋla e bɨsa twiha. É mbea win, bɨn bé asaa sɔʼɔ. Bɨn bɛɛ, bé agʉa ó, é l'ocyecye, bɨn bé ó bʉr o ndɨ é bul kpaa nkoo e, ndwe e bʉr o motɨʼla. Bɨn bé ó baanteʼenteʼe, ontim, ofufwah.