Mataos 5:10 - Kálara Zyɛ̌m Edwán é mpʉ̌n

¹⁰ Mocyɛʼ mo mpom e bʉr o ndɨ etíilɔ ebe ebò e cyen bé lé ekœʼ é l'ocɨcyel mo Zyɛm ɨ, ebe, jwɨ̀ʼa mo Da, yé mu lé ecyelɔ cyecye ó, é l'efu e bʉr o ndɨ mpʉ be e!

Kálar Nzyɛ̌m : Ejwán é Sáá

¹⁰ Metyɛʼ me mpóm, mé díʼee e bʉr o dí etíblɔɔ ebe bé dí etiʼe lɨ́ otîtyěl mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

Mataos 5:10 ပူးပေါင်းရင်းမြစ်များ

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Mataos 5:3

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Lʉkas 6:22

Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

2 Timotɛ 2:12

ǃBɨna si dihbe ga mɨtuu wa, bɨna bé ódi ga nteme ó ojwɨɨ. ǃBɨna si lɛɛ ga ó, bɨna bé agʉa ga nye wa, nye ólɛɛ nteme ó, nye a baagʉa bɨna ga.

Filipi 1:28

Me ekpɛl joʼo ó, bɨn bé aka joʼo bʉa é mih mo bʉr o dɔm bɨn. Mpʉ bé lé esa bɨn mongan, bɨn l'akpɛɛ be e, sa yaa, yé ó bɨdim byɔɔ, sa lé elɛʼle be ó, bé ódim ɨ. é nko paʼ win wɛɛ, yé elɛʼle ó, bɨn bé óbi tiʼ molu mo mpoʼ mɨmɛh, tiʼ yaa, lé eduho boo Zyɛm.

Lʉkas 21:12

«No ó, é jɔʼ bɨsa byaa bibyɛh, byé óbe, l'apa syɛɛlɨ ɨ, bé ótaare lé enaʼ bɨn mobo é nyʉl, le etíile bɨn. Bé óto e bɨn é mompah mɨnjwɨʼla mɔɔ, le egba bɨn é mɨmbɛr mɨmbʉʼ. Bé óto e bɨn é mih mɨnjwɨɨbʉr myɔɔ le ongoman bɔɔ é lɔb wam, lé eto pur bɨn le ebuʼɔ bɨn mɨlɔb gʉ.

Yʉanes 15:20

Toŋla ga sa me a lɛɛ bɨn ɨ: “Syɛl mosa álaa masa we é duu.” Yé be ó, bé a si tíile me nɛʼɛ, gʉŋa ga ó, bé ótíile bɨn nteme! Yé be ó, bé a si joʼo sikʉlʉ yam nɛʼɛ, gʉŋa ga ó, bé ójoʼo nteme yaa yin.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

2 Timotɛ 3:11

Go egʉa mpʉ bé a tíile me le esa me cere e. Bé a sa me no ó, ɨ Antios, le ɨ Ikoniʉm, ndwe ɨ Listra. Go egʉa mɨmbi bé a tíile me, mɛm njɨ lé edihbe e. To kœb ó, Da Yesʉs a si syɛb me é mobo mɔɔ mɨmɛh.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Markus 10:30

ódi, abâʼle bi bye zɔʼ nter é mbi jɔʼ yi. Nye óbula bi mɨmbɛr e bɨpeme. Nye ókœb obɨɔ ndwe e l'okɛl, e l'onyɔŋ, ka kɛl bwan. Nye ótíilɔ nteme. No ó, pie e l'esie e mbi jɔʼ yi, mʉr waa óbi nteme tiʼ molu mo mpoʼ mɨmɛh.

Lʉkas 6:20

No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Mataos 10:23

ǃBé si tíile bɨn é yiʼ nkana nɛʼɛ, bɨn bé à kpɛɛ, to é yʉʉ fih. Me elɛɛ bɨn cyecye ó nɛɛ: bɨn l'apa kumo bɨnkana bɨ lal Ɨzraɛl bibyɛh, Mwan mo Mʉr ópyal.

1 Yʉanes 3:12

Bɨna l'ayi be ga mpʉ mo Kan. Nye a bɛa be ó é nkɔm mo Bɨbla-mʉr, nye ze jʉ ncyom we Abɛl. Nye a pa kʉ jʉ nye é wáa lɔb? Yé a be ó, ebe, bɨsyɛɛla mo Kan, byé a be ó ozyɛhozyɛh; byaa mo mɨɔ we, ocɨcyel.

Mɨlʉmlʉ 8:1

Sol a be ó lé emɛʼle efie mo Etyɛn. É moho ngwar waa, bé ze taare lé etíile mbɛr Zyɛm wé a be Yerʉsalɛm ɨ. Ompʉn bɨbɛh, pɛʼ njɨ mɨlʉmlʉ, ze gbɛha é mɨlal mɨ Yʉda ndwe e Samari.

Mɨlʉmlʉ 5:40

jebɔ ntɔʼ mɨlʉmlʉ, bîŋɔ mye, é bîŋɔ bîŋɔ, ntɔʼ cyelɔ be mpene ó, bé l'anyamle lwib é die mo Yesʉs, ntɔʼ birɔ be.

Mataos 19:14

Yesʉs nyɛɛ ze lɛɛ e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e.»

Markus 10:14

Mpʉ Yesʉs a bee no e, nye ntɔʼ joʼo be ebebe. Nye e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bé e.

Lʉkas 22:29

Mpʉ Sɔŋ wam a dwe me nkul mojwɨ̀ʼa é nko paʼ jwɨ̀ʼa ye e, mɛm nteme mu ó lé ekab bɨn nkul mojwɨ̀ʼa é jwɨ̀ʼa gwar yaa,

Jacques 5:11

Bɨna bé elɛɛ ga ó, mʉr ósʉŋɔ mocyɛʼ mo mpom ɨ, nye óbe ó waa a dihbe mɨtuu ɨ. Bɨn bé a be ó si joʼo mpʉ Job a dihbe mɨtuu ɨ. Bɨn nteme bɨ bee sa Da a sa nye é jɔʼ epihe e, ebe, nye é mpwaʼ ncwɨncwɨa e njwɨʼa-nkoo.