Mataos 5:12 - Kálara Zyɛ̌m Edwán é mpʉ̌n

¹² Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Kálar Nzyɛ̌m : Ejwán é Sáá

¹² Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

Mataos 5:12 ပူးပေါင်းရင်းမြစ်များ

Lʉkas 6:23

Soha ga é dobo laa. Lyaha ga e bɨsʉhʉ. Myɛna monɨnɨ le embɨa, byé ebono bɨn é jobo kʉ. Bɨmpam byɔɔ, byé a be ó lé etíile ogwiha o mɨlɔb no.»

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

Kolosi 3:24

Gʉŋa ga ó, Tî ga wina ókʉ dwe bɨn myɛna tɨ. Bɨn bé óbi tiʼ molu mo mpoʼ mɨmɛh nye lé ekomo bʉr be e. Mpaŋ njwɨʼa bɨn lé esea e nye e, nye ó ndɨ Krɨst.

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Rôm 5:3

Dam be mɨtuu e mɨndɛl bɨna lé ebɔma ga e mye e, bɨna bé ekʉ bana mɨɨla ga e mye, ebe, bɨna bé egʉa ga ó, baa lé edihbe mɨtuu ɨ, bé ójwɨʼ bihbe tɨ.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Ebrœ̂ 11:6

Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

1 Tesalonika 2:15

OYʉden baa ó b'a jʉ Da Yesʉs. Bé ó b'a taare jʉ ogwiha o mɨlɔb. Bé nteme ó b'a fo bɨh é lal wɔɔ. Bé ó bʉr Zyɛm lé ekʉ kpaa empime e be e. Bé elwimla ó, e bʉr bɨbɛh.

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Mɨlʉmlʉ 5:41

No ó mpʉ mɨlʉmlʉ myé a duho é Bʉm Nɨnɨ ɨ, myé ntɔʼ loŋlo e bɨsʉhʉ, ebe, Zyɛm a láa ó, bé ó bʉr o jʉʼa le edihbe pyeh ebe die mo Yesʉs ɨ.

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

1 Korɛnt 3:8

Mʉr lé ebè e, bé e waa lé esʉ modibe e, bé ó jwɨʼ gwar. Zyɛm ódwe mʉr myɛna ó, nye osi jwɨʼ bim syɛɛ nyiha mʉr a sea nye e.

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Mɨlʉmlʉ 16:25

Kunokuno e teme pum nɛʼɛ, Pol bé e Silas, bé a be ó teme ejwɨʼla e Zyɛm, le ejɛɛ bɨjɛɛ é l'efu le egumlo Zyɛm, myʉʉ mɨmbʉʼ lé ejoʼlo be.

Lʉkas 13:34

«Yerʉsalɛm, Yerʉsalɛm, gwɔɔ mʉr lé ebɛa jʉ ogwiha o mɨlɔb le elumo baa Zyɛm lé elomlo go e, mokoʼ e! Zɔʼ ntɨɛ me a be lé egwɨm syɛŋ bwan bo, mpʉ abyɛɛ-kuo lé esyɛŋ bwan be é mompaba me si ɨ, bɨn bɛɛ kʉ bene-bene bena.

Ebrœ̂ 11:26

Laa ó nye tiʼa é lal Egipten lé ebi okum e l'ogbaa tɨ, nye a fuo mɛʼle ó, bé e Lœma mulo mo Zyɛm, bé lwɨɔ zyɛŋa. Nye a be ó lé esyɛm mih ó, nye beŋɨ myɛna Zyɛm a komo nye e.

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

Ebrœ̂ 10:34

Bɨn bé a si jwɨʼ bʉr o mɨmbʉʼ nkoo. É jɔʼ bʉr, bé a dɛn bɨn bɨsa bin ɨ, bɨn bé a be ó si bir bɨsa byaa e bɨsʉhʉ, ebe, bɨn bé a be ó si kʉ gʉa ó, bɨn bé óbana bi bɨdime bɨsa, laa byaa bé a dɛn ɨ. Byé nteme, byé ó bɨsa lé edi ɨ.

Ebrœ̂ 11:33

É zi buʼo yɔɔ ó bé a lwimla e mɨlal mɨfih, bana ntaa mye e. Bé a si tiʼe bʉr mɨlɔb é l'ocɨcyel é zi buʼo yɔɔ. Bé a si bi nkɛʼ mo Zyɛm é zi buʼo yɔɔ. Bé a pɨr mɨngbampwɨɨ mɨnʉm nteme ó, é zi buʼo yɔɔ.

Jacques 5:10

Obɨɔ ga bam aa! Toŋla ga bʉr o b'a ze e die mo Zyɛm lé egwih bɨna ga mɨlɔb mo Zyɛm ɨ. Bé ó ndɨ elɛʼle ebò e cyen bʉr lé ejala le ekœʼ œ. Bé a si dihbe mɨtuu e mɨndɛl.