Mataos 4:23 - Kálara Zyɛ̌m Edwán é mpʉ̌n

²³ No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Kálar Nzyɛ̌m : Ejwán é Sáá

²³ Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Mataos 4:23 ပူးပေါင်းရင်းမြစ်များ

Mataos 9:35

Yesʉs ze to le etiʼbe bɨnkana e bɨnkana byɛh, e mokwar e mokwar mɛh, lé eto le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ. Nye a be nteme ó lé etiʼ bʉr o b'a be e mosyɛb mɨmbi mimyɛh le bɨjyɛm mɨmbi mimyɛh ɛ.

Markus 1:39

No ó nye a ze to le edwe bʉr sikʉlʉ é mɨlɔb mo Zyɛm é mompah mɨnjwɨʼla mɔɔ é lal Galɨle wiwɛh, ndwe le edwih bʉr moleme.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Lʉkas 7:22

Nye ze bɨha e be ó: «Bula to lɛɛ ga Yʉanes sa bɨn a bee le ejoʼo e. Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé etiʼɔ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Mataos 13:54

Nye ze to nye ye, ntɔʼ yeʼle bʉr é mpah mɨnjwɨʼla wɔɔ, bʉr bɨbɛh lé ejehe le eze dîilɔ ó: «Nye eduho e wiʼ ocyoo le maʼ mosima monɨnɨ nko?

Markus 1:21

Bé ze to Kapernaʉm. É moho saba, Yesʉs ntɔʼ taare lé eyeʼle bʉr é mpah mɨnjwɨʼla.

Rôm 10:15

Yé ndɨ e nkul esa ó, olɛa o lɔɔ Zyɛm beʼ, nkʉ Zyɛm, nye alomo be e? Yé ó mpʉ yé ndɨ tila é Kalara Zyɛm ɨ. Yé ó tila ó: «A mbɨa lé ebee bʉr o ndɨ eze le etuno Mbɨambɨa Lɔɔ ee!»

Lʉkas 8:1

Pie tɨ, Yesʉs ze to le etiʼbe bɨnkana e bɨnkana byɛh e mokwar e mokwar mɛh, lé eto le elɛɛ Mbɨambɨa Lɔɔ lé etiibe e jwɨ̀ʼa mo Zyɛm ɨ.

Markus 6:2

É jɔʼ moho saba, wé a pyal ɨ, nye ntɔʼ taare lé eyeʼle bʉr é mpah mɨnjwɨʼla. Bʉr é buobuo bé a joʼo sa nye a lɛɛ ɛ, bé a be ó si jehe, le edîila ó: «Wiʼ mbi bɨsɔʼɔ, wé eduho nye nko? Nye a duho e wiʼ ocyoo ndwe e mosima monɨnɨ nye lé esa maʼ nko?

Mataos 24:14

Ebe no, Mbɨambɨa Lɔɔ lé etiibe e jwɨ̀ʼa mo Da ɛ, wé ólɛɔ gumo yiyɛh é si nwa, lé esa ó, bʉr o ndɨ abe oYʉden ɨ, bé joʼa bʉr lé eboʼlo lɔɔ waa. Pie tɨʼ ó esie e mbi jɔʼ yi, lé óka bɔma ɛ.»

Mataos 12:9

No ó, é jɔʼ Yesʉs a duho tɨʼ ɨ, nye ze to ni é nuu mpah mɨnjwɨʼla wɔɔ.

Yʉanes 18:20

Yesʉs, nye e nye ó: «Me a baalɛɛ yʉʉ sɔʼɔ é l'efo. Me a kʉ dɨ lwib e bʉr bɨbɛh ó, é kpɛŋlɛm. Me a dwe bʉr sikʉlʉ yam ó, é mompah mɨnjwɨʼla mɔɔ, ndwe é jahla bii mo Zyɛm tʉŋlʉ, bɨgumo oYʉden lé egwɨhla jɔʼ yiyɛh ɛ.

Lʉkas 13:10

É guu moho saba, Yesʉs a be ó lé eyeʼle bʉr é nuu mpah mɨnjwɨʼla wɔɔ.

Lʉkas 9:11

Sa gwar, ntuntuma bʉr, yé a be ó si jʉʼra no, yé ntɔʼ du nye é koo pihe. No ó nye a ze soho be, ntɔʼ lɛɛ Mbɨambɨa Lɔɔ lé etiibe e jwɨ̀ʼa mo Zyɛm ɨ, le etiʼ mɨsyoblʉ mimyɛh.

Lʉkas 5:17

É lʉʉ dobo, Yesʉs a be ó lé eyeʼle ntuntuma bʉr. OFarizyɛŋ bé e l'oyeʼle o motie, bé a be ó tɨʼ nteme é ntuntuma bʉr yaa, ondindil. Bʉr onɨ, bé a duho ó, é mokwar mɨmɛh mo Galɨle le Yʉda; baʼ duho nteme Yerʉsalɛm. Yesʉs a be ó e nkul mo Da é l'efu ó, nye tiʼɨ mɨsyoblʉ.

Markus 6:6

Mpʉ nye a bee mpʉ bé a baajyɛʼ taa buʼo yɔɔ boo nye e, nye ntɔʼ jehe be nʉm mbeʼ. No ó, pie tɨ, nye ze to le edwe bʉr sikʉlʉ é mokwar mo lal waa mɨmɛh.

Markus 3:10

Bé a bul ze boo nye ó, ebe, nye a si bul tiʼ bʉr, to pyal ó, mɨsyoblʉ mimyɛh, myé a be ó lé egwɨm kuna e nye.

Markus 1:14

Pie tɨ, Yesʉs ze to Galɨle, to le elɛɛ Mbɨambɨa Lɔɔ lé eduho boo Zyɛm ɨ. Tina, yé a be ó Yʉanes, nye osi gbaŋɔ é mbʉʼ.

Mɨlʉmlʉ 20:25

«Sa gwar me egʉa é bananaʼ ɛ, yé ó: abe e mʉr ngwar é l'esama lɨn óka bâʼle bee me, dam be bɨn bɨbɛh bé a bee me lé elaa-laa paʼra win, lé elɛɛ lɔɔ lé etiibe e jwɨ̀ʼa mo Zyɛm ɨ.

Mɨlʉmlʉ 18:4

No ó, é moho saba wiwɛh, Pol a be ó lé eyeʼle bʉr mɨlɔb mo Zyɛm é mpah mɨnjwɨʼla, le esaa edulo oYʉden ndwe e bʉr o Grɛs.

Yʉanes 6:59

Yesʉs a dwe be sikʉlʉ é lɔb nɨ ó, é mpah mɨnjwɨʼla tʉŋlʉ, waa nkana Kapernaʉm.

Lʉkas 10:9

Tiʼɨ ga mɨsyoblʉ mɨ nkana yaa. Bɨn bé à lɛɛ bʉr o nkana yaa ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Lʉkas 6:17

É jɔʼ Yesʉs bé e l'ompʉn be, bé a fulo ecwɨʼ, pyalɔ gumo yé a be si e si ɨ, bé ze bɔma e l'ompʉn be ofih é buobuo. Yé a be nteme ó e ntuntuma bʉr. Baʼ, bé a duho ó, é nkana Yerʉsalɛm, bʉʉ, duho é lal Yʉda, bʉʉ nteme é nkɔra yé a be é nkpah maŋ ɨ. Nkɔra yaa, yé ó yaa ndɨ e nkana Tir e nkana Sidɔn ɨ.

Mataos 14:14

Jɔʼ Yesʉs a fulo é byɛl, bee mpampaʼ bʉr nɨnɨ yaa ɛ, leme we kʉ ze jwɨʼ be nkoo. Nye ze tiʼ mɨsyoblʉ myɔɔ mimyɛh.

Mataos 13:19

Jɔʼ mʉr lé ejoʼo lɔɔ lé etiibe e jwɨ̀ʼa mo Da, nye l'ajoʼo sa mpaŋla waa ndɨ epa kʉ lɛɛ ɛ, mʉr waa, nye enwɨɨla ó e l'empàh e zi, gumo mompœʼ mé a kur-kur ɨ. Bɨbla-mʉr, yé ntɔʼ pyal, ze dɛʼ mpœʼ yé a bèŋɔ é leme mʉr waa ɛ.

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Yʉanes 7:1

Jɔʼ ze laa ba, Yesʉs ntɔʼ ze to le ekœʼ é lal Galɨle. Nye a baaka kpɛl kœʼ é nkɔra Yʉda, ebe, oYʉden, bé a be lé esaa gʉʼ ó, bé jʉ ó nye.

Lʉkas 20:1

É guu moho, Yesʉs a be ó é jahla bii mo Zyɛm tʉŋlʉ, lé eyeʼle bʉr, ndwe le elɛɛ be Mbɨambɨa Lɔɔ. Ojwɨɨ be opara bé e l'oyeʼle o motie ndwe e l'otamabʉr o lal «mpululu»,

Lʉkas 4:14

Yesʉs ntɔʼ to lal we Galɨle, nye mu lwɨŋla e nkul lé eduho boo Mbɨambɨa Sisim ɨ. Lɔɔ we ze jala lal waa wiwɛh.

Lʉkas 6:6

É guu moho saba, Yesʉs a be ó si ni é nuu mpah mɨnjwɨʼla, ze yeʼle bʉr. Tɨʼ é mpah mɨnjwɨʼla waa, yé a be ó e nuu mʉr a be e mbo ejʉm we é fwam-fwam ɨ.

Lʉkas 7:21

É jɔʼ gwar yaa, bé a pyal ó, kœb Yesʉs lé etiʼ mɨsyoblʉ é buobuo, baa b'a be e bɨnumò e, le baa b'a be e bɨjyɛm ɨ, le baa b'a sia e moleme e. Nye a si tiʼ nteme buobuo ontim, sa ó, bé bula bee.

Lʉkas 9:60

No ó nye a ze lɛɛ e nye ó: «Birɨ odwè, bé dɨlɨ mɨmuu myɔɔ. Gwɔɔ, toʼ, to lɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ.»

Lʉkas 16:16

«Motie mo Moyiz ndwe e sikʉlʉ ogwiha o mɨlɔb bé a dwe e, byé a di ó, é di di di, to pyal é Yʉanes. Taare é jɔʼ nye a pyal ɨ, to dolo, bʉr, bé mu ó lé etuno Mbɨambɨa Lɔɔ lé etiibe e jwɨ̀ʼa mo Zyɛm ɨ. Mʉr nyiwɛh, nye mu ó lé eni tɨʼ e nkul.

Mɨlʉmlʉ 28:31

Nye a be nteme lé elɛɛ-lɛɛ Mbɨambɨa Lɔɔ é lɔb jwɨ̀ʼa mo Zyɛm, le eyeʼle bʉr mɨlɔb lé etiibe e Da Yesʉs-Krɨst ɨ, é kpɛŋlɛm, abaawe sɔʼɔ e mʉr, abe e ntɨʼa.