Mataos 5:11 - Kálara Zyɛ̌m Edwán é mpʉ̌n

¹¹ Mocyɛʼ mo mpom, mé ó e bɨn é jɔʼ bé ólwɨɨ bɨn, tíile bɨn le efœʼ bɨn mɨmbi mimyɛh é lɔb wam.

Kálar Nzyɛ̌m : Ejwán é Sáá

¹¹ Metyɛʼ me mpóm, mé díʼee e bɨ̌n ɨ́ jɔʼ bé ópya bɨ́n, le etíble bɨ́n, le elaʼ bɨ́n milɔ̌b mí ébébe mimbi mimbi ɨ́ lɔ̌b wâm yɨ́.

Mataos 5:11 ပူးပေါင်းရင်းမြစ်များ

1 Pyɛr 4:14

Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.

Lʉkas 21:17

Bʉr bɨbɛh, bé ónwim bɨn é lɔb wam.

Markus 13:13

Bʉr bɨbɛh, bé ónwim bɨn é lɔb wam. No ó waa ódihbe, to pyal é l'esie e, nyiha ó ngo bi tiʼ molu mo mpoʼ mɨmɛh.»

Mataos 24:9

«É jɔʼ yaa ó bé ókɛha bɨn é mobo mo bʉr ofih, baa bé ótíile bɨn ɨ. Bé ójʉ bɨn bʉʉ bʉr. Bʉr o ndɨ abe oYʉden ɨ, bé ónwim bɨn é lɔb wam.

Lʉkas 6:22

Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

1 Pyɛr 2:23

É jɔʼ bé a lwɨɨ-lwɨɨ nye e, nye a baabala molwɨɨ maa. É jɔʼ nye a sia e mɨtuu ɨ, nye a baabɛŋ bʉr o dɔm be. Nye a kʉ ka sa ó njɨ nʉa tiʼ ye, timle Zyɛm ya, nyɛɛ mʉr lé etiʼe mɨlɔb é l'ocɨcyel ɨ.

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.

Mataos 10:39

Waa lé ekʉ ka saa ó njɨ ekamle e tiʼ ye e, nye ódimle ye. Waa lé emɛʼle ó, nye fuo dimle tiʼ ye é lɔb wam ɨ, nyiha óbaʼle ye.»

Mɨngwiha 2:3

Bɨn bé e bihbe. Bɨn bé edihbe mɨtuu ebe die lam, acyɛʼ mɨleme.

Mataos 19:29

Mʉr nyiwɛh ndɨ si liʼe mɨmbɛr mye, obɨɔ be, okɛl be, sɔŋ we, nyɔŋ we, bwan be, nkʉ bɨpeme bye é lɔb wam ɨ, nye óbula bi bye zɔʼ nter, bi nteme tiʼ molu mo mpoʼ mɨmɛh.

2 Korɛnt 4:11

Bɨh dam be mɨkubla, bɨh bé é jɔʼ yiyɛh ó, njɨ é l'efie kʉ, duho é buʼo lé etiibe e Yesʉs ɨ, é l'efu ó, tiʼ ye, yé nyinɨ é bɨtiʼ bih, byaa lé elaa mpʉ ngul mpaa ɛ.

1 Korɛnt 4:10

Bɨh mu ó bɨgʉ é l'efu mo Krɨst; bɨn bɛɛ, bé ó mɨpɨpɨʼ é nye. Bɨh bé ó bɨcyɛʼ-bol; bɨn bɛɛ, mɨnjɨh mɨ bʉr. Bɨh bé epyehɔ; bɨn bɛɛ, bé edweŋɔ duu.

Rôm 8:36

(Yé ó mpʉ yé ndɨ tila é Kalara Zyɛm ɨ. Yé ó tila ó: «Ebe, é lɔb go, gwɔɔ Zyɛm, bɨh bé é dobo lɨlɛh ó, odwè. É mih mo bʉr, bɨh bé ó mpʉ bɨtab jala le eto tiʼɔ ɛ.»)

Lʉkas 21:12

«No ó, é jɔʼ bɨsa byaa bibyɛh, byé óbe, l'apa syɛɛlɨ ɨ, bé ótaare lé enaʼ bɨn mobo é nyʉl, le etíile bɨn. Bé óto e bɨn é mompah mɨnjwɨʼla mɔɔ, le egba bɨn é mɨmbɛr mɨmbʉʼ. Bé óto e bɨn é mih mɨnjwɨɨbʉr myɔɔ le ongoman bɔɔ é lɔb wam, lé eto pur bɨn le ebuʼɔ bɨn mɨlɔb gʉ.

Lʉkas 9:24

ebe, mʉr lé egwɨm kamle e tiʼ ye e, nye ódimle ye. Waa lé emɛʼle ó, nye fuo bir tiʼ ye é lɔb wam ɨ, nyiha óbaʼle ye.

Markus 8:35

ebe, mʉr lé egwɨm kamle e tiʼ ye e, nye ódimle ye. Waa lé emɛʼle ó, nye fuo dimle tiʼ ye é lɔb wam le waa Mbɨambɨa Lɔɔ ɛ, nyiha óbaʼle ye.

Mataos 10:25

Mpʉn saʼ mpʉ yeʼle we; syɛl mosa saʼ mpʉ masa we. No ó ndɨ ejala. Lʉ mbɛr bʉr pa taare jwɨrɔ die ó, Belzebul, a dwɛʼra e bʉr o mbɛr bʉr waa! Bé óka jwɨrɔ mie ndɨ é laŋle bebe e!»

Mɨlʉmlʉ 9:16

Me mʉr tɨ, me ólɛʼle nye bim mɨtuu nye lé ekʉ jala le esia e mye é lɔb wam ɨ.»

Markus 13:9

«No, pɨrɨ ga mokʉ si. Bé óto e bɨn é mompʉm mo otamabʉr mɔɔ, to pur bɨn le ebuʼo bɨn mɨlɔb gʉ. Bé ónyuo bɨn mɨmbihe é mompah mɨnjwɨʼla myɔɔ. Bé óto e bɨn é mih mo ongoman le mɨnjwɨɨbʉr é lɔb wam. Bɨn bé ósaŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ, bɛɛ lé ejoʼo.

Mataos 27:39

Bɨlaa-nwan, byé a be ó lé elwɨɨ nye ndwe le esiʼrɔ mɨlʉ,

Markus 4:17

sa gwar, wɛɛ l'ani be é mɨleme tʉŋlʉ. Bé ekʉ ka baʼle we ó njɨ é ma peh jɔʼ. É jɔʼ bé mu lé esia e mɨtuu le etíilɔ ebe lɔɔ Zyɛm ɨ, bé óka bee ó, wé mu ó ebɔʼ bé lé ebɨm é mɨleme, laa lé ódumo be e.

Mataos 10:18

Bé óto e bɨn é mih mo ongoman le mɨnjwɨɨbʉr é lɔb wam. Bɨn bé ósaŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ, bɛɛ ndwe e bʉr o ndɨ abe oYʉden ɨ, lé ejoʼo.

Yʉanes 9:28

Bé ze taare lé elwɨɨ nye. Bé e nye ó: «Gwɔɔ, go óbɛm di mpʉn we. Sa gwar, bɨh bɛɛ, bé ó ompʉn mo Moyiz.

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.