Mataos 4:3 - Kálara Zyɛ̌m Edwán é mpʉ̌n

³ Satan ze pyal gumo Yesʉs a be e. Nye e nye ó: «Yé be ó, go ó Mwan mo Zyɛm nɛʼɛ, lɛŋɨ mokoʼ maʼ ó, mé lihba bɨbler.»

Kálar Nzyɛ̌m : Ejwán é Sáá

³ Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

Mataos 4:3 ပူးပေါင်းရင်းမြစ်များ

1 Tesalonika 3:5

Ebe no, é mpʉ me a baaka be e nkul edihbe e, yé ó me a fuo lomo Timote ó, nye ntaʼ gʉʼ bɨn ye, ó nye gʉŋa cye buʼo yin mu ɨ. Leme, wé a si kolo me é lɔb win, ó yʉʉ jɔʼ, mpʉ Satan lé eboblo bɨn ɨ, bɨn bé a si to gʉmla é yʉʉ bebebebe zi. Me a dɨ syɛl ba e bɨn, mɛm lé etoŋlo ó, syɛɛ bɨh bé a sea bɨn ye e, yi dwè ntuʼ.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

Mataos 3:17

Pie tɨ, nye ntɔʼ joʼo twii lé eduho é jobo kʉ, lé elɛɛ ó: «Nwaʼ, nye ó mwan kpɛl wam. Sʉhʉ yam yiyɛh, yé ó é nye.»

Ebrœ̂ 12:16

Diʼe ga ncye! Mʉr alama fwon é zi bɨduo. Mʉr beʼ l'asa lɔɔ Zyɛm ebɨh, é mpʉ Eso a sa ɛ. Nye a si dwɛna dia modweʼe ye, dwe ncyom, le esiila ye é l'efu le enʉa ma fua mode!

Mɨlʉmlʉ 9:20

Pie tɨ, nye ze taare lé elɛɛ lɔɔ lé etiibe e Yesʉs ɨ, é mompah mɨnjwɨʼla mo oYʉden. Nye a lɛɛ-lɛɛ e be ó, Yesʉs, nye ó Mwan mo Zyɛm.

Lʉkas 4:9

Njwɨɨ moleme ze bâʼle nʉa nye, ze to e nye Yerʉsalɛm, é lon Mpah Zyɛm. Nye e nye ó: «Yé be ó, go ó Mwan mo Zyɛm nɛʼɛ, lyaha wâ, to cyɛb si,

Lʉkas 4:3

Njwɨɨ moleme ntɔʼ ze lɛɛ e Yesʉs ó: «Yé be ó, go ó Mwan mo Zyɛm nɛʼɛ, lɛŋɨ ekoʼ lɨʼ ó, lé lihba bler.»

Mataos 14:33

Bʉr o b'a be é byɛl ɨ, bé ze dwiibɨ Yesʉs. Bé e nye ó: «Go ó kʉ be Mwan mo Zyɛm cyecye!»

Mataos 16:16

Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Mataos 26:63

Yesʉs a kʉ ka di ó njɨ é titil. No ó njwɨɨ opara a ze lɛɛ e nye ó: «Me egwii go mofoo é die mo Zyɛm ndɨ kublakubla ɛ, ó go lɛŋɨ bɨh nkʉ go ó Lœma mulo mo Zyɛm le Mwan mo Zyɛm.»

Markus 1:1

Etɛɛrɨ e Mbɨambɨa Lɔɔ lé etiibe e Yesʉs-Krɨst, [Mwan mo Zyɛm] ɨ.

Markus 3:11

Bʉr o b'a sia e bɨbɨbla mɨsisim ɨ, é jɔʼ bé a bee-bee nye e, bé a be-be ó lé ebɨʼɔ mompom mɔɔ si, le ebɨʼla kʉ kʉ ó: «Go ó Mwan mo Zyɛm!»

Markus 5:7

ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh ɛ! Go esaa yé e me? Paʼ kʉ de mɨnkɛla é die mo Zyɛm ó, go aŋa dwe me ntɨʼa!»

Lʉkas 1:35

No ó engles a ze bɨha e nye ó: «Yé óbe ó: Mbɨambɨa Sisim ó ngo fulo é go. Go óduʼbo si nkul mo Zyɛm ndɨ Lʉ bɨsa bibyɛh ɛ. Ebe no ó mwan go óbya ɛ, nye óbe ó ti. Nye ójebɔ ó, Mwan mo Zyɛm.

Lʉkas 4:41

Moleme, mé a be ó lé eduho bʉr é monyʉl é buobuo. Mé a si bʉ bɨtim, le elɛɔ ó: «Go ó Mwan mo Zyɛm!» No ó nye a ze bâm e moleme maa, ndwe le epɨr me mɨnʉm, ó mé l'alwib, ebe, mé a si kʉ gʉa ó, nye ó Lœma mulo mo Zyɛm.

Lʉkas 22:70

No ó bɨbɛh, bé a ze lɛɛ ó: «No, yé ó, go ó Mwan mo Zyɛm ó tɨʼ ɨ!» Nye ó: «Yé ó mpʉ bɨn lé elɛɛ nɨ!»

Yʉanes 1:34

Mɨ bana bee no. No ó me lé eboʼlo ó: “Mʉr nwa, nye ó bana kʉ be Mwan mo Zyɛm” ɨ.»

Yʉanes 1:49

Natanaɛl, nye e nye ó: «Yeʼle, go ó bana kʉ be Mwan mo Zyɛm cyecye! Go ó ndɨ njwɨɨbʉr lal Ɨzraɛl!»

Yʉanes 9:35

Yesʉs ntɔʼ joʼo ó, bé a be ó si cyel mʉr nye a tiʼ ɨ, é pɨŋ. Nye ze bɔma e nye. Nye ze dî e nye ó: «Zê go lé ejyɛʼ taa buʼo yo boo Mwan mo Mʉr ɛ?»

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

2 Korɛnt 1:19

ebe, Mwan mo Zyɛm—no yé ó Yesʉs-Krɨst—a baabe lé elɛɛ ó «Eee!» ndwe e «Hɨʼɨ!» Lwib ye, yé a bɛa be ó njɨ «Eee!» Nye ó mʉr mpaŋla we bɨh e Silas ndwe e Timote bé a cen bɨn ɨ.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Ebrœ̂ 4:14

Bɨna ga mu ó e njwɨɨ opara ndɨ lʉ sa yiyɛh ɛ: Yesʉs, Mwan mo Zyɛm. É mpʉ yé ndɨ no e, bɨna toʼ ga dolo lé emɛʼle buʼo ga yina. Nye a be ó si ntaa jobo e l'ejyoo le ebantɛn, lé ebula to di é jobo kʉ.

Ebrœ̂ 7:3

Yé abe e mʉr ndɨ egʉa sɔŋ nkʉ nyɔŋ mo Mɛlkisedɛk. Abe e mʉr a be e nkul eláa ntan ye. Mʉr, nye agʉa mpʉ Mɛlkisedɛk a byɛl ɨ, agʉa nteme nkʉ nye a si ka dwè. É paʼ waa, nye enwɨɨla ó e Mwan mo Zyɛm. Nye ó é dia para ye njʉmdia e njʉmdia.

1 Yʉanes 3:8

Mʉr lé eto dolo lé esa mɨsyem ɨ, nyiha, nye ó waa mo Njwɨɨ moleme, ebe, Njwɨɨ moleme ó ndɨ etin e mɨsyem, duho é l'etɔɔrʉ. To kœb ó, Mwan mo Zyɛm a ze é si nwaʼ ó, nye nkʉʼ gbɛɛ bɨsyɛɛla mo Njwɨɨ moleme.