Mataos 3:9 - Kálara Zyɛ̌m Edwán é mpʉ̌n

⁹ Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Kálar Nzyɛ̌m : Ejwán é Sáá

⁹ Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Mataos 3:9 ပူးပေါင်းရင်းမြစ်များ

Lʉkas 3:8

Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Yʉanes 8:33

Bé e nye ó: «Bɨh bé ó mpoŋbʉr mo Abraham. No ó, bɨh bé apa di molʉa mo bʉr. Wáa mbi zi go ndɨ e nkul elɛɛ e bɨh ó, bɨh bé ófuʼla di é dia otî ɨ?»

Rôm 4:1

É paʼ mobyɛl ga mɨna, bɨna ga bé ó e sɔŋ mpam, Abraham. É mpʉ yé ndɨ no e, bɨna kaʼ lɛɛ ga é yé, tiibe e sa nye a bi ɨ?

Mɨlʉmlʉ 13:26

«Obɨɔ ga bam ɔɔ! Bɨn mpoŋbʉr mo Abraham ɔɔ! Bʉr o ndɨ edwaabe Zyɛm ba ɔɔ! Bɨna ga ó b'a cenɔ mpaŋla é lɔb tiʼ Zyɛm mu lé edwe bʉr ɨ.

Lʉkas 16:24

Nye ntɔʼ lwib e nye lé eyɨm twii ó: “Da Abraham ɔɔ! Jwɨʼɨ me nkoo ɔɔ! Lomla me Lazar, nye duba odumo o dine ye é modibe, nye ntaʼ, ze dwe jɨm yam motala ɔɔ! Ebe, me é bul sia e siʼe é mɨnjʉl miʼ ɔɔ!”

Yʉanes 8:53

Sɔŋ wih Abraham a si dwè. Zê go lé ebuʼla ó, go ó waa ndɨ elaa nye e? Ogwiha o mɨlɔb nteme si dwè. Gwɔɔ, go zé?»

Lʉkas 5:22

Sa gwar, Yesʉs a be ó lé edweʼe bɨjwɨʼ bé a be e bye é mɨmo si ɨ. No ó nye a nʉa lwib, ze dî e be ó: «Wáa mbi mosono ndɨ bɨn é mɨleme bim yiʼ mpʉʼ ɨ?

Markus 7:21

ebe, bɨbebebebe bɨsa bibyɛh, byé eduho ó, é leme tʉŋlʉ. Byé ó: bɨbebebebe mɨpɛhla, bɨmala, díbe, ejwɨɨ e bʉr,

Mɨlʉmlʉ 15:14

Simɔn, nyi lɛɛ mpʉ Zyɛm a taare lé etoŋlo bʉr o bɨkul bɨfih ɨ. Nyi pɛh bʉʉ bʉr é bɨkul byaa ó, bé diʼe kul bʉr ndɨ yaa ye e.

Lʉkas 19:40

No ó Yesʉs a bɨha e be ó: «Me elɛɛ bɨn ó nɛɛ, ǃbé si dible mɨnʉm, aka lwib nɛʼɛ, mokoʼ maʼ, mé ódwe me kum e motwii kʉ, bʉŋɔ bɨyaŋa!»

Lʉkas 7:39

No ó, é jɔʼ Farizyɛŋ a baŋle Yesʉs ɨ, a bee syɛɛla yaa ɛ, nye ntɔʼ taare lé elwib é leme we tʉŋlʉ ó: «Nkʉ mʉr nwaʼ a be ó be, be ngwiha mɨlɔb cyecye nɛʼɛ, mpa nyi gʉa ó, mʉma lé ekuna e nye nwa, nye ó é bul jwɨ̂ʼlɨ e mɨsyem!»

Lʉkas 12:17

Nye ze dî é leme we ó: “Me saʼ nyá ɛ? Me aka be e gumo me kaala mode mam!”

Yʉanes 8:37

Me ekʉ gʉa ó, bɨn bé ó mpoŋbʉr mo Abraham. Sa gwar, bɨn bé ekpɛl ó, bɨn jʉ ó me, ebe, bɨn bé akpɛl mɛʼle sikʉlʉ me lé edwe bɨn ɨ.