Mataos 5:17 - Kálara Zyɛ̌m Edwán é mpʉ̌n

¹⁷ «Abuʼla ga ó, me a ze ó, ze gbɛɛ motie mo Moyiz, nkʉ gbɛɛ sikʉlʉ ogwiha o mɨlɔb bé a dwe bɨmpam bin ɨ. Me a baaze gbɛɛ. Me a ze ó, ze sil du me!

Kálar Nzyɛ̌m : Ejwán é Sáá

¹⁷ «Abûʼla gá ó, me á nze ó, nzě gbɛ́ɛ métié, nkʉ̂ gbɛ́ɛ mílɛ́ʼlá ógwíha o mílɔ̌b á dwe mí. Me á bé anzě gbɛ́ɛ. Me á nze ó, nzě lóŋlo.

Mataos 5:17 ပူးပေါင်းရင်းမြစ်များ

Rôm 10:4

Me elwib no ó, ebe, Krɨst a si gba nkati é zi edu motie. Bʉr, bé aŋa ka bi mokebe lé edu zi waa. Bʉr o ndɨ ejyɛʼ taa buʼo yɔɔ boo Zyɛm ɨ, bé ó ndɨ ebi mokebe boo nye.

Lʉkas 16:17

Kʉ e si, byé e nkul edim kam e kam. Sa gwar, yé é bul lele ó, ma etɔn egwar, nye pʉʼa é motie mo Moyiz.»

Rôm 8:4

Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Mataos 7:12

Ebe no, syɛɛla bɨn lé egwɨm ó, bʉr saʼ bɨn ɨ, dɨʼe sa ga nteme be ya. Yé ó sa Zyɛm lé elɛɛ é l'okalara o motie Moyiz a tile e, e sikʉlʉ ogwiha o mɨlɔb bé a dwe e.»

Mataos 3:15

Yesʉs ze bɨha e nye ó: «Birɨ, yé syɛŋɨ no, ebe, yé ejala ó, loŋlo bɨsyɛɛla bɨ ocɨcyel bibyɛh.» Yʉanes ntɔʼ mɛʼle.

Mɨlʉmlʉ 18:13

Bé ó: «Mʉr nwa, nye esa ó, bʉr gwaʼa lé edwiibɨ Zyɛm mpʉ motie mɨh ndɨ elɛɛ ɛ.»

Mɨlʉmlʉ 6:13

fwanɔ bʉr o b'a buʼo nye mɨlɔb ɨ, bɛɛ lé elɛɛ ó: «Mʉr nwa, nye agwaʼ lé elɛɛ mokan é bebebebe teme bʉr é kpɨbɨbɨ. Mokan nye lé epyɛl lé elwimla e Mpah wina ndɨ e l'ekɛn ɨ, mé emɛr nteme, ndwe e motie mo Zyɛm!

Yʉanes 8:5

Moyiz a tiile bɨh etie ó, mbi mʉma wiʼ, wé lumɔ mokoʼ, nye òdwè. A gwɔɔ, go elɛɛ é yé?»

Mɨlʉmlʉ 21:28

lé ebʉŋɔ bɨtim. Bé ó: «Mbɛngɛɛ! Bɨn bwa b'Ɨzraɛl ɔɔ! Paʼ ze bee ga mʉr lé edwe bʉr sikʉlʉ é gumo yiyɛh, yaa ndɨ elwimla e kul bʉr ga yina, bé e motie ga mɨna ndwe e Mpah Zyɛm nwa ɔɔ! Banana, nyi bana niŋle nteme bʉr o bɨkul bɨfih é jahla bii mo Zyɛm tʉŋlʉ ɔɔ! Nyi lœʼ gumo yé a be e l'ekɛn ɨ, é mih mo Zyɛm ɔɔ!»